بنات انتبهوا من مكتب تاون

الله لايوفق مكتب تاون اسمعوا قصتي معه قدمت شغاله كينيه وقالوا لي ثلاث شهور ونكون عندك وخلصت ثلاث شهور وكل يوم اكلمهم يقولون خلاص كلمينا يوم الاثنين اكلمهم يوم الاثنين يقولون خلاص الاوراق عند السفاره على وشك تخلص اجراءاتها وعلى هالحاله كل مااكلمهم يقولون كلمينا يوم الاثنين مادري وش سالفتهم مع الاثنين وراح الرجال لهم وتخانق معهم قالوا خلاص شغالتكم راح تكون عندكم خلال شهر فقظ اجراءات بسيطه وجلسنا على هالحاله سبعة شهور وجاء الفرج كلمونا قالوا شغالتكم بالمطار لها ساعه ماصدقنا خبر رحنا للمطار وبعد انتظار نادوا على اسمنا وكل مااشوف وحده طويله وسوداء اقول يارب ماتكون هي ولما نادوا علي اسمنا طلعت ذيك الطويله السوداء واقول بنفسي ياالله ياليتني ماقدمت على كينه المهم اخذناها ولما ركبت بالسياره حطيت ايدي على راسها وقلت اللهم اني اسالك خيرها وخير ماجبلت عليه واعوذو بك من شرها وشر ماجبلت عليه واخذناها للبيت شكلها جريئه ومش خايفه وكأنها متعوده على الشغل ماتعبت معها ايه نسيت اقول لكم اني فتشت اغراضها اول ماجت مالقيت معها شي بناتي قالوا باليل فيه صوت نغمة جوال غريبه اثاريها عندها جوال مخبيته متفقه هي والمكتب شكلهم معطينها الجوال والشريحه انا سالتها قالت لا وقعدت تبكي سكت عنها وقلت منين يجيها الجوال كيف قدرت تشتري جوال وشريحه سعوديه وهي ماتطلع حتى الزباله يرميها السواق من حرصي عليها وفي رمضان بالعشر الاواخر قامت علينا بدون سبب تبكي وتقول انا بروح لكينيا انا لازم اروح للمكتب عند احمد هي طبعا تتكلم انجليزي ماتعرف عربي الله لايوفق احمد المهم وديناها مكتب تاون قابلنا المسؤول زفت وتعامله زفت قلنا الشغاله ماتبي تشتغل مضربه عن الشغل بدون سبب وحسب العقد ثلاث شهور انتم ملزومين تبدلونها لنا قال اذا بدلناها تحملو ا تجلسون بدون شغاله تسع شهور يمكن تجي ويمكن لا خلو الشغاله عندنا وحنا نتصرف قلنا عظنا ضمانات قال لا بدون ضمانات ماني ملزوم اعطيكم ضمانات والا خذوها ولاعاد تجوني قلنا خلاص بينا المحاكم قعد يضحك قال ياالله قدامكم المحاكم طبعا الاخ ضامن متعود على غش الناس الله ينتقم منه ومن كل الي مسؤل عن هالمكتب والي يشتغل فيه كلمها واحد عندهم بالكيني وهزت راسها اخذناها للبيت صارت تشتغل عادي انا استغربت هاذي الي كانت تبكي ومنبي تشتغل قيل امس االعشاء اختفت واجلس انادي ماترد فص ملح وذاب دورناها بكل مكان كملت بالضبط ثلاث شهور انا يوم كنت عند المكتب جات حرمه وتجلس تدعي عليهم وتقول هربتم شغالي ياليتني سمعت كلام الناس الي قالوا عنكم حراميه وانا بعد اقول مثلها يا ليتني سمت كلامهم كم وحده قالت لي احذري من هالمكتب يتفقون مع الشغالات بعد ثلاث شهور يهربونها حسبي الله ونعم الوكيل فيهم طولت عليكم يس قلت لكم قصتي عشان تتعظون ولا تنخدعون بهالمكتب اللهم بلغت اللهم فاشهد