شكلكم مانمتو ركض على نكست كني اشوفك عاضين ثيابكم وتركضون خخخخخخخخخخخخخخخ

بس وش ذا بدري ساعه 5 يفتحون ماشاء الله عليهم ...

بنت نجد مت ضحك عليك هههههههههههههههههههههههه الله يوسع صدرك بالعافية ..

ميان الحمد الله على السلامة ..

عقوده وشخبارك ان شاء الله تمام ..

شكل ام هنا وشماليه طردي على نكست خخخخخخخخخخخخخخ

هلا بنات والله اشتقت لكم حيل

انا الحين في الرياض ونااااااااااسه من جد مع ان الجو حار بس مو زي العام في الليل يطلع حلو

وش اخبارك ياشماليه ياعمري ...؟؟؟

وكل البنات بدون تخصيص عساكم بخير وماشين ..

تطورات عقبنا حمال وغربه الله يعينكم وترجعون لاهلكم سالمين غانمين يارب ..

اهلا بالجميع ربي يسعدكم وكل من سأل عنى .أكمل لكم قصتى اللى يقرا اولها طبعا إحنا جلسنا عند الحرمه يوم الاحد كامل الناس بالإجازة السفارة والشركه كان يوم عجيب لانقدر نستأجر واحنا ماعرفين وش مصيرنا ولا نقدر نفتح الشنط المكان كان جدا صغير وينحاس المكان والحرمه وراها مشاوير واشغال وعندها ضيوف بعد وطلعت لاشغالها وتركتنا على راحتنا جينا نبى ناكل قطعنا الجوع محولنا شى وماندل والله الى اختكم بالله حاسبه حساب الظروف الطارئه فيه اندوووووووووووومى بالشنطه قعدنا انا وعيالى ننشل بأى شنطه ماصدقو يعمرى اللى قال الفرشة والمعجون يمه واللي قالت ابى اغير مابسى واللي قالت ابغير شرابى قلت هههها ترا ابهون ولا افتح الشنط مانبى حوسه ولادوسه ولا صوت ولاحركة بعدين نضايق الحرمة وهي ماهي ناقصة .المهم لقينا الاندومي وبسرعة نبى نطبخ وناكل قبل تجي الحرمة خايفة ازعجها وميتين جوع فكينا الاكياس وايديننا تخالف من السرعة والمويه من الحنفيه بلا فلتر بلا خراط واشعلنا النا ر واستوى وانا اغرف جو الضيوف اللي عند الحرمة معهم 3 اطفال شمو الاندومى قالو بدنا اندومى خالتو لبنانيين قلت ابشرو الشغلة خاربة خاربه حقي انا وبناتي خذوة وجلستهم هم وعيالى الصغار وبالهناء والشفاء.جاء العصر وجزمت اباقول للحرمه ابي مطعم وابي شريحة جوال وابى صراف وابي هوتيل استاجر لليله .من حسن الحظ الضيوف اللي عندها امهم تعبت واخذتها الحرمه للمستشفى ولا رجعو الا الساعة9 بالليل والحرمه مرهقة وتعبانة مع ضيفتها الله يوفقها وانا وعيالى وعيال الضيفة بالبيت ابا اطلع ادور بقالة ابشترى شى وخايفة على هالعيال قمنا ننفش بالشنط ونطلع مئونه الطوارئ لقيت معي جبن كرافت سايل جبنا خبز توست والجبن السايل وتعشينا وغصصنا والحمد لله ومن حكا من عيالي وقال أأأأ قلت اص ترا واصلة معي لبد واسكت والصغير مايدري وش الطبخة يقول ياماما ليش اشتريتى لنا بيت موحلو واقول اص لاتسمعنا الحرمة.مر الاحد بسلام وبدا يوم الاثنين ومن الساعة 5 وانا مرتكزة انتظر الساعه10 اتصل على السفارة والساعة9اتصل مسئول اسمه ريتشارد بالشركة على الحرمة يسأل عنى اشرتلها وقلت لها قولي ماهى عندي ماابغا اسمع صوتة قال وين هي ماجت الشقة تكلمت معاه الحرمة وعلمتة على اللي صار واعتذر باعذار سخيفة وقالت انى استأجرت شقة ولا رح ارجع برايتون وانى ابشكيهم على السفارة ومن هالرخيص وش نسوي .بعد ساعة اتصلت مسئولة كبيرة اسمها سوزان تطلبنى وتقول للحرمة ابغا ضرورى روحي لسكنها وخليها تكلمنى .بعد ساعه دقيت عليها والا هي تعتذر وتقول وينك الشقة تنتظرك وليش ماجيتى المفروض موعد وصولك السبت استغربت وقصيت عليها القصة قالت بس احنا عطيناكم العنوان ومكان المفتاح ليش مارحتو على طول قلت لها ان السواقة اتصلت على رقو الموظف اللي اسمة دافيد عشان تتأكد من العنوان وقال لها لا انا ابوصلكم بس انتظرونى بمدخل برايتون .قالت ان دافيد كان سكران ومكثر الشرب وهو اللى حاس بكم وخرب الشغلة طبعا ماصدقت وقلت لها ابغا فلوسى ردوها لي قالت اوكى استغربت بها السهوله .قلت تعالي المكان حلو والشقة على البحر باحلى مكان جربي وان ماعجبك الوضع مستعدة ارجع فلوسك جلست معى حوالى نصف ساعة تقنعنى قلت بنفسى ليش مااروح ادخل عيالي المعهد حقهم فينى فينى الروحه لبرايتون واجرب كلامها اما بناتى ماعاد يبغون طارى برايتون ورافضين بالمرة بس اقنعتهم الى الجمعه ندخل العيال الصغار ونرجع .بعدين قلت واذا رحت ونكرت بى ودتنى لمكان ثانى بعد ولا اذا رحنا الشقه وجينا نطلع قالت ماعندى لكم شى عاجبكم اجلسو ماعجبكم اطلعو وانكرت كل اللى صار ماعندى اى اثبات .قلت اتصل على السفارة واشوف وش يقولون اتصلت الساعه 11على السفارة وحصل اللي ماتوقعت ابدا للحديث بقية لانى تعبت الجاى احلى واحلى.................

حمامة بر الحمد الله على سلامتك انتم رجعتو نهائي ؟

المال المبارك الله يعينك الصراحه بهذلة بس وش جنسية اللي تسوق ؟ شكلها راعية فزعات

يالله انتظرك كملي .. بس عندي سؤال زوجك مو معكم ؟

بنات قالت زوجي يوديني نكست الفجر قال كل هذي شفاحة الا مادريت عطاني محاضرة :angry2: وقال عناد بتروحين الساعة 3 الظهر:(

المال المبارك ماشاء الله عليك قلبك قوي وموقفك لا تحسدين عليه

شمالية وش المحل الي قالتي علية لقاب هل القاه بشفيلد تعرفين انا جديدة لي 6شهور وشكر لك على الدليل سياحي :26: