oum noura :

شكرآ لاختي كآتبة الموضوع لانها فعلا ذكرتنا باشياء ناسينها او الصدق نحاول ننساها ونتجاهلها لانه شيء من الماضي راح وانتهى وشيء يوجع انك تقلب صفحات الماضي بما انك كتبتي الموضوع وقلتي شيء حلو ان الواحد يرجع ذكرياته حبيت اكتب وافضفض مدري يوم قريت سالفتك بكيت وتاثرت على الاقل انتي احمدي ربك يعني اخواتك للحين يجونك ويوسعون صدرك وشيء احسن من لاشيء بس انا وش اقول الحمدلله على كل حال يابنات والله اني ترددت اكتب قصتي بس قلت عشان يحمدو ربهم على النعمه اللي هم فيها انا ولله الحمد عائلتي كامله يعني الحمدلله أمي وابوي موجودين ويارب طول في اعمارهم واخواتي بعد منهم المتزوجات ومنهم لسى بالبيت ماتزوج طبعا محرصوتكم اللي هي انا متزوجه سالفتي ياطويلات العمر لنا سنين يابنات مانجتمع ابدا نادرا والله يعني عكس اول كنا اذا جا الغداء او العشاء كلنا نسوي دويره عليه نجلس ناكل ونسولف واذا جاء المغرب نسوي القهوه عشان ابوي وكلنا نجلس ونفتح على التلفزيون وكان اول كل مغرب يجي مسلسل بدوي تراني قديمه انا وقتها كلنا مابعد تزوج احد من خواتي مبسوطين حتى النوم يابنات اول كنا ننام على الفراش ماعندنا سراير وكنا نام بغرفه وحده حتى بالنوم مانفترق مو زي الحين كل وحده بغرفه لحاله وماتدري وش تسوي من ضيقة الخلق حتى السهر نسهر سوا ونرقص سوا هبال واذا رجعنا من الجامعه كل وحده تشوف الثانيه وتقول لها وش صار معها ونتفرج مع امي على مسلس الظهريه وبعدها نروح ننام ونقوم العصر ونحل واجباتنا ونذاكر ونتفرج بالتلفزيون حتى وربي اذا صار في اختبار مانقدر نصبر لازم نجلس معهم ونمسك الكتاب وربي كانت حياتنا بسيطه بسيطه بالمره بس قمة السعاده لكن تعالوا شوفوا الحين وش صار يابنات والله كل وحده في غرفتها ماتدري وش يصير مع اختها النوم ساعات ولا تشوفها الا طالعه تبي تروح المطبخ تبي تشرب ولا اعزكم الله رايحه الحمام حتى سلام عليكم مافيه حتى كيفك متى جيتي مافيه تغيروا اخوتي بالمره ماعاد نجلس مع بعض الفطور والغداء والعشاء وربي مدري اذا كانوا يتغدون البنات ولا لا أجي لمهم كل اربعاء مافي حماس كل وحده عندها همومها منطويه لحالها ماتسولف ماتتكلم الا نادرا قسم بالله اروح لبيتي اقول خلاص ماراح اروح لهم مره ثانيه بس اقول حرام عشان امي وابوي لازم اسلم عليهم واشوفهم والله اني اجي من بيتي لهم طايره من الفرح وبالاخير ادخل عليهم اجلس بالصاله مادري وين اروح طول الوقت ساكته اتمنى لو اجلس مع اخواتي المتزوجات واسولف بس المشكله كل وحده عندها همها وهم عيالها مالهم خلق لي والبنات برضوا كل وحده همها بالكليه وجالسه بغرفتها واحيانن اجلس مع امي بس للاسف نفس الشيء يعني كلمتين ورد غطاها ااااااااااه يابنات قسم باله ماتدرون صرت ادخل النت واضيع وقتي فيه صرت ادخل على مواقع الدردشه بس عشان اسولف مع الناس والحمدلله لقيت بنات اسولف معهم والمنتديات بعد كسبت بنات طيبات اتمنى من كل وحده تقرا قصتي تدعيلي بالهدايه وتدعي ان الله يجمع اسرتي مثل ماكانت واحسن والحمدلله على كل حال

شكرآ لاختي كآتبة الموضوع لانها فعلا ذكرتنا باشياء ناسينها او الصدق نحاول ننساها ونتجاهلها لانه...