بنات بأشكي لكم همــــــــــــــــــــي

السلام عليكم ورحمة الله وبركاته
عيد الله عليكم مبارك
وكل عام وأنتوا بخير

أنا مخنوقة الآن أحس شئ كاتم على صدري
أنا بنت عمري 24 سنة تملكت قبل سنة على شخص وماكتب ربي توفيق وانفصلنا قبل الدخلة
وأكبر خواتي أنا ولي أخ أكبر مني بسنتين متزوج وعنده أطفال وجايين يقضون العيد عندنا

أمي عسى ربي يطول بعمرها يارب ياما عانت من الشقا والتعب في حياتها
جا الوقت اللي نخدمها فيه أنا وخواتي

وعندي خمس خوات 4 بالكلية ووحدة في المتوسط
الحمد لله طيبات وحبوبات لكن فيهن خصلة سببت مشاكل كبيرة بيني وبينهن
وهي عدم الاهتمام بالبيت
يعني فوضويات لأبعد أبعد حد ومهملات بشكل كبير لكن في حاجاتهن الخاصة مهتمات
مع العلم إن ماعندنا خادمة
المطبخ أنا المسؤولة عنه وأمي ما تقصر : إعداد الأكل , غسيل الصحون , تجهيز الشاي والقهوة
وكل شئ
لكن أنا ما أقدر ألحق على البيت كله تنظيف وكنس والبيت ماشاء الله كبير مره
والله لو أشيل يدي من البيت ومن المطبخ تخرب الدنيا
وإذا ماخربت يكون التعب والكرف كله على أمي
وياما جونا ناس فجأة وانحرج قدامهم من عدم ترتيب البيت وفوضووووووويته
وياما قلت لخواتي الفوضى هذي مرفوضة وفهمتهن يوزعن الأدوار بينهن
ويعطن شكل مشرف للبيت لما يجونا الزوار لكن كأني أنفخ في قربه مقطوعة
اليوم العصر شديت عليهن بالكلام لأن حصل موقف محرج
وعصبت كثير وقلت ما يصير كذا قالت أختي اللي أصغر مني مالك دخل
ماهو بيتك إذا صار بيتك تكلمي !!!!!!!!
ومالوم زوجك يوم طلقك أنتي عله وتدورين المشاكل!!!!!!
أمي هدت المشكلة بينا وطلعت أختي من المطبخ

بالله هذا كلام ينقال !!
هذا جزاي أبغى البيت يكون نظيف دائماً ومرتب !!
جرحني كثير كلام أختي بالذات لما قالت عن زوجي ولما قالت ماهو بيتك


وربي جايه من المطبخ بعد ماخلصت غسيل ودموعي ماليه عيوني
قفلت علي غرفتي وفتحت أكتب لكم

أي زمن هذا الأخوات الصغار مايعملوا حساب لأختهم الكبيره ويطيعونها في كل شئ
وأي شئ تقوله لهم عن البيت على طول يسوونه !!

ما أقدر أكتب أكثر
والله يفرج همي يارب