بنات ايش السالفه😳

السلام عليكم ورحمة الله وبركاته
كيفكم ياحبايبنا
اسأل الله ان يكتبنا جميعاً من العتقاء من النيران

حبيباتي بسألكم يصير كذا بمجتمعاتكم وعند اهلكم وناسكم

انا لي تقريبًا 3 سنوات عشت مع جماعتي بكم زواجي
وقبل كنت بالرياض مع اهلي والجيران بدون قرايب


اللي لاحضته وبشوف عندكم مثله ولا لا

استحقار الناس كل مااروح جمعه لازم يجيبون سيرة احد وينتقصون منه غيبه عيني عينك
نقل الكلام منتشر بقوه
تجي تقول لك فلانه تقول فيك وفيك 
ولو بتتكلمين في اي شي لازم ينتقصونه
مثلاً وحده يتكلموا فيها ان زوجها مايدخر من راتبه ويلعب الله يعينه مادري شلون بيبني بكره بيت له ولاولاده 
يوم اشتغل شغله اضافيه على دوامه ماخلوه بحاله
كل يوم يسمعون زوجته الله يعينك انتي زوجك مايكفيه الراتب ومايعرف يصرف وشغلته الجديده بتاخذ منه اكثر مما تعطيه وووو
يعني لا كذا ولا كذا يعجبهم
ومستحيل يمدحون شي 
ليه طيب ليييييييه
ان كنتي من النوع اللي يتكشخ قالوا مطفوقه كل يوم وهي تتزين
اذا جبتي خبر زين عنك وضيفه او اي شي
سمعوك كلام سلبي الله يعينك الوضيفه مساوئها كذا وكذا
يعني باختصار مادري ايش اسميه حسد غيره غيبه نميمه 
صرت أشيل هم اذا بحضر لهم عزيمه
قلوب على بعض مافيه
صاروا يتفننون في جمع الاخبار وكشف الاسرار
صرت اكره تجمعاتهم 

عندكم كذا ولا بس بقرايبنا
والله مدري وين اعيش
ان جلست ببيتي وطلعاتي مع زوجي
صرت احس اني بعيده ويوحشوني الناس
وان رحت لهم رجعت ندمانه وضايق صدري

مدري ايش اسوي والله تعبت😭😭