السلام عليكم
بما أنكم تتكلموا عن الايجارات ...
أنا سمعت أن بريطانيا الاسعار غاليه نار واغلى من عندنا بكندا
بس لما رورو كتبت 800 باوند استغربت لأن بهالحاله تكون نفس كندا او ممكن كندا اغلى (طبعا حسب المنطقه)
لكن 800 هذا بيت أو شقه وفى اى مدينه؟

ايوه 800 وبيت شبه منفصل على زاويه
واحنا اخذناها من المالك مباشره مو عن طريق مكتب لان المكاتب تصير اغلى وياخذون عموله لهم
هذا السبب يخليه رخيص
حتى اغلب اللي شافوا البيت يقولون حقه 950 او 1000

roro6
معقوله الحين اجار بيتك 800 باوند بالشهر ومن غير اثاث بعد غريبه باي منطقه انتي قلتيلي لاني احسه غالي مره بالنسبه لبيت مو ماثث او بمكن انتو منطقتكم غاليه ..

ماادري بس انا اجار بيتي 650 وهو دورين ثلاث غرف نوم وصاله ومطبخ وغرفة طعام وثلاث حمامات وحديقه خلفيه خاصه وماثث بالكامل واحسه غالي بعد احنا بمنطقة ساوث شيلدز ..عشان استغربت من سعر اجار بيتك ..

بس عجبتني الفكره عشان الواحد يقارن بين الاسعار والغللا بين كل منطقه والثانيه..

نوف ..اجل مابين احد يجي منطقتكم طيب انا بجيكم وشلووون :( واذا ماعجبتني الله يعينك بجيك واتعشى عندك واسهر واحلل الطلعه خخخخخخ<<<جاتها صدمه نفسيه الحين نوف:22:

اهلين بنات وش اخباركم
مشكورة اختي ام محمد يامشرفتنا الغالية ما ننحرم منك انشالله
بالنسبة للاجار في مانشستر يتراوح بين 650 و900 باوند وانا مستئجرة ب 650 مع ان اثاثة احلى بي دخلتى بمانشستر لحد الحين بس لاننا نعرف راعي البيت والا يقول ما اجرة الا ب750 باوند
ام محمد بالنسبة للاجارات انتم في كندا يمكن في مونتيريال لانها غالية لان في لندن ماتلاقين اقل من 1000 باوند بالشهر او 300 باوند بالاسبوع

.........................................................

بالنسبة للمطار انا لما رحت من تقريبا شهر قالوا لي شنطة اليد ما تتعدى 7 كيلو ولكل شخص شنطة يعني لو تاخذين شنطة كبر يدك خلاص ما يسمحون لك بغيرها فحاولوا تستغنون عن الصغيرة بوحدة كبيرة شوي وفيها كل شي

اما بالنسبة للعطور والكريمات والاشياء السائلة فلازم تحطينها في الشنطة الكبيرة لانهم مايدخلونها لداخل الطيارة ..... لانهم حتى رضاعة ولدي كان فيها شوي حليب قاعد يرضع فيها قالوا لي اشربي منها قمت وكبيتها لاني ما اطيق طعمه اما الحليب خذي بس بودرة والموية هم يعبونها لك بالطيارة عطيهم الترمس الصغير او الرضاعة وهم يعبونها لك موية دافية ..... والله يعينا على قوانينهم