بنات ايشفيكم انتو تفكرو تمني الموت شي سهل !!!!

السلام عليكم ورحمة الله كيفكم بنات احلى عالم ابصراحة إنـآ مليت من الحيـآة ..
تعبـت ..
راسي عورني
محد في هالدنيا يفهمني
الكل ضدي
محد مرتاح
كل شي صعب
كل يوم حزن وصياح
احاول افرح بس ماقدر
تعبـت خلاص


أبـــي .. امووووت ..!

أرجوكم طلبتكم طلبه اخيرة

أدعولي اني امووت وأرتـآح ! والله مليييت !! تعبت



















كلمـآت .. " أغلبية " الناس هالوقـت ., تتردد في لسانهم !

تمني الموت صار شي عادي .,

مجرد أنه انسان نزلت عليه مشكلـة .. قال خلاص ابي أموت !!


ليش ؟ الموت شي سهل يعني ؟ محد جرب الموت ., عشان تعرفون سهل ولا !

عبالكم بترتاحون فـ قبوركم ! .,

هل بعد الحياة ., حيـآة اخرى سعيده ؟!




حكمه فـ عين العقل : شوف بلاوي النـآس .. تهون عليك مصيبتك !

- شوفو النـآس فـ فلسطين ., العراق ., لبنـآن ., افغانستان ..

كل يوم متوفي شهيد أو شهيدين ع الأقل .,

كل يوم تدمر بـيت .,

كل يوم أسرو جندي عربي !

كل يوم عذبو طفل جدام امـه !


ومع هذا .. صابرين ومحتسبين لقضـاء الله .,

مع هذا ., مؤمنيـن بالقدر سواء ( خيره وشره )

مع هذا ., ماتمنو الموت !!





- شوفـو النـآس اللي في المستشفيـآت .,

النـآس اللي بين اليوم والثاني في المستشفى

النـآس اللي كل مايشفون من مرض يظهرلهم مرض ثاني

النـآس اللي مسجونين في سريـر مليآن اجهزة و أدويـة !

مع هذا ., عندهـم أمل في الشفاء ., 

مع هذا ., عندهم ذرة أيمآن بالقضاء والقدر

مع هذا ., ما تـمنو المـوت !




- شوفو المعاقـين ., اللي ما يشووف 

واللي يشوف الناس يتكلمون وهـو مايدري وش يقولون !

واللي الناس يتكلمون عليه بس مايقدر يرد عليهم !

واللي يشوف ربعه يركضون ويلعبون ., وهو يراقبهم بكل حسرة !

مع هذا ., مؤمنين لقضاء الله وقدره

مع هذا ., ماتمنوو الموت !!




- شوفو الأم .. ياللي ابناءها يموتون ! 

ولا تقدر تسوي شي !

شوفو المطلـقة .. ألأأرملـة ., الـمتزوجة البعيده عن زوجها

شوفو العانس .. شوفو المجنون ..

والنـآس مختلفهـ! 





وأنتو .. ياللي عايشين بنعمة .. 

يمكن عندكم أم .. أب .. 

عندكم أخوآن ..,

عندكم بيـت .,

عندكم خدم .,

عندكم فلوس .,

عندكم أكـل .,


عندكم وعندكم ., 

لكـن .. مع هذا ., تتمنون الموت .,

(لا يتمنين أحدكم الموت ولا يدع به من قبل أن يأتيه)

خلينـآ .. أقوآل الرسول صلى الله على وال وسلم

تركنـآ العمل بهم ..




اصبحت حياتنـآ .. نت تلفزيون اغاني لعب طلعات .,

نفعل المعاصي ( بالهبــــــل )

وندري باللي نسويه

ومع هذا ..

نقول .. 

- مانـقدر نرقد .. الأرق يرهقنـآ

- أحس اني متضايق.. ماقدر اتحمل ..

- انا رفيق الحزن من صغر سني

- محد مرتاح في الدنيا

- لو الأنتحـآر مب حرام كان انتحرنـآ من زمان

- المووت اريـــــــح !

- كل ما فكرت في الموت ., كل ماحسيت انه قريب !

- ابي اموت .. واريح اهلي واريح ربعي واريح الدنيا مني !

- أحس انه عذاب النار اخف من عذاب هالدنياا

- دنيــآآ قويه .. ماترحم





بالله عليكم .. كيــف بترتاحون ..

وكتاب الله ما تدلونه ويـــن !!

-----> انـآ ماقصد الكل .. لكن اللي ع راسه بطحا يحسسها !!

القنوآت 24 ساعه ., رقص وتفصيخ وحاله .!!

مواقع النـت اغلبيتهاا مواقع فاضحه .,

المولات دايما متخومه بالشباب الصيّع .. والبنـآت الأصيع !

العبايات ضيقهـ .. الشعر نصه برا الشيله .. البرج اللي فوق راسك !

شعر الشباب اللي لين ظهورهم بهدف .. تقــــــلـــــيد البنـــــــآت

المسترجلات والـجـــنس الثـــالث والرابع والخامس قريبا !

الإفـلام الإبـاحية اللي صارت تارسهـ النت وقنوات التلفزيون بعد .,

الغيـبة والنميمة واللسان اللي مايسكت عن الحش في الناس والذم فيهم .,



كـل هذا .. وتبون ترتاحون .؟

تسون كل هذا ., وتبون الله يريحكم !!






إذا صابت أحد منكم مصيبة .. فليصبر !!


يمكن .. رسب فـ امتحآن .. أو جـآب درجة ماعجبته ..

يمكن .. سوا حادث والموتر تتدهور فوق تحت .,

يمكن ., أحد من قرايبه توفى .,

يمكن ., اصابتهـ الحمى !!


فـ قـآل أبـي آ اموت ..!!



سؤال بســــيط .. هل الموت سهل ..

لا والله .. الموت شي عظيم ..!!



خلونـآ نتكلم عن الموت .. نقـطة نقــطة ..!!

(استعيذوا بالله من عذاب القبر )

أول منـأزل الأخرة .. القـــبر .,
سكرات الموت في حاله انتــــزاع الروح
انفصال الروح التي تأقلمت مع البدن سنوات طويلة
الأحتضـآر
وغيرها !


انـآ ما انفي اني فحياتي ما تمنيـت الموت

للأمـآنة .., ألموت فـ بالي كثـير ., مستحيل يمر يوم ما افكر فيه بالموت 

بس الموت عمره ماكان راحه لانه بعده سؤال وحساب 
 ولو أنا إذا متنا تُركنا                       لكانَ المَوْتُ راحَة َ كُلِّ حَيِّ  

  ولكنا إذا متنا بُعثنا                            ونُسأل بعد ذا عن كل شي


لكـن ., أدعي لنفسي .. ولغيـري .. واللي مثل حالي ..

انه ربي يهدي الجمـيع ان شالله ., 

وفي آخر كلآمي .. تذكير لقول الرسول 

( لا تقوم الساعة .. حتى يمر الرجل بقبر رجل .. فيقول .. ياليتني مكانهـ )!!
دمتم سالمين