ام دحومى ,,صح لسانك والله
ما غيرها الغبي ,,,يالله بجد وضع يخوف :(
الله يعين بس
بس والله انك عجبتينى هههههههههههههههه

يالله يا بنات والله ما تعرفون شكثر فرحت من شفت هالموضوع واني اتعرف واكتب ويا بنات ببريطانيا يعني حاسين بالقهر والغربه الي هني مثلي :( الحمدلله

وايد حلووو هالموضوع ويعطيها الف عافيه الي فكرت فيه

::::::::::::::::::::::::::::::::::::::::::::::::::

توه قريت ام دحومي شنو كاتبه يا حليلج والله حبيبتي ام دحومي انا صار فيني نفس الموقف
بس مو بالضبط انا وقفني ويا جارتنا واحد انجليزي متوسط العمر بنص الشارع واحنا بسيارتنا بس عشان يسالنا انتوا ليش محجبات وليش كله لبسكم اسود وليش طويل ما تتضايقون فيه ؟؟ ولا تموتون حر وخصوصا انه شوي حر هاليومين وساعات تمطر يقول منو الي جابركم على هاللبس يعني ظل الاخ ساعه يحقق ويانا واحنا بس ودنا الفكه لا هو مخلينا نروح في طريجنا ولا هو ساكت بس يومها جارتنا ما سكتت له هيه مره شوي كبيره في العمر قالت له والله ان ما بعدت الحين بدعمك واقول اهو انتحر قدام سيارتي

هالفتره مدري شفيهم وايد حاطين علينا الي يفكنا من شرهم


اختج حنونه

حياك الله اختي ام حمودي معانا ولاتخافين ولاتشيلين هم كلنا كنا زيك في البدايه لكن بعدين بتتأقلمين وبتعيشين عادي والمدينه اللي بتروحين لها فيها عرب ومسلمين زي ماشفت وتبعد عن لندن ساعتيــــــن

الجو اتوقع زي اغلب مدن بريطانيا بالشتاء يكون بارد يعني تحتاجين ملابس شتويه وبالاخص اللي مهم تجيبين معك البجايم الداخليه مو موجوده هنا قصدي اللي تنلبس تحت الملابس
وبالصيف الجو حلووووو مو برد

الاشياء اللي مهم تجيبينها مدري انا اقولك وش جبت معاي

- قهوه وهيل وتمر وترامس قهوه وبهارات او اعشاب تستخدمينها مع انه محلات الهنود يبيعون كل شيء
- شراشف صلاه وسجادات وساعه اذان
- اباريق شاي
- قدر ضغط اذا تحبين تطبخين فيه
- سفر تحتاجينها حتى لو عندك طاوله اكل
- مبخره وبخور وعود (( انا احبه مدري عنك :) ))
- اي جهاز بتجيبينه لازم يكون الكهرباء 220
- اذا شريتي جهاز احسن اشتري اللي يكون راسه اللي يدخل بالفيش يكون ثلاث روس لان افياشهم كذا


واذا تذكرت شيء جديد اقولك -




[/


جمعت لك هاذي المعلومات اللي لقيتها عند نورج
موقع للمدينـــــــــه

http://www.visitnorwich.co.uk/

اهم المعاهدلمزيد من المعلومات، أرجو زيارة مواقع المعاهد التالية:

بل سكول: (Bell Schools- Norwich)
http://www.bell-centres.com/courses/.../intensive.asp

نايل سكول (Nile School)
http://www.nile-elt.com

معهد اللغه بالجامعه (CEB)
http://www.llt.uea.ac.uk/ceb/home.htm

هذه تقريبا افضل المعاهد في مدينة نورج

مستوى المعيشة والسكن

متوسط من 550 الى 650 في الشهر للغرفتين أما اكثر فأعتقد السعر أكثر

الأماكن التي يسكن فيها في نورج للسعوديين وقريبة من الجامعة محدودة بمنطقتين الكولني وهو حي جديد ويبعد حوال خمس دقائق بالسيارة ويسكن فيه حوالي 90% من الطلاب السعوديين الآن وايجاراته حوالي 550 لمنزل غرفتين، يرتفع الى 650 3 غرف و700 وأكثر لأربع غرف

المنطقة الأخرى هي الإيتون ومنطقة هادئة أيضا وجميلة ولكن مشكلتها أن مكتب التأجير لايفضل تأجير السعوديين لمشاكل سابقة ولايوجد فيه إلا عائلة أو عائلتين الآن


مدينة نوروج...

- هادئه .. بعيدة عن ضجيج المدن الضخمة ، وليست صغيرة (مثل كامبرج)...
- تبعد هذه المدينة عن العاصمة لندن قرابة الساعتين إلا ربع بالقطار..
- فيها جامعة (East Anglia) وكلية واحدة..
- فيها مجمعات أسواق رائعة ، وكذلك مركز المدينة جميل..
- عاصمة مقاطعة (Anglia)..
- فيها ثلاثة مساجد : أحدها قريب من مركز المدينة ، والآخر (الجامع) بالقرب الجامعة ، والثالث قريب من محطة القطار..
- تعتبر من المدن الآمنة..

وهي مدينة جميله وهادئه وبها عدد لابأس به من الاخوه العرب والمسلمين. حاليا الجامعه بها مسجدين ولله الحمد
والجامعه من افضل جامعات بريطانيا، وبها معهد لغه ومعاهد اخرى مثل البل سكول المشهور.

بالنسبة للمسجد الذي تقام فيه صلاة الجمعه فهو داخل الجامعه، ولم افهم ماذا تقصد من سؤالك عن بعده، وهل يمكن المجئ إليه على الاقدام. يعني هل انت حاليا بنورج ومن اين تريد تأتي للمسجد مشيا على الاقدام؟
ان كنت تقصد من داخل الجامعه ... فلن تأخذ المسافه اكثر من خمس دقائق؟ والمسجد مزود بوسائل كثيره ويقوم عليه
نخبه من الاخوه في الجمعية الاسلامية، الذين دائما يتفانون في خدمه اخوانهم المسلمين في نورج وخارج نورج، اسأل الله عز وجل الا يحرمهم الاجر وان يجعل ما يقومون به خالصا لوجه الكريم.

لمزيد من المعلومات عن نورج ... ارجو زيارة المواقع التاليه:

الجامعه/ http://www.uea.ac.uk
الدليل الشامل للطالب المبتعث/ http://www.uea.ac.uk/~f121983
الجمعية الاسلامية/ http://www.uea.ac.uk/~gs692


صور من المدينه













وحياك الله معنا في تجمع بنات بريطانيــــــا

ام دحومي زين انتي بس هالكلمه حنا صار لنا موقف جامد مع سائحه ايطاليه بعمر الاربعين ومع ضيوفي بعد اللي جوني سالفه طويله وكان اليوم اللي يسبق يوم التفجير يعني قبل لايكتشفون

الله يستر علينا بس ويحفظنا لاتطلعون لحالكم نصيحه اطلعوا مع رجالكم تراهم الحين يخوفون بعد ماطلعوا عرب ومسلمين يعني انتبهوا

والعربيه جابت صورة الجراح الاردني والبيبي سي جابوا عنهم شوفوهم

لا تخوفونى يا بنات انا دايم اطلع لحالى ,,,,يووووة