ود الوداد :

اعتذر عن صاحبة الموضوع بس معليش من اللي وصل فيه الحال ينام وهو جوعان او الشحذه ؟غير الدول الفقيره انتم ياصحاب هالتفكير تبغونا نقارن انفسنا بهالدول ليش ؟ ليش ماتقولون شوفوا الامارات مثلا ؟ شوفوا قطر .. ؟ بالغصب تكسرون عيونا ؟ لنا حق مثل ماغيرنا له حق نبغى نعيش ونبغى حياة .. لأنك مرتاحه تبغين تجوعين غيرك ؟ ولانك منتي حاسه باللي حولك تبغين تزيدين الجرعات عليهم مثلا ؟ انتي تفكيرك بالضبط زي بطانتنا ماتفرقين عنهم .. " جوع كلبك يتبعك " هالاسطوانه محفوظه عند اصحاب هالتفكير ماتدرون ان هالكلب تكرمون بيجي يوم وينهش عظامكم .. بدل كلامك وتحسرك انك تمسكينا وفري مبلغ واستقطعيه اذا الله معطيك وعطيه جارك او هاتيه انا بنفسي ادلك على ناس ماتلاقي كسرة الخبز ومو لاقيه مكان تنام فيه .. حنا مانجحد حنا نشرح وضعنا وماصدق ان فيه نوعيه مصدقه ان كل المملكه بخير .. !! بدون تنميق ياما ناس نامت عريانه لا لبس ولا غطاء يحفظهم .. ياما ناس بكوا من الجوع مو لاقين كسرة الخبز اللي نرميها وهي مليانه اقسم لك بالله هم هنا وبيننا بس عزيزين نفس يسكتون ويوم تكلموا صاروا حجودين ؟ كل طبقه فينا تطمح بزياده لكن زياده عن زياده تفرق حنا ع الاقل نبغى مسكن بدون اقساط سياره بدون اقساط ارض بدون ديون وظيفه براتب مايقل عن 15 الف بيضر الدوله شئ ؟ نقطه في بحر وماقصرت الحكومه ابد بس البطانه شغاله حسد وانانيه وقلة أدب مافيهم نخوه ولاهم ظهر لاخوانهم ولا خواتهم مانبغى قصر في جنيف ولا لندن ولا طياره من الطراز الفلاني ولا ناطحات سحاب مذهبه ولا اراضي بملايين الكيلوات حنا نبغى اقل القليل من هذا كله واعتقد انه من حقي كمواطنه اصرخ واستغيث اذا شفت هالنوعيه حارمتني حقي ولا هو حجود ابدا .. بس انتم فاهمين المطالب غلط تحسبون اذا قلنا مطالب يعني نسقط الحكم او نسب ال سعود !! لو كل الشعب اتفق ع هاللي ماكلين الاخضر واليابس والله مايقصرون الحكومه لانهم رح يشوفون كم هائل متفق ولايرضونه ابدا ..اذا تتذكرين طلعة الملك للأحياء الفقيره هذيك السنه بالله لو يجيه واحد ويقوله مازال من هالاشكال كثير تتوقعين بيرفض انه يعطيهم ؟ مستحيل بس مافي ذمه ولا ضمير يجون يقولون له بالعكس يكذبون ويقولون الوضع تمام والحمدلله الدنيا بخير هذولا بطانه فاسده ماهم حافظين الامانه والعيب مو فيهم العيب فينا اللي ساكتين .. تصرف الدوله وتعطي بدون اي تحديد يجون هم يفصفصونها تنزل قرارات رائعه يجون هم يفصفصونها توسعات وانظمه بصالحنا يجون فصفصونها وهاتك يابلع ومحد يقدر يفتح فمه .... اااسفه طلعت من الموضوع بس بجد حسيت ان فيه نوعيه انانيه ماعندها ادنى ذوق تفكر باللي حولها او ع الاقل تتخيل ان فيه ناس اقل منها .. :26:

اعتذر عن صاحبة الموضوع بس معليش من اللي وصل فيه الحال ينام وهو جوعان او الشحذه ؟غير الدول...

عزنا بالاسلام :

لا يمكنك مشاهدة هذا التعليق لانتهاكه شروط الاستخدام.