بنات ايش اسوي زوجي يقول لي عفي نعف

بنات اليوم صار موقف انا اشوفه بسيط بس زوجي كبره مره واتهمني بكلمات كبيرة وقوية

التفاصيل

الصبح اليوم كان زوجي يتابع مواقف مضحكة في اليوتيوب تقليد اصوات وما الى ذلك قام يودي العيال المدرسة انا خلفته على اللاب توب يعني جيت مكانه وقمت اتابع بعض المواقف اللي هو فتحها اتفرج يعني وشدني عنوان مكتوب فيه الفرق بين هشوم الرياض وهشوم جدة فتحته واتفرج شباب ولا حول ولاقوة متشبهين بالبنات يعني لو ماهم لابسين ثياب كان قلتي بنات

يوم جا زوجي قلت بالله شوف شباب اليوم شوف كيف متشبهين بالبنات

الا ويقوم يزعل ويعصب علي ويقول انت تتابعين هذولا الخكارية الصيع ليه تتفرجين عليهم وانا والله مااقصد
وقال لي عفي نعف
ليش تطالعين في شباب زي كذا

انا بلمت وسكت وما رديت

انا ماكنت اقصد اتفرج عليهم بس شدني العنوان احسبه من ضمن المواقف المضحكة وبصراحة هو مافيه شي غير انه واحد ولد يقلد البنات متميع في كلامه

وهو زوجي يحسبني الان اني متعمدة افتح هذه اللقطات

بعدين هو يعني زوجي يتفرج للتلفزيون ويشوف بنات ومذيعات ليه انا يزعل مني ويتهمني بكلام قوي

وهو مايشوف نفسه

المهم بنات المشكلة ماهي هنا المشكلة اني انا شفت الموضوع عادي ومالو داعي اللي قاله سكت مارديت عليه وتابعت عالم حواء واتصفح فيه

المهم اني اكلمة مايرد علي زعل مرررررررة زعل كبير

ليه طيب كل هذا الزعل

حاولت كم مرة اكلمة واساله عن اشياء مايرد انا هنا عرفت انه زعل بس انا سويت نفسي اني ماحسيت انه زعل عشان مايكبر الموضوع

المهم هو راح لعمله وزعلان

بنات ايش اسوي اطنشه يمكن يرضى من نفسه

ولا افاتحه في الموضوع ولا ايش اسوي

المشكلة انه يشوف هو حريم ليه مايقول لنفسه عف تعف حرمتك

مشكلة الرجال انهم مايشوفون عيوب نفسهم

تتوقعون اني انا غطت وان اللي سويته حرام

ياناس احسه شي عادي :44:

ليه هو كذا عصب وزعل :mad: