بدخل في تجربتي على طول بعد معاناة مع ثبات الوزن والسر وراء كسر هذا الثبات..
شهر ثمانية الي راح كان وزني ٧٠ وطولي ١٥٦ ولكن كان جسمي متناسق بالرغم من زيادة الوزن
والسمنة عندي مرتكزة في الأرداف يعني المؤخرة والأوراك وعندي سفطتين صغارعلى بعض اذا اجلس اقصد المعدة والكرش بس كان جسمي
مقبول
حتى الي يشوفني يعطيني وزن أقل
قلت بنفسي ليش ماامشي على سير المشي الكهربا دامه موجود زينة بالغرفة حتى تحول شماعة للفوطخخخخ
وبديت كل يوم مشي واول مابديت نص ساعة وبعدين زاد الوقت بدون شعور مني ووصل ساعتين
اقابل التلفزيون وامشي وامشي
انا يابنات مقاطعةالرز وعشى مااكل ومشروبات غازية ماحبهايعني اكلي سلطات مع قطعة دجاج او سمك
والصبح شاي حليب وملعقة سكرمع خبز اسمر ولبنة واذا جعت اكل برتقالة اوتفاحة واذا رحنا
عزومة مثلا ما كل غير تبولة مع قطعة دجاج وحمص.يعني من قبل اكلي قليل وهذا الاسلوب اعتمدته بالرجيم واكل بعد كبسولات فيتامين سي ١٠٠0 MG
من شهر ٨ لحد شهر ١ وصل وزني ٦٨ بس وظل ثابت! مع اني ملتزمة بالرجيم والمشي فكنت متحطمة
مع ان مقاساتي قلت والكل لاحظ
فالكل كان يقول لازم نكسر الثبات باكل دسم لكني فكرت بشي اجمل:23: قلت
اكل شيتوس زمزم على ذرةوالله ماعرف اش تسمونه لكن جبس الأطفال الي يجي على ذرة او بفك فكلت ٤ اكياس مع عصير اي نوع >>>الجبس داخله شوي
واستمريت بالمشي والرجيم مثل ماكان لحد مااخترب سير المشي وسبحان الله كان خرابه خير من الله
استخدمت الغزال الطائر وكان بعد موجود زينة وشماعة والأطفال رايحين جايين يلعبون عليه
حماااااااااااااااااااااااااااس
ومن الحماس احس بدخل في شاشة التلفزيون لأني العب وهو مقابلني
هههههههوكل يوم لحد ماانكسرت الدواسة وشريت هذا الغزال بعد روعة لكن أمانة يصلح للأقل من ٧٠ كيلو
وكل يوم على الغزال الطائر حوالي ساعتين باليوم اهم شي اكثر من نص ساعة
طبعا حابين تعرفون كم صار وزني؟ الحين الحمدلله يارب ٦٢ ادري مانزل كثير لكن بين النحف
علي صار جسمي بفساتين السهرة يسطل :05:المؤخرة صارت مشدودة ومكورة والمعدة دشت داخل والبطن قل بروزه
وجسمي من فوق من اصل نحيف والحين صار انحف يعني من فوق نجوى كرم ومن اسفل شاكيرا حسب مايقولون لي:23:
والحين انا مستمرة لحد ما ينزل في الخمسينات بالرغم الكل يقولي يكفي
حتى ملامحي صارت بارزة وعيوني وسعت والرقبة طويلة وصح شعري يتساقط شوي ولكن اعوضه بالخلطات
وكل ماحسيت وزني ثبت اكل الشيتوس الي قلت لكم عنه حوالي ٤اكياس:19:
بنات هذه تجربتي كاملة وتعبت على مااكتبها وماحاولت انسى شي ماابقي غير تدعون لي انزل للخمسينات يارب:23:
يسلمووووا
ماشاء الله