(بنات انتبهوا العين حق اقرءوا أورادكم) كتبت لكم هذا الموضوع والله ماكان في بالى انزله بس علشان اختنا رمش وموضوعها الحقوني مطبخي راااح ... وهذا الرابط
http://forum.hawaaworld.com/showthread.php?t=2305690&page=6
فحبيت أفيدها وأفيدكم حبيباتي بنات حواء:26: تصدقون حتى وأنا في سابع نومه أسولف معاكم وأتصفح منتداكم الرائع مو احلام بس انا من النوع اذا في بالي شي أجلس اسولفبه حتي في النوم يمكن احد مثلي:) المهم أبدا على بركة الله
بسم الله الرحمن الرحيم
اسمعيني أختي رمش انا جبت لك الحل والله على ما اقول شهيد انا قبل 15 سنه كنت في مكة الله يعمرها زوجي:arb: يدرس بالجامعه وسكنا في شقة صغرورة على قدنا ماكان عندي الا ولد _ قصة حياتي_ وفرشناها فرش أحمر شوفي كيف الذوق وكنت انظفها ودايم نظيفه المهم ما اقول ان بيتي بذيك الفخامه لا فرشنا الفرش المتر بعشره ريال ومافيه غرفة نوم بس دولاب متواضع ومرتبة من سليب هاى للنوم والمطبخ دواليب خشب صغيرة وعادية جدا المجلس مساند من القديمه حتي المجلى مجلى بس مافيه تحته دولاب لان زوجي كان طالب ذلك الوقت المهم سكن في نفس العمارة رجال وزوجته و2 عيالهم وتعرفوا الرجال على بعض وقال زوجها ان زوجته بتجيني المهم نظفت بيتي وجتني الحرمه بعد ما تعرفوا الرجال على بعض وجلست في الصاله وتقهوينا تقول ان بيتها عادي جدا تقول ان اواني المطبخ في كراتين وان ما عندها اثاث وسولفنا بعدين قالت اشوف بيتك لفيت في بيتي بعدين راحت لبيتها وجاء زوجي قبل صلاة العشاء وتقهويت انا وياه باقي قهوة الضيفة بعدين راح زوجي لصلاة العشاء هنا المفيد * رحت اغسل الاواني والله العظيم ما اكذب والله شاهد علي:09: الا وذيك الدودة البيضاء تمشي ببطأ على حافة المجلى من جهة الجدار شكلها دبدوبه وبيضاء ناصع وطولها 2 سم المهم انا انفجعت وانا خوافة من الدود من يوم أنا صغيره اموت ولا اشوف دود اذا لقيته في الخضار يصيبني حالة خوف واتخيل الدنيا كلها دود:icon33: وأمشي وأناظر رجولي وأرميه مو في القمامة لا برى البيت من خوفي لا يطلع وأنا ما أدري المهم ما أدري كيف ربي ثبتني رميتها وكملت غسيل وقلت يمكن طالع من المجلى فيه بقايا لحم وداد غليت ماء حار وصبيته في المجلى بعدين خلطت جميع المنظفات الموجودة عندي وغسلت المجلى وصبيت فيه وفي البالوعة الي في الأرض ورحنا ننام لما صحيت الفجر عالطول رحت المطبخ والمفاجأة الا حوالي 7 دود مثل الي شفتها في العشاء تتمشى تحت المجلى بس في حدود المجلى لان ماكان تحت المجلى دواليب رحت وجمعتهم ورميتهم من النافذة ورحت صليت ونمت المهم خبرت زوجي ونفس الشي في لما صحينا الظهر وجدت 6 أو 5 أو 7 ماني متذكره وريتهم زوجي ورميناهم واذا طلعت من المطبخ ورجعت لقيت كمن وحده المهم تمشي تحت المجلى 3 ايام كنت بتجنن وقلبت المطبخ قلب انا وزوجي:angry: والله ان كل شي يلمع نظافه وبعدين الهمني ربي للقراية فقلت لزوجي قصة الحرمة الي جتني وشافت بيتي وكانت منبهرة بالنظافة وقلت اقرأ في ماء وأرشه في البيت يمكن عين ضحك:) وقال عين على ايش على الاثاث الفاخر والا والا .... المهم قلت سو الي قلتلك تراني بانجن:42: المهم جلس في المطبخ وأخذ يقرأ في اناء به ماء وينفث وبعدها رشيت المطبخ والبيت كله والله والله والله ما عاد شفت ولا دوده والحمد لله* بنات الي تبي تصدق تصدق والي ماتبي تصدق بكيفها لأني والله ماكنت مصدقة والى الأن وهذا الموضوع محيرني أما الحرمة فتوبت اروحلها او استقبلها الحمد لله انها جت على المطبخ ما جت في غرفة النوم وانا من دلاختي:44: اوريها حتى غرفة النوم في اول زيارة ياساتر على بعض العيون بس فحبيت انبهكم لهذا الامر لابد من تحصين اولادكم وانفسكم وبيوتكم فالعين حق ومن أعجبه شي فاليذكر ربه ويصلي على النبي حسبي الله ونعم الوكيل وساموحوني على الاطاله ولولا اختنا رمش ما نزلت هالموضوع بس والله اني احبكم في الله واتمني افيدكم بشي قليل زي ما استفدت منكم انتهى:26:
ماضي الذكريات @mady_althkryat
عضوة فعالة
يلزم عليك تسجيل الدخول أولًا لكتابة تعليق.
نيست أقولكم هذا أول موضوع أنزله هنا ارفعوا من معنوياتي وارفعو موضوعي رفع الله قدركم .
صدقتي يااختي والله العين حق والحين صايره بكثر الناس صايره تحسدك على اتفه شي قبل
كنت ماني مقتنعه فيها واذا احد قال عين اقول على ايش
بس والله بعد ما عانيت منهاااااااا معنااه والى الان اعاني والحمدالله على كل
صرت موسوسه فيهاااااا بس اقراء واحصن نفسي وعيالي
كنت ماني مقتنعه فيها واذا احد قال عين اقول على ايش
بس والله بعد ما عانيت منهاااااااا معنااه والى الان اعاني والحمدالله على كل
صرت موسوسه فيهاااااا بس اقراء واحصن نفسي وعيالي
الصفحة الأخيرة
ماخلو احد بحاله الله المستعاااااااان