بنات انتبهوا انتبهوا لشغلاتكم من العصابات اللي تتصيدهم

السلام عليكم


بنات بقول لكم حادثتين صارت معنا


اول حادثه


كنا بالشاليه و خلينا الخدامة تطلع عشان تشوي وبنفس الوقت تشم هواء نبيها تستانس معانا

وراحت جلست على الكراسي قدام الشاليه بمترين على اليمين , طبعا الكل دخل الا انا كنت جالسه شوي على داخل عشان الشمس بس اشوف كل شئ


الا اشوف ثلاثه حريم ويتجمعون على الشغالة و يتكلمون معاها , انا الفار لعب بعبي وش يبون فيها وانادي خالتي

واول ماراحت خالتي للخدامة تراكضوا وتنحاشوا :(:(

طلعوا بيكلمونها عشان يعطونها عروض حتى لو انها عاقلة يغرونها بالنحشة وينحشونها حسبي الله ونعم الوكيل


الحادثه الثانية


وحده من قرايبنا مقعده وجالسه على كرسي كهربائي وودت خدامتها معها السوبر ماركت تساعدها تتقضى
تقول قلت لها خلي العربية عندك وبروح اجيب حليب وبجي , تقول رحت ويوم ارجع الا متجمعين عليها حرمتين ويتكلمون مع الخدامة وبس شافوني مقبله تراكضوا , تقول وصاروا بعيدين بس يراقبونا ويلاحقونا ينتظرون متى اترك الشغالة عشان ينفردون فيها وخفت اكلمهم يسوون فيني شئ وانا ماراح اقدر عليهم :(


خواتي كله يقولون لي ان شغالاتهم يجونهم يقولون ماما لمن تخلينا مع العيال بالالعاب بالمول تجي حرمنا تعطينا كرت ولا تعطينا رقم وتقول تعالي راتب زيادة وشغل قليل واحسن من كله بيبي تعب :(

عشان كذا يابنات حبيت انبهكم واحذركم لاتغفلون عن الخدم ابد ابد صايرين عصابات يتصيدونهم حسبي الله ونعم الوكيل

اللي عندها حادثه مثل كذا تشاركنا عشان ننتبه اكثر ونعرف طرقهم