بنات انصحوني بخصوص شغل زوجي وبعدنا

ما اعرف الله يرزقكم قرب اهلكم

يسوي اعلان طلب بديل
او ياخذ دورات تأهله لشغلة ثانية
او يكمل دراسته وياخذ الماجستير ويصير معلم مثلا

عندي لك فكره حلوووووة جدا

وش رايك ياقمر تتوكلي على الله و تسجلي في حلقة تحفيظ أقرب مسجد جنبكم وربي راح تنبسطي وتتونسي وتتعرفي على صاحبات صالحات رائعات يوسعون الخاطر ويشرحون الصدر .. وادعيلي
<< من واقع تجربه >> تحسفت ع الايام اللي ضاعت بدون تحفيظ قسم بالله

أنا من تزوجة لحد رمضان الماضي 10 سنوات و شهرين و أنا بعيده

عن أهلي و أهل زوجي و أقاربي و معارفي كلهم بالقصيم

و أحنا بالغربيه عنهم 1000 كيلو

و بحكم عمل زوجي مافي لا جيران ولا صداقات كلها ممنوعه

و الأن نقلنا ياربي لك الحمد و الشكر للقصيم

و بعد التعب في السفر و الشقق و الوحده

رجعنا لمدينتنا وفي بيتنا الملك و بين أهلنا و أحبابنا


الصبر زين و أنا أختك

و التعاون و التنازل و التفاني بينك و بين زوجك مهم

حتى تعيشو حياتكم

بهدوء وراحه و ما تأثر فيكم الوحده و البعد



و شوفي دور التحفيظ و إذا ما كملتي دراسه كملي و أدخلي دورات

و شاركي في أعمال خيريه أو أبحثي لك عن عمل

الجلوس في البيت كذا صعب جداً لذلك أستغلي وقتك بالمفيد

400كيلو وزعلانه وحاسه بغربه !!!

وش اقول 2200كيلو بالسياره نمشي يومين والطياره مافيه حدايركت نطلع رحلتين !!

احمدي ربك واشكريه وزوجي عسكري وربي عشت بالعماره لحالي والجيران والناس قليل لانه غالي الحي والحمدلله تكاثرو وزادو الناس وزاد البنا والفلل والعماير وتعرفت على جيران من كل ديره وقبيله والله انهم اقربلي من هلي !!
نصيحه تكيفي مع وظروفك وحاولي تاقلمين واصبري والله انه يموت الميت ويدفنونه مانلحقه من البعد!!

حبيبتي الحياه الزوجيه كفاح وصبر وربي عيالي مايعرفون اغلب اهلنا ويتكلمون شمالي مايعرفون يحكون جنوبي !!

وحبيت الشمال واهله وهلي جنوب بس احس روحي وحياتي وذكرياتي واجمل سنين عمري هناك !!

تعرفي عالجيران ارسلي ولدك بقهوه وشاي لجارتك ويقولها امي بتزورك عادي !!

فديت خجيراني وفديت اهل الشمال !!