بنات بدوون مضاربات وكلام فااضي ابي رايك بكل احترام لو سمحتي

ضد وبقووووووووووه المراه ملكه جوووووووهره مصووووونه ماتخرج تشتغل

انا ضد اي عمل فية اختلاط سواء كاشيرات او غيرها مع احترامي للجميع

ضد طبعا

وبنت الناس الي اهلها يخافوا عليها مستحيل مستحيل يرضوا بهالشغله ..الا اذا كانت ضروفها جدا جدا صعبة تشتغل وتحافظ على نفسها وكرامتها

شوفي اختي الكريمه..التناقض في الطرح هذا بلاء ابتلينا به من الكثيرين ممن حولنا..واحنا كشعب ايضا نطبقها احيانا في منظورنا او رؤيتنا للناس..وهذي كفكره يجب محاربتها ..لكن ما طرح في الكاركتير ..وضف هذي الفكره لصالح شيء اخر ..خاطئ ايضا..

عزيزتي..الموضوع مو موضوع مع ولا ضد

الموضوع في طريقة المعالجه ..

ودي اعرف بس من اللي قال لرسام الكاركتير ان الوضع الاول جائز والوضع الثاني ما يجوز؟؟يعطيني اسم الشخص اللي قال هالكلام والفتوى او الراي او ايا كان ..

لكن يا اختي استغفال الخلق وتأجيج الناس على العالم فأي شخص يقرأ كلمة جائز على طول عقله يطير للعلماء ويبدأ في عقله يقول صدق العلماء هم مشكلتنا وسبب عدم تقدمنا حتى تتراكم في نفوس الناس هالاشياء اللي ما اتزل الله بها من سلطان..كلام مراهقين الاعلام والكتاب وغيرهم اللي كبروا الموضوع وخلوا العلماء هم سبب عدم عمل المرأه وسبب ضياعها وسبب تخلفها و و

وفيه اللي ماتبغا تشتغل بياعه وهي غير ملتزمه وفيه اللي ما يبغى اهله يشتغلون بياعات ولاهم حول الالتزام ! هذولي وش نقول عنهم؟؟ متشددين ضلاميين؟؟

مين اللي افتى انه حرام الكاشيره؟؟احترموا عقولنا يا صحافه ويا اعلام كم شيخ او داعيه نصحوا وتكلموا هل معناته ان كل العلماء حرموا الكاشير؟؟وش هالخرابيط؟؟

العلماء واقصد علمائنا حرموا العمل المختلط ايا كان شكله او نوعه..بس هل قالوا حرام تعمل؟؟ حرام تبيع؟؟

واتوقع فيه كثير اخوات لنا وممكن لاهم ملتزمات ولا مطوعات بس مايبغون عمل فيه احتكاك رجالي ..هل هذا تخلف وظلامية ورجعيه؟؟

اعود واكتب تعليق لي سابق ..

فعلا عزيزتي راسي تعب من كثر ما اقرا من كلام بين المختلفين.زبكل بساطه في موضوع عمل المرأه كاشير ناس ضدها وناس معها وكل فريق معاه البوم كامل من السب والشتم وكلام قذر سب في العلماء والقول بانهم من اسباب التخلف ودراويش واخيرا بنتحرر وكلام مرعب يكتب من مجموعه مراهقين راح يكونون بمركز قياده في يوم ما..فمال الحل معهم ؟؟ والمعارضين نفس الطريقه ماعرفوا يوصلون فكرتهم والتهوا بالسب والدخول في النيات و و و

والبنات توضفوا وانتهينا ! وفكرت انا و قلت ليش بدال الصياح والكلام والطقاق يوجه كل من الطرفين الى الادب مع العلماء وايضا التأكيد على من تتوضف في المجال المختلط بالحشمة والحياء وعلى كلامهم انها مخصصه للعوائل فقط يعني تعاملها نسائي لكن لابد من توفير الضمانات الكامله بعدم تعرض الرجال لها ( دام ان القرار جا من اعلى سلطه وزارية وهو الوزير بنفسه و هذا اللي قدره ربي عليه انه يشغلهم كاشيرات !) فيجب عليه توفير كل الضمانات بتجنب اي خلط بين الموضفات المخصصات للنساء بالرجال .. دام ان المشكله قد شرعت والكثير من البنات قدموا واكيد فيه اللي ليست محتاجه و اللي ودها بحذف الحجاب واللي بتلبس الضيق والحركات والميك اب .فاذا بتخلون الحريم يبيعون حطوا الضوابط للبنات ورتبوا الوضع..ولا ترمونهم رمي في هالمجال اللي كان مغلق لسنين طويله .. واذا فيه شطاره وحمية دوروا وضائف للبنات بعيده عن الخلطه بالرجال مثل ماهو حال كل الوظائف الرجاليه البعيده عن النساء..فالموضوع ليش يفهم ان الاختلاط للنساء بس ! بل هو للرجال وللنساء تشريع واحد لكلا الجنسين..



الزبده عزيزتي حتى لو عندك افكار ودك تساعدين فيها اخواتك المحتاجات وايضا غير المحتاجات وتوضف كل من تريد ان تتوضف وتنطلق في كل المجالات دون حاجة الى الاجتماع بالرجال من نفس المجال..والله شغلتها بسيطه جدا وراحه لكلا الجنسين ان يعملوا في مجالاتهم ذاتها جنبا الى جنب بدون داعي الى الاختلاط الحسي ..والعقول تتناقش من وراء الحجاب والعبايات ولا يمكن لمن تريد حجب جسدها وجمالها وفتنتها عن العين انها سوف تحجب عقلها وفكرها ومنطقها عنهم ! سبحان الله ؟؟ اليس العمل في بيئات مريحة بعيده عن التحرشات والقرف من كل الجنسين لبعضهم ويركز كل فرد في عمله دون حاجه لأي مؤثرات من هنا او هناك..ولن نفترض الشر في كل الناس وايضا لن نفترض الخير فيهم..لذلك تشرع الانظمه للحماية وتنظيم بيئات العمل بشكل بسيط يمنع الخلطه ويوفر وضائف لكل البنات والشباب بمختلف تخصاصتهم..ولا اعتقد ان تشريع تجريم التحرش راح يسوي شيء لانه ببساطه لم ينجح عند غيرنا ولن ينجح ابدا..ولكن عند الفصل الجسدي وتوفير البيئات الخاصه بكلا الجنسين تحت ذات الشركه او المؤسسه او الحكومه او غيرها ولكن تتناغم الاعمال لخدمة ذات المؤسسه او الشركه او الدائره الحكوميه ..هل يحتاج منا لمئة سنه ليستوعب احد هذا الكلام ؟؟ مثل قرار توضيف الكاشيرات جاء بلحضه ايضا تشريع تنظيم بيئات العمل وضمان حصول اقل نسبة من الاختلاط ..

لكن دام ان فيه من النساء والرجال من ترى ان مثل هذه التنضيمات هي تكاليف وتعويق لمسيرة النهضه النسائية وسخافات وضلاميات و و و و فلن تجديه ابدا في هيئة فكرة او مشروع فضلا عن ان يكون واقعا يجرب لفتره ليرى هل يحقق نتيجه افضل !!

لكن هناك من لا يريد كل هذا ويريد الوضع يتخبط مثل ماهو عليه وتجي مثل ما تجي والمجتمع غصب عليه يتعود على هالنظام..مثلنا مثل غيرنا .. ومثل هالكلام اللي خلاص تشربناه حتى صرت احس اني غلطانه طول عمري اني اشوف انه غلط اجتمع مع الرجال واشتغل معاهم !! واكتشف اني انا المعقده الظلامية الغير قابله للتغير وتقبل الجديد وانا مثلي مثل اللي رفضوا مدارس البنات والراديو والتلفون والتلفزيون و و و وهالكلام اللي يجي مصفوف مع بعضه و اعتدت قرائته..


وبعد كل هذا..اعتقد فعلا ان اختراع الانظمة والانجازات التي هي من العلامات المميزه لكل امه قوية هو شيء مستحيل..فاللي مشى على غيرنا يمشي علينا وخلاص والمجتمع كلها فتره ويتقبل الموضوع وانتهينا..واللي شغالين انكار واحتساب ونصح هذولي راح يندثرون من مجتمعنا ويتحولوا الى مجرد تراث قديم.


واخيرا اعود الى ابنائي..لأدرك اني اضعت وقتي وجهدي في كلام مفصول ومنتهي..ولن ينتضرني احد..فالالتفات الى اهم واجباتي في الحياة افضل من تغييير جزئية من التفكير الجمعي الذي بدأ يسيطر شكليا..


واضافه بسيطه ممكن البنات يفكروني مكبرة موضوع الكاشير وهو بسيط جدا..وفعلا ساعات اكون انا واخواتي في السوبر ماركت وانحرج اني اتعامل مع الرجال..فلما يحطون للنساء وحده خاصه فيهم ومكان مخصص ومغلق بحواجز وبعيد عن الرجال وش المشكله؟؟

لكن خوفك اذا كان هذا بس بدايه وبعدين خلوهم جنب الرجال وبعدين احذفي العباية وداومي بالزي الرسمي وحبه حبه ..ولاتنظيم ولا غيره ..لكن دام فيه عقول وناس تفكر وتبغى الخير لبلدها والنهضه والتقدم دون الحاجه الى استقدام انظمة العالم من حولنا وتطبيقها حرفيا..لنبدا من حيث انتهى غيرنا ونوضف بناتنا ونطور بيئات عمل بعيده عن الاحتكاك بين النساء والرجال والكل يعمل ويخدم مجتمعه ووطنه..ولو دعت الحاجة الى الاختلاط فنجعله باضيق الحالات..

وانا ما يضحكني الا اللي يقول حطوا كوكب للرجال وكوكب للنساء..والكلام الموغل في التفاهه اللي يردده هالعينة التعبانة..اجل يا راحي الكواكب ليش نسوي بيوتنا مجالس رجال وجاتلس نساء..ليش نستاجر شقق مدخل رجال ومخل نساء؟؟ياخي نستأجر شقه بغرفة وحده نستقبل فيها كل الناس وانتهينا؟؟

ولا تقهمونا بعد ان الوضع كان كذا في عهد الرسول والصحابة؟؟الشعب كلهم مطيحين جنب بعض واحنا المتخحلفين اللي ابتدعنا فصل النساء عن الرجال ؟؟

ايه ايه صح امريكا واوروبا مافصلوا الله يهديكم يعملون بحرية ونظام بس بالليل كل واحد منهم يعاشر اللي يبغى بدون مشاكل ولا تجريم؟؟ما ادري شعبنا مايشوفون برامجهم ومسلسلاتهم؟؟


اه بس ياليت نلاقي ناس تفكر و يكون عندها سلطه وخوف من الله وينظمون هالبلد..الله يرزقنا وايكم الصلاح والهدايه ويجنبنا الفتن ما ظهر منها وما بطن..

الله يعينكم على بربرتي اللي ما تنتهي..لكن نجتمع ونفكر سوى وكل وحده تعطينا افكارها ووش اللي تتمناه في بيئة العمل اللي تعمل فيها..

ضد اقوى شيء اي عمل يكون فيه احتكاك بالرجال