بنات انصحوني وش اسوي

وانا والله مابي مشاكل ولا ابي اقول ل زوجي لجل مايكلمهن ويزيدن الطين بله ماابي مشاكل لكن ماني عارفه اتصرف معاهن ادري المحبه من الله وانا ماافرض حالي على احد عزة نفسي فوق كل شي لكن مستغربه ليش هالتصرف معي وانا ضامنه انه ماسويت شي حتى امهم لما تجي سلفتي ماتعبرني وبس تروح سلفتي ترجع ضحك معي والله انا عشت في بيت اهلي على المحبه والتعامل الزين مع الكل مو ناس وناس وبنفس الوقت ماابي اقطعهم بالعكس ودي اكسبهن ونكون خوات بكل حاجة

طيب ليش ماتتجاوزين هالفكرة ...وعيشي معهم بدون ميانه
وتودد يسقط الحسابات...المحبه من الله ..
انتي باين طيبه بس صدقيني اريح لك كيذا
والله يسخركم لبعض ويزين مابينكم

احسن لك ماداموا كافين شرهم الحمدلله

أحيانا كثييييييرة الإختلاط يجيب المشاكل ممكن كذا احسنلك ألف مرة و خليكي على طبيعتك لا عاد تتعبي عشان ترضي أحد و خلي كلامك مدروس دوريه بعقلك مرتين قبل لا تنطقين ترى حتى الشخص الي على طول اجتماعي و يضحك و يسولف مع الكل على طبيعته الناس تستخف فيه و تقل هيبته مو عشان هو غلط لا هو طيب بس الناس كذا معدنهم ما عاد حسن النية موجود زي زمان أقل شيء يقولون ثرثارة أو تستهبل أو زي العيال حتى الضحك خليه بمحله و بميزان إضحكي مرة و عشرة لا و أهم قاعدة في الحياة الزوجية لا تكلمين زوجك عن أهله لأنه 90 بالمية ينقلب ضدك حتى لو معك حق كلميه عنهم بس إذا أذوك بشيء كبير ما تقدري تسكتي عنه و إعرفي إن بداية خراب أي علاقة زوجية أختك قالت و أمك سوت نسيت أقلك النصيحة الذهبية لا تتكلمين عن أهل زوجك قدام أحد ابدا ما تدري متى هلي تفضفصين له يبيعك لهم و يصير هو الطيب الحبوب و انتي تصيري بنظرهم الشريرة إلي من تحت لتحت لا توووووثقي بأحد بسهولة خبي أسرارك عندك مهما ظهرلك من الإنسان الطيبة و حتى لو هو فضفصلك عن أهل زوجك أو زوجك انتي دايما تقولين الحمد لله بخير و نعمة و بس لا تعطي أحد سلاح يخليك تحت رحمته و حتى لو حبيتي تسحبي حالك منه بيوم من الأيام ما تقدرين عشان معاه صندوق أسرارك و يقدر يكشفك بأي وقت خلك ذكية عشان الناس ما يمسكوك من ذراعك الي توجعك بيوم من الأيام