بسم الله الرحمن الرحيم .. والحمد لله رب العالمين ..
والصلاة والسلام على أشرف الانبياء والمرسلين سيدي وحبيبي محمد صلى الله عليه وسلم تسليما كثيرا ,,
نزلت موضوع قبل فتره بسيطه انه تقدملي شاب من عايله محترمه وناس معروفه وووو ...... وطلبت منكم تدعولي بأن ربي يسهلي وأنتم الله يجزاكم خير ماقصرتوا الله يسعد كل من دعتلي ياارب ويرزقها من حيث لاتحتسب .. اللهم آآمين ..
الحمدلله رب العالمين ربي استجاب دعائنا جميعا كنت ادعي وحتى امي قالتلي انها تدعي انه اذا كان فيه خير لي يتمم لي على خير واذا كان فيه شر يصرفه عني والحمدلله ربي استجاب وصررفه عني وبأقل من يوم عرفنا عنه كل شي وأشياء مو بالساهل الواحد يعرفها وهذا من فضل ربي ثم بفضل دعواتكم لي يااربي لك الحمد .. :27:
المهم يابنات بأيام عيد الاضحى شفت مرة ولد عمي ولأول مره اشوفها وهي متزوجه لها اكثر من عشر سنين ماشالله ومنقطعين عنهم لظروووف مره خاصه المهم من بكرى على طول دق ولد عمي على ابوي يسولف معاه ومن السوالف قاله انه زوجته تبي رند لاخوها وسكت ابوي مارد عليه وابوي قال الكلام لامي وامي قالتلي وكأنها مو موافقه واصلا ماهتمو بالموضوع انا سكت ومن بكرى قلت لامي اذا كان الرجال ماعليه كلام انا موافقه بعد الشوفه طبعا امي انهبلت وقالت عادي تروحين لديره ثانيه انا قلتلها ايه عادي وش فيها يعني ؟؟ امي مو مقتنعه بكلامي وقاعده تماطل بالموضوع وابوي الموضوع انمسسح من راسه لان الكلمه لامي وانا قلت بستخير لعل الله يحدث بعد ذلك امرا .. استخرت اكثر من مره وشفت منام مره واضح تفسيره وريحني كثير وتعلقت بالموضوع اكثر واكثر ورجعت اكلم امي مره ثانيه وقالتلي اصلا كيف تبغينا نسأل عن الرجال وهو اصلا ماتقدموا رسمي ؟؟؟؟؟؟؟؟؟؟؟؟؟؟ انا انهبببببببببلت قلت وش تبين رسمي اكثر
من كذا ؟؟؟ (( امي قصدها انه اخته مادقت وكلمت امي شخصيا )) يعني ماقصدها انه اهله يجون لانه مو من عادتنا انه اهل الرجال يجون يخطبون بس بالتلفون وبعدين الشوفه وبعدين التحليل واذا تطابق يجون اهل الرجال ومعاهم الشبكه والمهر والهدايا وعقب الملكه ..
المهم يابنات مع الدعاء كأن امي لانت شوي وكأنها بدت تقتنع شوي الحمدلله وقررت انها تسأل عن الرجال عن طريق صديقتها لانها تعرفهم مرره .. بس تقول مستحيه اسأل تخاف انه صديقتها تتكلم وينتشر الخبر وهم ماتقدمو رسمي ؟؟؟ امي مصرره على انهم ماااتقدمو رسمي قلت يايمممه وش عقب ولد عمي نسيب الرجال دق على ابوي وش تبين اكثر من كذا ؟؟؟؟؟؟؟؟ خصوصا هم من ديره غير يمكن لهم عاداتهم يمكن من عاداتهم انه الرجال هو الي يدق مو يمكن الا متأكده ..
المهم يابنات الموضوع بين يدينكم وكتبت كل شي هل تشوفون انه فعلا ماتقدموا رسمي ؟؟؟ مع انه كلمة ولد عمي واضحه مره مافيها اي تلمييح ..........
غير كذا الحين ولد عمي له متصل 10 ايام وانا خايفه انهم ينتظروون الرد وتعرفون بهالمواضيع الناس ماترجع تدق الا اذا تأخروا اهل البنت بالرد فتتره طووويله مره والاغلب مايرجعون يدقوون ..
انا استخرت الحمدلله والحين بستشيركم خواتي اذا امي سألت صديقتها عنهم وقالت عن الولد كل خير وش اقول لامي اقولها قولي لابوي يدق عليهم او اسكت واخليها هي تتصرف ؟؟ بس عادي امي تسكت ولا تسوووي شي ابد وينتهي الموووضوع :44: >> امي ممره بااارده بمواضيع الخطبه الله يهديها ويصخرها لي قولوا امين ..
يلا بنات تكفوووون انتظر ردودكم لاتخلووني الله يخليييكم والله يابنات قبل لانزل موضوعي هذا اني دعيت ربي انه يوفق ويرزق ويفرج هم كل من ردت علي سواء برفع او نصيحه .. الله يجزاكم خير ياااارب .. :39:
رنـــد 1410هـ @rnd_1410h
عضوة فعالة
بنات اول مره أستشيركم تكفين يالي تقرين موضوعي ادخلي ولاترديني الله يسعدك دنيا وآخره .
46
2K
يلزم عليك تسجيل الدخول أولًا لكتابة تعليق.
قطوف ~
•
الحمدلله انا اول وحده ترد انا اقول قولي لامك تسال ان عجبكم الرجال قولي لابوك يدق ع ولد عمك يسأله الرجال للحين عند كلمته والا لا والله يسعدك ويوفقك ويكتبلك الخير بس اهم شي اسألوا زييييييييييين واستخيييييييييييريالحمدلله انا اول وحده ترد انا اقول قولي لامك تسال ان عجبكم الرجال قولي لابوك يدق ع ولد عمك يسأله...
معاااااااها بنفس الرآآآي
الله يوفقك يارند في موضوعك والله هالموضيع تحير وتشقي
اذا كان فيه خيره يكتبه لك ربي واذا كان فيه شر يصرفه عنك يارب ياحي ياقيوم
اذا كان فيه خيره يكتبه لك ربي واذا كان فيه شر يصرفه عنك يارب ياحي ياقيوم
الصفحة الأخيرة
انا اقول قولي لامك تسال ان عجبكم الرجال قولي لابوك يدق ع ولد عمك يسأله الرجال للحين عند كلمته والا لا
والله يسعدك ويوفقك ويكتبلك الخير
بس اهم شي اسألوا زييييييييييين واستخيييييييييييري