بنات برزبن واستراليا وطالبات الجامعةهناك فرجو عني بالله

waiting:(

هلا والله ودي اجاوب على كلللللللللللللللل اسئلتك بس اكثرها والله ماعندي خلفيه
# السكن برايي اهم شي عند ناس تعرفينهم وترتاحين لهم لانك بتدرسين وبتكونين محتاجه اكيد لجيران بوقت الزنقات!!
اللي اعرف فيه ثلاث مناطق للسكن السعوديين (اوكسلي ’’اندرسون..كوربي) وفيه ناس ساكنه بالستي انتي ممكن اذا وصلتي تسكنين بسكن مؤقت لين تشوفسن اللي يناسبك مثل معظم اللي هنا ....
#اما بالنسبه لذوي الاحتياجات الخاصه والله ماعرف احد هنا عندهم اطفال ذوي احتياجات بس الاكيد ان فيه مراكز واكيد بتكون غاليه اعملي حسابك!!!
فيه عوائل سمعت انهم يمسكون الطفل بس الظاهر لازم تمسكين سرى وانا اعرف وحده قد تعاملت معهم ولا تمدحهم ,,مدري ليه بس هي الان رايحه للسعوديه واذا رجعت سالتها لك,,,
والحضانه العاديه تتراوح مابين 50_75دولار باليوم يعني بالريال السعودي من 150_225باليوم والله يعينك!!! بس سمعت ان فيه بعض الجهات تدفع لمبتعثيها رسوم المدارس والحضانه انتي راجعي مصدرك وان شالله انهم يدفعون لك..
#اما قيادة السياره فهي عكس السعوديه طبعا الدركسون باليمين وفيه مدارس خاصه لتعليم القياده وتطليع الرخصه ...واتوقع انك لازم تتعلمين اريح لك بالروحه والرجعه...
#اسعار التذاكر ممكن اي خطوط تقولك وهي بحدود الخمسه وتختلف من خطوط لغيرها....ولا فيه دايركت من الرياض لبرزبن للاسف اكثر اللي هنا يجون عن طريق دبي دايركت مرورا بسنغافوره توقف فقط....
#الملحقيه نعم تتكفل بمصاريف المستشفى للولاده والامور الصعبه وافضل مستشفى اضن سمعت وحده تمدح تمارا او تارا او شي يشبه الاسم ذا والله مو متاكده ...
#بخصوص المرافق يضم للبعثه ويعامل معاملة المبتعث تماما بس الله يسهل امر انضمامه!!!
#الشحن فيه شركات الشحن اللي بالسعوديه مثل المؤيد للشحن كثيييييييير يمدحونها تشحن بالكيلو الكيلو بعشرة ريال والافضل انك تشحنين قبل لاتسافرين بيوم علشان اذا وصلتي بعد باسبوع تكون واصله اغراضك,,,,,
#معهد اللغه والله مدري عنه مااقدر افيدك بذي انتي اذا وصلتي تقدرين تعرفين هالشي ,,
#المبلغ زوجي جاب معه10,000دولار امريكي يعني بحدود 38الف ريال والحمد لله كفى اثاث وسياره وتامين ومعيشه لمدة اسبوع في شقق مفروشه ,,واشياء اخرى
#مايحتاج ابدا تتجهين لكانبرا لان كل اللي يتطلب منك مكالمة تلفون تبلغينهم بوصولك وترسلين لهم الاوراق المطلوبه بالبريد وهم راح يردون عليك بس !
اتمنلى اني افتدك ولو بالقليل ولا تنسيني من خالص الدعااااااااء

اختي بيلسان الاخت بائعة التفاح كفت ووفت
بس اماكن يتجمع فيها السعوديين بكثرة ماذكرتها التونق واندربولي ودارا
واحسن مستشفى للنساء والولادة حسب تجربتي ونصيحة لاتدورين غيره
مستشفى رويال للنساء ممتاز مرة
والاخت بائعة التفاح تقصد مستشفة ماتر بس ما انصحك به ابدا
وسهل الله اموركم

الله يسعدك دنيا واخرة يابياعة التفاااااح:)
والله اثلج صدري ردك

وما اقول الا جعله المولى في موازين اعمالك الصالحة وجعلك ممن يظلهم الله في ظله يوم لا ظل الا ظله

ولك مثل ذلك يا اروع فراشة
واسال الله يثبت حملك ويسهله ويسهل ولادتك ويقر عينك بعافيته وسلامته وبره وصلاحه

اجمعين ان شالله
الله يسلمك ويحفظك وتوصلين بالسلامه
والفراشه ماقصرتي انا فعلا ماعندي خلفيه عن المستشفيات بس سمعت وحده تمدح اللي ولدت به!!
والله يثبت حملك ويهون عليك ولادتك يااااارب انتي وكل حامل بهالمنتدى الرائع