كوبونات الراقية تسجيل الدخول

ارحمني يا رب

بنات بريطانيا..من تعرف دواء للزكام و الكحة للاطفال

ملتقى الأحبة المغتربات •

هلا اخواتي..

و الله اني بضيقة ما يعلم فيها غير رب العباد..

بنتي عمرها 8 اشهر و صار لها يومين مزكمة و فيها كحة قوية و انا ما عارفة شو اسوي..

لانه اول ما وصلنا هنا جاها زكام و رحنا المركز الصحي و لما شافوها تبتسم قالوا ما فيها شي..

عاد احنا عرفنا انهم ما يصرفوا ادوية بسهولة..

اللي تعرف اي دوا فاد عيالها يا ليت تكتبلي اسمه عشان اشتريه من بوتس..

حاسة بغربة فظييييعة و فيني كروب الدنيا لانها مريضة و انا ما يلي احد هنا..

انتظر ردودكم في اسرع فرصة...

الف شكر
6
15K

يلزم عليك تسجيل الدخول أولًا لكتابة تعليق.

تسجيل دخول

ام شفاء
ام شفاء •
لاباس عليها ان شاء الله :04:
عزيز تي في الAsda دواء اسمه medised وهو من 3شهور كويس للكحة والزكمة وتقدري تشريه
او ممكن تلقي اي دواء تاني بس انتبهي علي العمر
وان شاء الله ادا احتجتي اي شي مابنقصر ولابنات حواء بيقصرو
أم دحومي الحلو
أم دحومي الحلو •
ام شفاء ام شفاء :
لاباس عليها ان شاء الله :04: عزيز تي في الAsda دواء اسمه medised وهو من 3شهور كويس للكحة والزكمة وتقدري تشريه او ممكن تلقي اي دواء تاني بس انتبهي علي العمر وان شاء الله ادا احتجتي اي شي مابنقصر ولابنات حواء بيقصرو
لاباس عليها ان شاء الله :04: عزيز تي في الAsda دواء اسمه medised وهو من 3شهور كويس للكحة...
السلام عليكم

الله يفرج همك أختي ويشفي بنتك ومرضى المسلمين

هذا الدواء استخدمته لبنتي لما كان عمرها سنة ونص ..

بس تأكدي من العمر لأنه مكتوب من سنة إلى 10 سنوات شوفي إذا فيه للرضع

اسمه Tixylix Cough and Cold



هذا للكحة الجافة من 3 شهور فما فوق اسمه Calcough Tickly Cough 125ml



وهذا خافض للحرارة ومهديء لآلام الأسنان .. وغيره مرة ممتاز

Calpol Infant Suspension Strawberry Flavour 2+ Months 100ml



وهذا موقع لأنواع من الأدوية من ماركة "كال" مرة ممتازة شوفي وش اللي يناسب بنتك ..

http://www.healthinajiffy.co.uk/?manufacturers_id=142

إذا ما فيها حرارة ادهني صدرها وسرها ورجلينها بالفازلين ودفيها زين .. وان شاء بتخف كثييير

ماتشوفون شر ان شاء الله :)
أم صــلاح
أم صــلاح •
السلام عليكم

الف سلامة على بنتك يالغلا وماتشوف شر يارب

بالاضافة الى الادوية التي ذكرتها اختنا ام دحومي الحلو
فيه مرهم خاص بالاطفال من عمر ثلاث شهور يدهن به اعلى الصدر والرقبة خاصة بالليل
ممتاز جدا ويريح الجسم ويساعد على الشفاء بأذن الله

اسم المرهم
Snuffle Babe Vapour Rub
.
.


والله يحفظ لكي ابنتك يارب
*@ميمو@*
*@ميمو@* •
عزيزتي بنتك صغيره على الادويه

واللي بهالعمر ما يصرفون لهم ادويه لانهم ما يتحملون

دفي لك زيت الزيتون وادهني صدرها وظهرها

راح تخف الكحه كثير وبشكل ملحوظ

الله يشفيها ويزيل همك
ارحمني يا رب
ارحمني يا رب •
*@ميمو@* *@ميمو@* :
عزيزتي بنتك صغيره على الادويه واللي بهالعمر ما يصرفون لهم ادويه لانهم ما يتحملون دفي لك زيت الزيتون وادهني صدرها وظهرها راح تخف الكحه كثير وبشكل ملحوظ الله يشفيها ويزيل همك
عزيزتي بنتك صغيره على الادويه واللي بهالعمر ما يصرفون لهم ادويه لانهم ما يتحملون دفي لك...
مشكورات الغاليات على ردودكم اللي بردت قلبي..

انا اشتريتلها واحد من الادوية اللي ذكرتوها..

و عسى تخف يا رب..

و الله اني مكتئبة للاخر و اول مرة احس بهذي الغربة..


الله يشفي بنتي و جميع مرضى المسلمين يا رب