بنات انصحوني لأني محتارة

السلام عليكم ورحمة الله وبركاتة
كيف حالكم جميعآ ان شاء الله طيبين
طبعآ قبل ما اقولكم ايش سويت مع زرجي هوا صح لو غلط احب اوضح ان زوجي شمالي غربي طبعآ الايام اللي فاتت كان زوجي معايا تمام الحمدلله بالرغم انو مكالمتنا قليلة جدآ او بالاحرى انا ما اتصل نهائيآ. بس هوا يتطمن عليا بالواتس وانا عادي ارد علية طبعآ ويرسلي أغاني حب وغرام ومدري ايش وانا ارد علية طبعآ بعد كم ساعة واكتب حلوهـ وخلاص ما اكتب شي سبحان الله انقلبت الاية كنت اهدية اغاني او اشعار واقولو كلام حلو وهوا كان زي الجدار معايا المهم قبل كم يوم زوجي انفجر انو ليش ما اكلمو ولا أسأل عنو ولا أرسل على الاقل اتطمن علية وووو الخ نفس الشي اللي كنت اسوية ومعاة وكان يرجع المشكلة عليا بس الحمدلله قدرت امتص غضبو واهدية المهم اليوم اللي صار انو زوجي ماكان عندو دوام وصاحي بدري وانا فاضية ف رديت علية بسرعة وقالي ابغى اكلمك قولت طيب وفعلآ جلسنا نسولف فستأذنت منو اني ابغى اطلع المول اكمل اغراض البيبي وبعدها اتغدا برا مع اهلي لكن رفض وقالي انا من زمان قولتلك لا تناقشيني المهم انا استغليت الموقف وقولت انت لا تطلعني ولا تبغى اطلع مع اهلي لو على الاقل اضمن انك بتعوضني عن الحبسة دي عادي بس حتى لو طلعتني تطلعني وانت معصب ومشاورنا ماياخذ ساعة قالي بالنسبة لي انا تكفيني قولت وانا ماتكفيني انا لسى صغيرة وابغى اعيش حياتي واذا ماعشتها معاك اعيشها مع مين قالي انا مو مقصر قولت ماديآ صح بس انا احتاج منك ماديآ ومعنويآ وجنسيآ وعاطفيآ وحتى التماشي والطلعات انا ابغى منك ومعاك كل شي واعتقد اني بأطالب بحقوقي بما يرضي الله ومابكثر عليك واعترفلك اني انا السبب انك انت تغيرت وصرت تتجنب الطلعة معايا والسوالف وكل شي بس انت مو معطي نفسك فرصة انك تشوف التغير اللي فيني قولتلو انا رجعت لنفسي اللي ضيعتها اول ماتزوجت بسبب جهالتي بس عرفت انو كدا غلط وربي نور بصيرتي وهداني ورجعني للطريق الصح فلا تظلمني معاك لاني ماراح اتحمل قالي انتي كم مرة وعدتيني تتغيري وماتغيرتي قولت صح لاني كنت اوعدك عشان اكسب هدنة ارتاح فيها من المشاكل معاك وارجع بس اللحين انا تغيرت عشان شوفت ان ها الشي راحتي الحقيقة والدايمة قالي طيب اعطيني اللي انتي تبغية مني واعطيتو اللي ابغاهـ بدون ما اكثر وقفلنا وكنا مرتاحين من بعض وفي الليل صحاني من النوم وجلس يسولف معايا بالواتس اللين قالي ان شاء الله اذا رجعتي عندي البيت راح نعمل رياضة مع بعض قولتلو ( ما ابغى ارجع عندك ) حسيت اني لازم اقولها لانو كل مرة يطلعني من البيت بسبب وبدون سبب قالي براحتك اللي مايبغانا مانبغاهـ قولتلو هوا هذا الكلام قالي اجل ليش تسولفي معايا قولت عشان من زمان ماسولفنا مع بعض وبعدين انا فاضية وانت فاضي قالي انا مو واحد تضيعين وقتك معاة قولت انا مابضيع وقتي معاك انا مبسوطة معاك قالي انا مو مبسوط لاني حاس انك بتضيعي وقت معايا قولت انت من متى كنت مبسوط بالسوالف معايا قالي خلاص انا يكفيني اني اتطمن عليك وعلى اللي في بطنك قولت ليش قال عشانك على ذمتي قولت بس هذا هو مايحتاج تتطمن ولا تشيل همنا ترا نحنا بخير ومبسوطين ومرتاحين الحمدلله قالي مو بكيفك قولتلو حبيبي هون على نفسك ترا الحياة كذا حلوة وتجنن قالي بالنسبة لك اما بالنسبة لي ماتعجبني هذي الحياة ولا تخارجني قولت ايش اللي يعجبك قال تعبت وانا افهمك بس انتي ماتبغي تفهمي قولت اعتبرها فضفضة قالي خلاص تعبت قولت سلامتك اللحين انا استاذنك قالي الله يستر عليك وطلعت من المحادثة ملاحظة (اسلوبي معاة كان قمة في الانوثة كمان كنت اتعمد اقولو حبيبي وقلبي وروحي ومن دا الكلام وقت النقاش ) اسفة طولت عليكم لكن اللي سويتو صح لو غلط تكفون انصحوني عشان اقدر اتدارك الموضوع خصوصآ ان زوجي اليوم قالي انا ما احب اخوض في الماضي وتعرفيني اكرة افتح مواضيع قديمة وحسيت انو اقتنع بفكرة اني تغيرت بس مايبغى يوضح لي تكفون لا تهملون الموضوع
لا اله الا انت سبحانك اني كنت من الظالمين