بنات انتبهوا من الرشاد لايذبحكم

السلام عليكم ورحمة الله وبركاته

باختصر وادخل بالموضوع على طول ..من كم سنة كذا قلت خليني اسوي حرمة واعتني بارحامي وكانوا زميلاتي يتكلمون عن لهومات وقت الدورة وانهم يا يسونها بنفسهم او ياخذونها من حريم يبيعونها وبعضهم تقول انا اتبخر ببصل وخرابيط وقت الدورة والنفاس ..المهم اني سويت زيهم واجبت لهوم من كبيرة بالسن نعرفها ولاتبيعه ..اللي لاحظته اني صرت ثاني او ثالث ايام الدورة اتعب ترجيع وصداع فظيع واروح المستوصف يلاقون ضغطي مرتفع جدا واتنوم وكبسولات تحت اللسان وشي وانا اصلا عندي ضغط دم
في يوم من الايام كنت تعبانة مررة بالمستوصف والاقي واحدة الله يجزاها كل خير والين الحين ادعي لها بالخير ..قالت لي احذري تاخذين لهومات فيها رشاد لانه معروف انه يرفع الضغط وان اخت زوجها كانت تعاني ويرتفع ضغطها مررة الين قال لها الطبيب ان الرشاد يرفع الضغط
والله يابنات من تركت اللهومات والخرابيط وانا الحمد لله ماعاد اتنوم كل دورة
الرشاد يرفع الضغط بشدة غير انه يقطع الدورة وينهيها وهي لسه ماخلصت وهذا عاد كلام امي كانت تقول الاولين تاخذه الحرمة اذا طولت عليها النفاس او جاها نزيف عقب ولادة او اسقاط جنين
اهم شي ابتعدوا عن الخرابيط مادام ان كل شي كويس وعلشان ماتتعودين عليها
البخور خطير كمان وهذا كلام شيخ يقرا يقول كنت ارقي حرمة تعاني من العقم وكانت تتبخر وقت الدورة ولمن تركت البخور حملت باذن الله وقال البخور يسوي التصاقات وعقم ..
واحذروا من كثرة الحبة السوداء يادوب سبع حبات وبس
نصيحتي .. وقت الدورة اذا عندك مغص حطي نص ملعقة كمون وشمر وربع قرفة وقشر قهوة وبس على كاس ماء حار
واياك تعبين ترمس وتشربينه طول اليوم كثرة الشي زي قلته هي ثلاث مرات باليوم وبعد الاكل
هذه نصيحتي لكم لانها عن تجربة وتجارب آخرين واتمنى اكون افدتكم