بنات ايش العمل مع هالشغالة هي هبلة ولا تستهبل!!

هلا بنات
اخباركم؟؟
حكايتي باختصار مع شغالتي
قاهرتني قهررررررررررررر :angry:
ومادري بروحي الا معصبة عليها :angry2:
وبعدين يضيق صدري عشانها :(
وبنفس الوقت مابيها تحقد علي انا واولادي وتسوي لنا بلوة :09:
كل شوي مطلعة شغلة جديدة تحمقنا
ودي ارجعها للمكتب ورادني شيين
الاول: ان الدراسة قربت وانا فعلا بحاجتها
والثاني : ماراح ترجع لنا فلوسنا
اليوم سوت شي جابت لي فيه الصمرقع وشوي اصيح من القهر :icon33:
قمت من النوم كعادتي حفظني الله ورعاني وانا قاعدة بأمان الله
مادريت الا داخلة علي وهي مبتسمة تقول:
مدام تآلي سوي = مدام تعالي شوي
رحت وانا بنفسي قاعدة اقول:
ايش سويتي هالمرة حرقتي شي خربتي الكواية كسرتي المنشر
بلوة من البلاوي العادية اللتي تمر بأي بيت قدر الله عليه وصار فيه شغالة :(
المهم مادريت الا وهي ماسكة التقويم وقايمة تؤشر هنا وهنا فهمت ان قصدها 3 شهور
قلت يمكن تبي الراتب قالت لا ( مع العلم انه تونا على اخر الشهر)
قلت يمكن تبي تروح قالت لا ( مع العلم اني خليتها تقرا العقد زين وتشوف الشروط الجزائية اللي فيه)
قلت تبين تكلمين اهلك قالت لا ( مع العلم ان مالها اسبوع مكلمة)
تخيلو ايش قالتلي!!!!


بعد الكلام والتأشير والتمثيل صار انها بسلامتها لها 3 شهور ماجتها الدورة
بيني وبينكم انا واثقة انها كذابة لانها بعد ماجت بشهر
لا حظت ان صار لها فترة ماتصلي وسألتها وضحت لي ان عليه الدورة حلو ===>> دليل 1
خلال نفس الفترة لمحت على ثيابها بقع من ورا وقلتلها روحي غيري وقالت ان الفوط اللي معها خلصت عطيتها فوط غيرها ===>> دليل 2
من شهر ايضا كنا مسافرين عند اهلي ولاحظت امي انها ماتصلي وسألتني عن صلاتها ومدحتها
ورحت اسألها ليش ماتصلين قالت ان عندها الدورة
سألتها معكي فوط
قالت اي وورتني اللي معها ===>> دليل 3
من 1 و 2 و 3 نستنتج انها كذابة + غبية في ادعائها ان الدورة ماجتها
مب هنا المشكلة:boom:
المشكلة في اللي طلبته


شي على قولة المعلم عمر في ليالي الصالحية: شغلة بتحط الأعل في الكف:surprised

قالت لي :
مدام روحي صيدلية جيبي لي تحليل حمل عشان اشوف في بيبي ولا لا!!
انا صرت تمام زي اللي في الصورة ذا :icon810:
يخرب بيتك بيبي من فين
قالت لا مدام انا بس يبغى يتأكد
الله ياخذك من وين يجيكي بيبي وانتي ( الادلة السابقة كلها رصيتها لا) لا وجايتني تقولينها وتتبسمين على بالك ابقول مبروك الله يتمملك بخير
ضحكت ( ضحكت لها السمبلة والعفاريت المسبلة :44:)
قالت لا مدام هذا كان موية
موية في عينك
حملتي من مين ومن فين؟؟ ( طبعا في سيناريو محذوف عشان الرقابة ـخخخـ )
قالت من زوجي
كيف يعني بالجوال حملتي !!
ايش الحمل هذا اللي عن طريق الشبكة >>>> كرهت جوالي وهو توه جديد
حسبي الله عليها قومتنا ولا قعدتنا
وقام لها زوجي شوي ويمسح فيها الارض >>> لا يمكن عرض التفاصيل لوووول
ناقصين بلاوي حنا
خصوصا اني جدا حريصة من هالناحية
واقفل عليها وافتح لها بنفسي والمفاتيح معي الاصلي والسبير حتى اذا طلعت من البيت نفس الوضع
وماخليها تختلط بالشغالات
خلاصة الموضوع
وبعد كلام ودخول وسائط مكتبية ومترجمين
صارت خايفة تكون حامل من زمان وماتدري عشان حملها السابق كان كذا ( تجيها الدورة فيه وماعرفت الا بعدين) ويوم تأخرت عليها الدروة هالشهر ظنت الموضوع نفسه
ماكذب عليكم
مادري ماصدقتها وحسيت انها حركة عشان تبي تمشي على حسابنا لان محللين لها دم ومسوين لها كشف وكانت النتيجة انها تمام
وهي لها سوابق من هالحركات واذا جا الجد وقلنا لها روحي قعدت تصيح وتقول لا مايبي انا ابي اسوي فلوس
وبنفس الوقت عليها غباء مو طبيعي مادري هو خلقة ولا هي تستغبى
وقبل شوي جاتني تتعذر وتتاسف
كان ودي اعطيها كف من قلبي
بس اتذكرت كلام المأمون:
ان السيد اذا حسنت اخلاقه ساءت اخلاق خدمه
ولن نسيء اخلاقنا لتحسن اخلاقهم
والحق يقال برضوه
هي مؤدبة وحليلة وطيبة وماقد شفت عليها شي شين
بس لو الله يفكها من هالافكار الثوله!!!