بنات وينكم مختفيات ؟؟؟؟؟؟


وش فيكم ؟؟؟

أهلا وسهلا فيكم كلكم يا بنات بريطانيا انا الان موجودة ببرايتون ويسلم كل من سأل عنى .احكيلكم حكايتى بعد ماروقت للفائده للى يجيه مثل موقفي وكيف يتصرف ومن عنده طريقه افضل يقولى.كنت حريصة مرة على تضبيط امورى قبل اجي بشهر طبعا السكن اخذته من منتداكم الله يسعدكم ويسعد شمالية اللى هو http://www.bestofbrighton.co.uk/حجزت بالانترنت واتصلت فيهم للتأكيدوأخذو رقم الفيزا وسحبو المبلغ واخذو موعد الوصول وأرسلو لي على الايميل رسالة خاصة وسريه بمكان المفتاح عند الوصول .اللي حصل انى حرصت على سواق التاكسى أضبط أموري معها قبل السفر بثلاث أيام من زود الحرص وحرصت تكون سيدة وفرحت بالرقم اللي خذيتة من عقودة الله يرزقها سواقة كلها ذوق حضرت المطار وأخذتنا والامور من أحلى مايكون وتساهيل رب العالمين ماتنجحد .وزود حرصى أعطيت رقم الشركة السواقة للتاكد من العنوان وعدها المسئول عند مدخل برايتو بعد الدوار تنتظرة وهو يبغا يجى ياخذنا استغربت وقلت لها ماله داعى انا اعرف مكان المفتاح و أحنا معانا العنوان. قالت هو مصر وما يبغا يوصف لى لما وصلنا الدوار اتصلنا علية قال انتو بعيدين مااقدر اجي روحو للمحطة الفلانية هذا الكلام الساعة 10.5مساء تخيلو 3ساعات وهو يفرفر فينا من مكان لمكا مرة ماادل المكان مرة بعيدين مره روحو المرينا الين شبع شرب ليلة الاحد طبعا وحنا ياغافر لك الله يوم ملينا رحنا على العنوان اللى معي عند الهيلتون على البحر ومشينا على العنوان مضبوط لما وصلنا اتصلنا عليه قال العنوان اللى معاكم خطا والمنطقة اللى انتم فيها ماعرفها تقدمو وانا جايكم هذا الساعة وحدة طبعا .ياحرام العيال جوعانين وتعبانين وخايفين ويبون الحمام الله يعزكم والحالة مايعلم فيها الا الله وانا ادعي ربي يفرجها والسواقة تعبت وقلقت وخايفة ترجع لندن والوقت متأخر بالفصيح ملت منا .جاء حضرة صاحب السمو يخور ووقفنا عند خرابة تخوف بوسط الخلاء ماحولى من يقول ربى الله وانا مستغربه المكان بس مادري وش الدبرة قلبى مع الحرمه المتوترة نزلتنا واخذت حسابها ومشت قمنا نجر جر الشنط انا وعيالي تخرعت كتوفنا يوم اقبلنا على الخرابة اللي ماتوصف كوخ لو يقول الحرامى اف انسدح الباب والجدار الخارجى كلة قزاز مكشوفين مرة مرة والمنطقة خالية تقول مخططين علينا ابتفاهم ابحكي لاحياة لمن تنادي اقول هذي مو شقتنا اللي شفتها بالنت يقول هذيك تأجرت على غيركم طيب ودنا لهوتيل يقول لا ويخربط مهوب صاحى وهوشنا لمان قلنا بس المهم هددته بالبوليس ماجاب خبر بالسفارة ماجاب خبر قلت كلم مديركم العود دق عليه ساعة يخربط بدون فايدة قلت الشغله مدبرة اتصلت على الضعيفة اللي مسكت خط لندن قلت اقول ارجعي ودينا معك عيالي تدفقت عقولهم ودينا اى هوتيل ولا رحنا الليلة عندك واثر الحرمة تصيح بالسيارة ماتدل الطريق بالليل ومرتاعة. وفرحت بنا وجت طايرة ورجعنا معاها لندن وصلنا الساعة4 الفجر تخيلو .وعيالي خشب مسندة من الجوع والروعة. نمنا عندها الله يسعدها ومن بكرى كان الاحد الدنيا اجازة الشركة والسفارة جلسنا عند الاجودية واليوم اطول علي من سنة .يوم الاثنين كلمت السفارة ..........وللحديث بقية تعبت .

المال المبارك اسف اني دخلت عرض بينكم بس استغربت من حكايتك لو انا بمكانك كنت راجعت من زمااان على العموم الحمدالله على السلامة وطمنينة عليك وعلى عيالك حبيبتي وعسى رجعتي فلوسك

أختي المال المبارك الله يعينك والله والحمدلله على سلامتكم ان شاءالله انكم بخير تغربلتوا أجل

وش سويتي بعدين علميني ؟؟؟؟؟

السلام عليكم ورحمة الله وبركاته

كيف الحال يااخوات ؟؟ ايش الاخبار ؟؟

((من فين أبدأ :confused: ))

انا اختكم ام همام
ساكنه في بريطانيا
العمر<<<<خخخخخخخخخ اخدت وجهه

المهم حابه اتفاعل معاكم .. وانا كنت قبل كدا في الموضوع اللي هو تجمع بريطانيا الجماعي
اللي قبل سنه بس بعدها حملت وقلبت على قسم الحمل والولاده والحمدلله ولدت <<خخخخخخخ
ورجعتلكم:7_5_131: <<< خخخخخخ سار لغز ...

المهم انكم تتقبلوني

دمتم بود :26: