هلا بنات

كيفكم وش اخر اخباركم ..

انا مشغوله هليومين في التجهيزات للمغادره ..

وعندي سفرتين الاولي على سويسرا والثانيه للسعوديه فماني فاضيه ابد

ابسألكم <<مهيب غريبه علي خخخخخخخ

اختي موصيتني اجيب لبنتها ملابس حلوه من بريطانيا وانا اقول لها

الرياض احسه مليان اشكال والوان وارخص من عندنا ومابيها تحسبني ماابغى اجيب لها شي

وانا دايم اشتري لبنتي من نكست وآدمز ..بس احسهم عاديين مافيهم زود ..

وتبيني اطقم لها مع كل لبس جزمه واكسسواراته ,,,

تكفون هليب معي عجلوا علي وش اسوي ...

ناطرتكم على احر من الجمـــــــــــر....

حمامة
روحي تي كي ماكس تلقين كم قطعه حلوه
وH&M ممكن تلقين ماعليه لكن الجزمه والاكسسوار الله يعينك خخخخخخ
صعبه شوي
لكن حوسي في الاوت لت ااذا عندكم في نكست وادامز وتي كي ماكس وبريماك
حتى ازدا ووتسكو تلقين
الله يعينك واللللللله

اهلين بنات وش اخباركم ؟؟؟
اليوم رحت لمرسي واي شالو نكست كليرنس والله انقهرت كنت احبة مرة مرة
نوف مشكورة على الحلى يهبل بسوية انشالله

هلا أم هنا..

تحسبيني مارحت لتي كي ماكس ..واتش اند ام مدري مادخل مزاجي احس انه اقل من العادي

بس انا قلت لها ..ترى ماعندهم زود عن الرياض ..

واذا بغيت اطقم من ..الى بيصير غالي

لا والاخت في الله مشترطه علي يكون ساتر ...!!!

رحت لgap وكل اللي عنده مو ساتر وغير كذا غويلين شوي ..

ومونسون بعد مشكلته الغلا ...

مدري وش اسوي لها...

شلونكم يا بنات؟ اسفه طولت عنكم...
حمامه بر..الله يعينك..مثل ما قلتي ما في شي هنا احسن من الرياض و اكثر المحلات اصلا موجوده هناك..الا اذا كانت تبي ماركات و غاليه

تذكرت شي..اللي في لندن او بزور لندن قريب لا يفوتكم معرض في المكتبه البريطانيه عن الكتب المقدسه..القرآن، التوراه و الانجيل..في مصاحف نادره و ايضا الواحد يشوف الاختلافات و التشابه بين الكتب..بالتاكيد كتبهم محرفه بس حلو الواحد ياخذ فكره عنهم..شوفوا الموقع
http://www.bl.uk/sacred