Lady J :

بخصوص نزول الوزن. خلى هالشعور بتأنيب الضمير والاحباط يكون أكبر دافع لك. أنا كنت أستخدم دوافع وايد قبل مثل لبس معين أو مناسبه أو غيرها للتحفيز لكن فعلا لما بديت أفكر أني ما أبي أحس بتأنيب الضمير مره ثانيه أبي أحس بسعاده فعلا تحفزت. حتى لما آكل أكل مو صحي أو ما أتمرن بهاليوم، على طول أتذكر أول ما أحس بهالشعور السيئ أني خلاص راح ألتزم. أهم شي لا تكرهين نفسك وتكرهين وزنك، لأن تذكري حتى لو وزنك زايد جزء من هالوزن لحظات حلوه وجمعات و طلعات. وخلاص انتي عشتي هاللحظات والحين وقت تركزين على نفسج. أنا لاحظت الحين أنك انتي اللي كتبتي الموضوع عن التمارين، بس ما أن نفسيتك محبطه وتحتاجين تحفيز، أنصحك ما تبدين بالتمارين وبس تسوين نظام أكل صحي مع مشي لو تقدرين امشي ١٠ كيلو ترئ مو وايد. لأن التمارين في البدايه تثبت الوزن على الاقل لمدة شهر فيعني تحتاج وقت أكثر لما تشوفي نتيجه، لكن مع المشي ودايت راح تلاحظي الميزان ينزل وهالشي راح يفرحك ويشجعك أكثر أنك تنزلين. نزلي شي تحبين تسمعينه علي الايفون او الايبود وامشي برى، ممكن لو حتى فيه بودكاستات بالعربي أو الانجليزي عن مليون موضوع شوفي اللي يعجبك علشان ما تملين، أو خلي حد يمشي معاك في أيام معينه، أو اشتركي بجيم بسيط واستخدمي بس التريدميل اللي هو السير الكهربائى. فيه آب بالايفون موجود اسمه health يحسب لك كم مشيتي. و عادي امشي قد ما تقدرين بس مو أقل عن ٥ كم أو ١٠ الاف خطوه. مع النظام الصحي اللي حطيتيه راح تنزلين بس اكلي صحي وعادي الكميه اللي تبينها، بالنهايه البروتين والخضار مهما أكلتي عادي. غير هذا حطيلك هدف واقعي مع وقت معين. مثلا الهدف الأول تطلعين من الميه وشي وتدخلين التسعين. يعني ٩٩ كم. و لو حطيتي ببالك كل أسبوع تنزلين كيلو راح تعرفين متى راح توصلين هالهدف. وحتى راح تعرفين كم كمية نزولج الطبيعيه مع الدايت. مثلا الناس اللي أوزانهم أكثر ينزلون أكثر. فأتوقع أكيد راح تنزلين أكثر من كيلو بالاسبوع خصوصا أول أسبوع. لكن مثلا لو كان وزنج بالخمسين كيلو كل أسبوعين يعتبر وايد. و أهم شي اوزني مره بالاسبوع علشان الميزان اذا نزلتي يشجعج تستمرين واذا زدتي تنتبهين لأكلج وتشدين حيلج أكثر. واشربي ماي وايد وايد. ممكن كل ١٠ أيام تاكلين وجبه عاديه مو صحيه مثلا برغر، بس وجبه وحده، هالشي راح يخلي الاكل المو صحي يطلع من خاطرج وما تظلين مشتهيته. صدقيني اذا سويتي كل هذا مستحيل ما تنزلين. وانا معاج مع أني نادر ما أدخل هالمنتدى، لكن قلبي معاج وأي سؤال أنا حاضره.

بخصوص نزول الوزن. خلى هالشعور بتأنيب الضمير والاحباط يكون أكبر دافع لك. أنا كنت أستخدم دوافع وايد...