حلو الموضوع وحبيت اشارك

شقتي عبارة عن اربع غرف والمجلس ( تعتبر غرفة المعيشة ) وكرمك الله اربع حمامات وغرفة شغاله مع حمامها وستور


الصبح انش الفجر اصلي اجهز الافطار وهو عباره عن كورن فليكس التعاون وحليب للعيال مايحبون غير جيه للمدرسة وزوجي طبعا بس يكتفي بشرب الحليب ويطلع ايقول افطر مع الشباب في الشغل ( وفر )

من يسيرون المدارس طبعا ثلاثة بنات وولد والصغنونه نايمة اقوم ارتب غرفة البنات الثنتين
واسير عند غرفة البنات الثنتين ( وحده بس راقده فيها لانه الصغيرة سوت فينا مقلب ويالسة على قلوبنا الى في النص ( امخربة ) وارجع لغرفة الولد واغسل الحمامات مش كلهم اختار اثنين واليوم الثاني اثنين وامسح بس الصاله لانها هي بس الرخام والباقي فرش احط الثياب في الغسالة النص اتوماتيكية

تقريبا استوت الساعة عشر الا ربع او ساعات اذا كان فيني حماس قوي اخلص تسع ونص اروح اكمل نومي لين الساعة 11ونص من اقوم اقوم الصغيره واكلها على حسب مزاجها شو تبا

الساعة الواحده ظهرا ابتدي الطبخ من كثر كرهي للطبخ ااخره اصلا اليهال وابو العيال يوصل الساعة ثلاث الاربع يمديني اطبخ

قبل ما اي الزوج طبعا على السريع ترتيب الغرفة بس الفراش لانها مرتبة اول بأول
الكوي اخليه للمساء



طبعا الحين اشوي اتغير البرامج بسبب انتهاء المدارس وغياب زوجي ( مسافر )



على فكره احلى مافي الشغلة انه ماعندي شغالة ورغبة مني للفايده

تعليم بناتي على عدم الاتكالية وعلى النظافة والترتيب
عدم السمنة ( الي يقول عاد اني رشيقة )
الراحة النفسية
راحتي وحرية اللبس في البيت



شكرا لج

موضوع حلو ياالأحلام الكبيرة
يعطيكم العافية على أفكاركم
بالنسبة لي شقتي مافيها إلا أنا وزوجي
وأحاول اني انظف أول باأول
والغسيل يومين بالأسبوع يوم ملابسي ويوم ملابسه
والمسح يمكن كل يوم حسب الوضع
والسيراميك مرتين بالأسبوع
اكثر شيء احسه يأخذ وقت بالتنظيف المطبخ
والكوي يوم السبت غسيل الأحد كوي وكذا
الكنس مرة بالأسبوع إلا اذا حسيت انه يحتاج مرة ثانية

موضوع حلو ورايق ومثل ماقالوا بعض الاخوات على الجرح بالضبط لا يمين ولا يسار

بالنسبة لي في بداية الزواج كنت في قمت النشاط بعد الفجر ماانام افطرزوجي و ازين اشغالي كها من تنظيف حمامات - اعزكم الله - وتمسيح رخام .. وترتيب غرفتي وغرفة الجلوس
وكنت حاطه لي ايام للتغسيل والكوي
ويوم بالأسبوع للتنظيف الشامل .. :eek:

لكن مع بداية الجامعة بدت الحوسة تطلع :(
لكن احرص دايم اني اهدأ الوضع خصوصا زوجي من النوع المرتب ومايحب الحوسة
ومع قرب الإمتحانات يستفحل الوضع :09: .. والله لا يوريكم تجي أيام من جد اعصب على نفسي فيها وعلى الحوسة اللي تصير << يالله الستر من عندك ..

بس من جد الموضوع حلو واستفدنا من خطة الكثير من الاخوات في التنظيف جزاهم الله كل خير

وسلمتي أختي احلام كبيره

تحياتي

السلام عليكم
عزيزتي احلام كبيرة .. اتمنى لك التوفيق يارب بس اهم شي يكون في جدولك يوم او يومين راحة عشان تقدري تواصلي باقي الاسبوع وانت نشيطة وما تحسي انه شغل البيت هم على قلبك وكانه وحش مطاردك في كل دقيقة .. وتسلمي لي ويسلموا كل اللي عجبهم جدولي
ودمتم باحسن حال

شكرا على مروركم جميعا