بنات انقذوني خايفه افقد حياتي

عيدكم مبارك بنات
انا مفروض تجيني الدوره بدايه شهر ذي الحجة وتاخرت علي وبعدين حللت الخميس الماضي منزلي وطلع لي خطين وبعدها رحت المستشفى وحللت وطلع حمل لكن يافرحة ماتمت انا متاخره بالحمل وانتظره ولاعندي اطفال لكن فرحتي انسرقت مني


الدكتورة قالت لي انتي بالاسبوع الخامس وسوت لي سونار مهبلي ولاشافت الكيس وتقول احتمال كبير خارج الرحم


بنات الحين العيادات مقفله وانا حيل متوتره والله العالم بجهه وانا وهالهم بجهه تدرون وش اللي مضايقني زود على تاخر حملي اللي مضايقني ان لو فعلا خارج الرحم معناته ممكن يجيني نزيف مفاجئ او ينفجر انبوبي وانا مامعي اعراض ولا الم ولا افرازت والله خايفه ميته خوف والعيادات مقفله ولا ادري وين اروح تكفون صاحبات الخبره طمنو قلبي انا ماحس الا بخوف من الموت والنزيف الفجائي يارب ستر