اعرف

ناس حبوا وتزوجوا الحب

واعرف ناس حبوا وماتزوجوا الحب

انا من الناس الثانية

الحين عمري اخر العشرينات

وحبيت وحبيت وماصار نصيب

نصيحة ياختي لاتخلين العمر يمضي

والله ماحسينا به الا على مشارف الثلاثين وبنات اللى كانوا معاي اولادهم طولي الحين

يعني نتي ادعي ومن خلال قراتي الكثيرة بعالم حواء وحدة كاتبة قيام الليل بسورة البقرة تاثيرها قوي جدا في استجابة الدعاة حتى وقت الدورة كانت تقراها وربي حققلها مبتغاها مع كثرة الاستغفار والصلاة على النبي

حبيبتي ايش دراك انه بيسعدك وايش دراك اصلا انه يفكر فيك مشكلتك انك تتبعين عواطفك حاولي ي قلبي انك تبعدين الحب تدريجيا وادعي ان ربي يرزقك الزوج الصالح وصدقيني بيرزقك ربي ضعف ماتطلبين منه بس انتي لاتحصرين سعادتك فيه بعدين تبتلين به ♡♡♡

وعليكم السلام حبيبتي امراء وشيوخ ازوجو مطلقات وارامل وبنات في 40 بعد
مب عيب ان البنت مطلقه شي عادي في السلام الحمدلله لكن الطلاقعيب عند المسيحين ويعتبرونه عار
وفي احد من المذاهب المسيحيه ما عندهم شي اسمه طلاق اصلن
ليش نحن صرنا ناخذ من الديانات الاخرى الشي الكثير !!
وتركنا ما علمنا اياه الله سبحانه وتعاله ورسولنا اللهم صل وسلم عليه تزوج البنت والارمله والمطلقه
والحين المسيحين صارو يعرسون ويطلقون وصار الموضوع عادي عندهم ونعكست الايه وصار عيب عندنا !!
نرجع لموضوعنا
اقرب طريق للرجل معدته اذا في مجال تتواصلين مع اخته امه يعني تكونين صديقتهم
وبين فتره وفتره اطرشين اكله حلوه مسويتنها بحب ههههههه على الاقل ينذكر اسمج في يتهم
واذا ما تقدرين تتعرفين عليهم خلي امج تتعرف على امه المهم انج تبنين جسر تواصل
وكوني كتكوته واموره عند امه وخواته وباذن الله ربي بيكتبه من نصيبج ان شاء الله
واذا تقدملج اي شخص ثاني لا تقولين برفضه بتريا المجهول لالالا استخيري وسالوا عن الريال
اذا صاحب خلق ودين وارتحتي لشكله توكلي على الله ووافقي وانسي موضوع الشخص
لان مرات الانسان يتعلق بسراب والبنت رقيقه ماتعرف اي شي عن الريال بس ممكن عجبها
ذكره الطيب عند الناس او مواصفاته والعمر يمضي يا اختي والانسان الافضل يفكر بعقله
ويتخذ قرارات واقعيه وربي يوفقج

ابقولك شي صار معاي وعن تجربة انا كنت احب ولد جيرانا وكنت اعشقه عشق جنوني ومع الايام اكتشفت ان امه تبيني له وقتها بكيت من الفرح وحتى هو كان يبيني طبعا قالت لي اخته لانها صديقفتي الروح بالروح وصارحتها اني حتى انا كنت احبه بس قالت لي اننا ننتضر اختك تتزوج اختك عشان نجي نخطب رسمي وقتها كنت اتمنى تتزوج اختي عشان اتزوجه لكن اختي طولت ولاجاها النصيب وللاسف تركني وتزوج انصدمت صدمة قوية لدرجة اني بكيت عند اخواني يوم دريت وقلت يمكن خيرة والحمدلله صارت خيرة وكل يوم اقول الحمدلله انه مو من نصيبي بقولك رايي شيليه من راسك وثقي ان الله راح يرزقك باللي احسن منه لاتصيرين زيي وغير كيذا ترا مافيه شي اسمه حب قبل الزواج طبعا هالكلام علمي وعليه دراسات ومستعدة اجيب لك الروابط وعسى ربي يرزقك باللي يسعدك ويفرحك يارب وبالنسبة لاختي هذ

هذاي اتجهز لزواجها الحمدلله الله يوفقها ويسعدها وانا عسى ربي يعوضني باللي احسن منه على فكرة تراي كل يوم احمد ربي انه مو من نصيبي وقتها كنت غبية ومتسرعة ومتاكدة ان الخيرة في ما اختاره الله