بنات انقدوني بتسريحة لشعري في حنة اختي احترت والله/قديم

السلام عليكم ورحمة الله و بركاته
بنات بدي مساعدتكم الله يخليكم لاني احترت وزهقت
عرس اختي بعد العيد باسبوع ان شاءالله
المهم في الحنة مش عارفة شو اعمل بشعري لاني محتاسة فيه
شعري موصفاته
قاصاه مدرج مشفر مدري شو اسمها
شبه قصة الفراولة والاناناس
تعرفو هالقصة الي الشعر طبقات واطوال مختلفة و الي الكوافيرات ينصحو انو ينعمل اطراف الشعر للخارج
فهمتو
انا ماكنت بدي هالقصة بس الكوافيرة الله يهديها نصحتني فيها قال بتطلع على وجهك عشانو رفيع ومدري شو

كنت عايزة كريه مدرج البوب ستايل
هالحكي من 4 شهور تقريبا
على خطوبة اختي برضو ههههه
المهم طول شعري وصارت القصة احلا
بس لسة قصير
انا مش عاجباني القصة فكرت اقصه كريه لكن حيطلع قصير جدا بسبب انو اقصر تدريجة عليها حينقص الشعر
ولاني مابدي اقصرو انا بدي يطول شوي
هلأ طولو لتحت الرقبة بشوي
المهم المشكلة مافي شي بزبط عليه
لانو اطوالو مختلفة وكتيرة
كل مااجرب تسريحة بسيطة تفركش وتسحل وتخرب
مووو عارفة شو اسوي
والجو حرررررررررر ماينفع اتركو بدون رفعة
وانا طويلة ماشاءالله مابدي شي يطولني
موديل الفستان كمان غريب وحلو ومختلف
وعليه بوليرو قبته من فوق عليها كشاكش يعني القماشة مزمزمة ومكشكشة
ابدا ماينفع افلت شعري
طيب والحللللللللللللل

انا فكرت اعمل ponytail
تنفع لشعري لانو ناعم ماشاءالله تبارك الله

لكن انا خايفة تطلع هبل ويضحكو علية العالم ويقولو هي هبلة لابسة سواريه ورافعة شعرها
انا بشوف الاجانب بعملوها في اكبر الحفلات وانا بحبها كتير
وستايل مريح مع الحرارة و العرق
اتخيل تطلع حلوة مع الفستان
هوة بدون حمالات و قطعتين
لونو اخضر واسود
التنورة جاية زي السمكة شوي
قماشة سودة ساتان لكن واقفة يعني شوي
وتحتها من عند الركبة بصير في كشكش اخضر قماشة التل
يعني الفستان حلو وستايله مو تقليدي
مابعرف وصل الوصف ولكن هل ينفع عليه البوني تيل وخلص
تطلع حلوة للحنة ولا يقوول هي رايحة المدرسة خخخخخ
عندي اكسسوار اخضر كريستال بحطو عالجنب هوة ناعم جدا

و على البوني تيل الف شريط اخضر وخلص

يطلع حلو
تخيلتو معي؟؟؟

سامحوني بس فعلا محتارة مافي شي راضي ينفع على شعري بالمرةةةةة