بنات انصدمت اليوم انه معي تكيس 💔😔

السلام عليكم
اول شي الله يرزق كل وحده تعبرني او ترد علي او تعطيني من خبرتها او تسعى برفع موضوعي من حيث لاتحتسب ويجعل التوفيق في طريقها وين ماراحت يااااااااااااااااااارب
مشكلتي اليوم كان موعدي عند الدكتوره هي شاطره وفاهمه وبعد زحمه وانتظار دخلتني لان عندي مراجعة تعملي سونار لجل ايام التبويض المهم بنات
انا دورتي هذا الشهر المفروض تنزل يوم ٢ - ٤ هجري اوك ؟ لانه كان عندي ظرف اخرتها يومين ونزلت يوم ٦ - ٤ هجري وعلى هذا الاساس الدكتوره حسبت لي بداية تبويضي ومتابعة البويضه من تاريخ ١٧ -٤ اللي هو اليوم من تاريخ دورتي يكون اليوم ١٢ من بداية دورتي .. طبعا عملت لي سونار وانا قبل عملت تحاليل شامله لكل شي طلبته مني وجميعها سليمه لاني اجهضت مرتين .. حتى هرمون الحليب عملته امس قالت لي اليوم طبيعي معاك مو مرتفع الحمدلله ..
عملت لي السونار وقالت حجم البويضه عشره انا ماافهمت ايش عشره وايش لازم يكون حجمها بس حسيت انه قصدها حجمها صغير المهم انا لي كم يوم تجيني افرازت مثل الحليب بعد البول الله يكرمكم مدري وش السبب .. وخبرتها وقالت عندك تكيس بجنب واحد فقط استغربت قلت معقوله خلطة ام لجين جعلت معي تكيس و افرازات بيضا لان ماكان معي شي قبل كذا المهم عطتني تحميله قالت حطيها بالمهبل + علاج فيتامين هـ قالت هذا يحسن من حجم البويضه لي ولزوجي كمان ياخذ منه يحس الحيوانات المنوية عنده + اخذ كل بعد فطور حبة حمض الفوليك اساسا لي فتره احس احد جوانبي فيه شي .. واعطتني مراجعة بعد يومين سونار لمتابعة البويضه يوم الثلاثا بعد بكرا يعني
الحين سوالي لكم الله يعز قدركم
١- تتوقعون ايش سبب التكيس هذا معي وهل علاجه اني اشرب مويا كثير بحكم انها ماصرفت لي اي شي يخص التكيس .. ؟ ومين استخدمت خلطة ام لوجين وجاها تكيس لاني والله ي بنات مااستخدمت شي غير خلطة ام لجين هالشهر انا وزوجي خايفه تكون هي السبب ؟؟
٢- انا متردده بخصوص التحميله اخاف اخذها واحيان اقول بتركها واشطف بمويا وكربونات الصووديوم او ملح .. ايش رايكم
٣- هل لو تابعت البويضه وانا معي تكيس وحصل الجماع ايام الاباضة عادي احمل ولا التكيس يمنع الحمل هالشهر ؟؟
٤- بنات انا لي قرابة شهر بعد اشرب زنجبيل يوميا بمويا دافية هل هالشي سبب لي مشكله ولا استمر عليه ..
٥- وافكر هاليومين اكثر من المراميه والبردقوش لجل تنشط لي المبايض اكثر ؟؟ ولا اكتفي بعلاج الدكتوره فقط ؟
الله يكتب التوفيق لكل وحده ردت علي وريحتني من التفكير وعطتني من خبرتها قسم اني ادعيلها بسجودي وش رايكم دلوني
للمعلومية دكتورتي هي امل ابراهيم بالاحمدي بالمدينه وانا مرتاحه لها الصراحة بس احيان احسها ماتركز من زحمة العالم عليها .. انتظر ردودكم 😢💜💜