انا ادرس في جامعة الملك فيصل انتساب مطور قسم تربيه خاصه مستوى رابع بأذن الواحد الاحد

نصيحه مني انتي اذا حابه العلم كملي دراسه وادخلي القسم الى تحسين انك تحبينه او حاسه انك بتتفوقين فيه

كل شخص له قدرات ممكن انا عندي التربيه سهله لكن بنت ثانيه تجي وتقول التربيه صعبه !!

عشان كذا اقولك ادخلي القسم الى انتي راغبته او حاسه انك بتتفوقين فيه ..

التخصصات المتاحه حالياً في جامعة الملك فيصل عربي شريعه انكليزي تاريخ جغرافيه علم اجتماع ادارة اعمال فقط .. الله يسهل لك ان شاءالله ..

بنات تكفون اعطونا من خبراتكم ولاتبخلون ايش افضل العليم عن بعد ام الانتساب المطور وايش الفرق بينهم وكيف طريقة الدراسة ومتى التسجيل السنة الجديدة

هلا خيتو
التعليم عن بعد هو نفسه الانتساب المطور تدفعين كل ترم 2500 او 3000 حسب الجامعه اللي تبينها
شهادته معتمده تجين في الاختبارات وتختبرين
المحاضرات تنزل في النت
يعني لو انتي بالطايف وودك تسجلين بجامعة الامام بالرياض تسجلين عادي وتنزلك المحاضرات بالنت وفي الاختبارات تجي لجنه للطايف من الجامعه ويختبرونك وبث اتمنى اكون افدتك وابحثي بقوقل تعرفي اكثر

وعليكم السلام

انا حالياً ادرس في جامعة الملك فيصل تعليم عن بعد اللي هو نفسه انتساب مطور

ادارة اعمال .. مااقدر اقول سهل والا صعب كل انسان وقدراته :)

نظام الجامعه حلو .. بيدك 30 درجه طول الترم لكل مادة موزعه على :

10 درجات على المشاركه في منتدى الجامعه

10 درجات على سماع او تحميل المحاضرات المسجله والمباشرة { تقريباً 14 محاضرة مسجله + 3 محاضرات مباشرة }

المسجله تسمعيها او تحمّليها >> تحسب لك نفس الدرجه

المباشرة تحضريها في وقتها او بعدين تحمّليها >> تحسب لك نفس الدرجه

10 درجات على حل الواجبات { 3 واجبات لكل مادة }


طبعاً كل هذا عن طريق النت وانتي جالسه ومرتاحه في بيتك :42:


باقي 70 درجه هاذي للاختبار النهائي .. فيه مراكز اختبارات تقريباً بكل مدن المملكه وبالخارج كمان


الاقسام المتاحه \\عربي .. انجليزي .. دراسات اسلاميه .. ادارة اعمال .. تاريخ .. جغرافيا .. علم اجتماع

اقل نسبة للقبول 60%

ما يحتاج اختبار قدرات او تحصيلي

الرسوم \\ حسب عدد ساعات المواد
الساعه بـ 165 ريال .. تقريبا تتراواح الرسوم بين 1980 الى 3300 للترم الواحد


التسجيل يبدأ 11 \ 9 \ 1432 وينتهي 21 \ 9 \1432

يكون التسجيل عن طريق النت وارسال الاوراق عبر البريد الممتاز والسداد عن طريق البنك
>> يعني ما يحتاج تروحي للجامعه ابدااا

اي سؤال اناا حاضرة

ويعطيني العافيه :42:

التعليم عن بعد = الانتساب المطور >> محاضرات .. واجبات .. مشاركه



لما يكتبوا انتساب >> قصدهم الانتساب التقليدي >> مافي محاضرات او واجبات و ما تروحي للجامعه الا للاختبارات