الله يرحم ابوك وجميع موتى المسلمين ,,ويخلي لك امك واخوانك واخواتك,,ويسعدكم ويجمعكم على خير ,,والله ذكرتيني بأيام زمان وجمعتنا انا واخواني واخواتي,,الله يجمعنا في مستقر رحمته

الله يرحم ابوك ويوسع عليه قبره ويخلي لك اميمتك امين ويرزقك الزوج الصالح اللي يسعدك ولا يغير عليكم
الله يهديك قلبتي علينا المواجع
هذه الدنيا تبدا بسيطه وتكبر تبدا بالسهل وتصعب وانا زيك اتمنى الايام ترجع لورى بس ما نقول الا اللهم لا اعتراض يوم اني بنت كنت استانس لما يجون خواتي واهم شئ السهره وخاصتا اختي الكبيره الله يشفيها ويعافيها قولوا امين كنت اترقب جيتها واتذكر نومتها على الكنب وانا تحتها في تالي الليل وعيالها نايمين جنبي وسهرتنا كانت على كلام يخللي الواحد ينسى الدنيا وهمومها عن طهارة القلب من الاحقاد وعن الجنه ونعيمها وعن اهوال يوم القيامه والله ثم والله ان ماتملين من جلستها وتمر الايام والسنون واتزوج ’’’صحيح عندي زوج مومقصر معي باي شئ ومستانسه بس الاحداث اللي صارة لاختي اقتلت كل شئ حلو بحياتي بعد عشره دامت عشرين سنه لاختي عاشتها بسعاده وفرح جازاها زوجه بضره غيرت حياتها راس على عقب تركت بيتها وعيالها لمدة سبع شهور لان جاتها حاله ما ندري هي مس من الحزن اللي فيها والا عين والا سحر والبسم لله اللي فيها يقول اللي ساحرك هي زوجته عن طريق شربك للقهوة يوم انك عازمتها عندك للفطور في رمضان وعلم مكان السحر واسم الساحر في بداية الامر صدقته باللي يقول بعدين يوم قال لها الشيخ دائما الجن كذابين غرضهم التفريق وانتي فيك عين قديمه وقويه وفيك تفرقه بينك وبين زوجك لمايقرأ عليها الايات ما تتأثر الا بآيات السحر فقط وداومت على البقره والسدر والحمد لله خفت الحاله وما عاد صار يجيها الا لما تزعل زعل قوي كانت قبل يمكن تجيها الحاله ثلاث مرات بالبيت صرخ وكلام مو كلامها والله نفسيتنا دمار وخوف ورعب ماتتصورين كيف وكنا نخاف انه يخنقها لما نقرا عليها لانه يقول اذا ما سكتوا راح اذبحها لكم الحمد لله على كل حال وبعد مارجعت لبيتها وعيالها ماتتصورين فرحتهم وفرحتناكيف بس هي ضاغطه على نفسها كل عشان عيالها ما يتشتتون وكانت تنتظر الاربعاء بفارق الصبر عشان تروح لاهلي او اهله عشان تنفس عن روحها وضلت عل هالحاله مايقارب ست شهور وقرب زواج اختي الوسطى بقي له اسبوعين وهي راجعه اختي الكبيره مع عياله يوم الجمعه لمدينتهم صارعليهم حادث واصيبت اختي بكسر بالفقرات العجزيه وكسر بالترقوه اليسرى وكسور في الاضلاع وها هي مقعده على السرير ولسانها يلهج بذكر الله ولكن اين حبيبها الذي احبته وافنت عمرها لراحته وكانت دائما تقول احب زوجي اكثر من عيالي زوجي هو هواي اللي اتنفس فيه وبعد ما تزوج عليها ايامها كلها بكى في بكى الى درجة امي وابوي حالتهم النفسيه ما يعلم فيها الا الله ويوم خفت ورجعت لبيتها الكل فرح لرجعتها وبلمح البصر هي الحين على السرير اااااااااااااخ على شبابها ما امدى فرحنا برجعتها لبيتها اللهم لا اعتراض وهذا لحكمه لا يعلمها الا الله
اهمال زوجها فيهاوفي بيته وظلمه لها ولا كأن عاش معها عمر واذا بغت شئ قال عندك ولد قولي له اللي تبينه والولد عمره 16 سنه حمله ابوه مسؤلية البيت من والى حتى السفر هو اليي يودي امه واخوانه كل خميس وجمعه لاهلي واهله وكل واحد في منطقه بعيده عن الثانيه مسافه تستغرق ساعه لان اختي ما تطيق بيتها تحس كأنه بينطبق عليها وصار اللي صار
شفتي ياختي الدنيا ما تدوم لاحد ولازم نعمرها بالطاعات وانا اختك نترك عنا الافلام اللي اخر الليل ونستبدلها بدمعه لرب الارباب تنسيك همك وحزنك وما تحتاجين لاحد في هذا الوقت بس تبين تخلين به وما يشوفك احد هالله هالله يا حبيبتي نشد الهمه ونخلي ربي ونيسنا في كل الاحوال لان هذا الدنيا فانيه وما خلقنا الا لعبادته سبحانه
حبيبتي فرحي ابوك وهو في قبره بالطاعات اللي تسوينها له احفظي سورة البقره وال عمران
عن أبي أمامة الباهلي رضي الله عنه ‏ ‏قال :‏ ‏سمعت رسول الله ‏ ‏صلى الله عليه وسلم ‏ ‏يقول : (‏ ‏اقرءوا القرآن فإنه يأتي يوم القيامة شفيعا لأصحابه اقرءوا الزهراوين ‏ ‏البقرة ‏ ‏وسورة ‏ ‏آل ‏ ‏عمران ‏ ‏فإنهما تأتيان يوم القيامة كأنهما غمامتان أو كأنهما غيايتان أو كأنهما ‏ ‏فرقان ‏ ‏من ‏ ‏طير صواف ‏ ‏تحاجان ‏ ‏عن أصحابهما اقرءوا سورة ‏ ‏البقرة ‏ ‏فإن أخذها بركة وتركها حسرة ولا تستطيعها ‏ ‏البطلة ) { رواه مسلم }
والله ينور قلبك بنور الايمان الله يهديك خلتيني اكتب واطلع اللي بقلبي كله وذكرتيني بوخيتي اللي هي بلسم جروحي الله يشفيها ويفك عوقها والمسلمين اجمعين قولوا امين
واللي خلاني اكتب يا حبيبتي خوفي عليك وحنا كلنا خوات ونبي نعبد ربنا ونوصل لاعلى مراتب الجنان

اااااه ياقلبي قلبتي مواجعي مافي احلى من جمعت الخوات

يا حياااتي حسيتك فضفتي كل الي في خاطرك ..

انا عايشه في بيت اهلي و الحمدلله كلنا موجودين ..بس تحسينااا عاااائلة جااااااااافة بكل معنى هالكلمة

تصدقين ابوي الحين مسافر له فوق الاسبوع .. ما احس بغيابه... على كثر ما يسافر ما حسيت يوم اني فقدته او اشتقت له يسااافر بالأشهر من يوم كنا صغار ما يفكر يكلمنا بالتلفون مدري ليه ..

.. و اخوي الكبير الحين توه راجع كان يدرس برااا له كم سنة .. يوم وصل سلمنا عليه و كذا بس تحسييين عاااااااااادي... انواااع البروود اصلالااا حتى ما فكر يجيب لنا شئ او حتى يسأل عنا و هو برا.. و احنا تمر الاعياد و المناسبات و لا نفكر نعايده مدري ليش..

امي مقفلة على غرفتها اربع و عشرين سااااعة.. و الله يهديها اذا طلعت انوااع الهواش .. اطلع معها و خواتي للسوق (متنفسنا الوحيد)
و بدون اي سبب :06: تقلب الروحه هواااش ماله داااااعي و الله العظيم بدون سبب تقوم تعيب فينا و تدور اشياااء قديمة عشان تهاوشني عليها .. الله يسامحها بس..

و الحالة هذي اوضح شئ بيننا حنا البنات و بين اخواني الكبار الذكوور.. و ربي ما كأنهم اخوااااني.. نااادراا نطلع معااااهم و اذا سافرنا مع ابوي و امي من سنين ما يروحون معانا.. تصدقين حتى رقم احد اخواني ما عندي ..تقدرين تقولين يصلحون اخوالي اعمامي عياال عمي بس اخواني لااااااااااااااااااا

و مع ذلك اقولك الحاضر عندي اهووون من الماضي .. الحمدلله ما صار شئ في الماضي مع ذلك اكره طفولتي و مراهقتي كانت امي بعيييييييده عني و قاااسية الله يهديها

بس الحمدلله الشئ الوحيد الي فعلاً بديت احس بقيمته اختي الله لا يحرمني منهااا يااااارب
الله يرزقنا طول العمر انا و اختي الحبيبة مع العمل الصالح.. و خواتي كلهم يا رب يا كريم

الله يرحم ابوك ويغفرلو يارب
ويجعله من اهل الجنه يااارب
الله يرحمه الله يرحمه ويوسع قبره

ويخليلك الوالده ويطول بعمرها ويحقق امنياتك يارب
وجعلها اخر الأحزان حبيبتي