هلا بنات حيااكم الله شخباركم شمسوين والله لكم وحششششششششششه
ام هناء
كالنوف
ميشو
شماليه
شامه علىالخدود
سارونه
كوكيز
ربيع الحياه
دواين
ام حصه
واسفه لونسيت احد

شماليه يابعد عمري الله يهون عليك ويبدل ضيقتكم فرج يارب ويحمي امك وخوااتك وياقلبي لا تقولين كذا احنا لبعض واي كلام تقولينه كانه ظرفنا ومصابنا احنا هنا على الحلوه والمره مب بس وقت الونااسه معك وغير كذا ننساك ياقلبي كل للي في خاطرك قوليه ولا تتردين احنا خواات ونحااتي هم وظروف بعض وانتي ماقصرتي معنا دااايم نسفيد منك بكل شي فدتينا الدور علينا نهون عليك كربك وندعيلك بالفرج لاننا فعلا فقدناااك يااقلبي

والله تاثرت من سالفة اهلك حرام عليه هالاخوي هذي جزاة التربيه هذا اكييد مريض لايسكتون اهلك عليه وسوي مثل ماقالت كالنوف خلهم يسون الاحتياطات اللزمه وخل خواتك ينتبهو الله يفرج همهم ييارب ويريحكم منه للابد

انا معك يالغلا قلب وقالبا

الله يسمح امورك يارب ويفرج كربك انتي وهلك

محبتك وفاقدتك
عقوده

سلاااااااااااام يابنات ...

شماليه بسم الله عليك ياقلبي لايضيق صدرك ادعي ان الله يحفظهم ويخليهم .. بس غريبه اخوك

يعني مريض والا حالة نفسيه !! طيب امه وينها فيه ؟

""""

بنات وش فيكم ضايق صدوركم ؟؟ اليوم اخواتي مجتمعين وحده من وثنتين من اخواتي يقولون

نحس بيضقة صدر وحده منهم جلست تصلي مادريت الا تصيح تقول اذا صحت ارتحت ..

""""

السلام عليكم
شكرا لكل اللي فقدني وسال عني
احنا سافرنا للسعوديه فجاه لان ابو زوجي تعبان وسوى عمليه
فزوجي ماارتاح الا يتطمن عليه
وخلنا انا وولدي هنا ورجع

المهم سلامة قلبك شماليه
الله يعينك ويريح بالك يارب
وتروح هالغمه يارب
ويحمي اهلك شره وشر كل من فيه شر
ولا يضيق صدرك ياقلبي وادعييييييييييييييييي
هذا اللي بينفع الدعااا
وكمان نصيحه
تصدقي بنيه ان الله يكفيكم شره
وطمنينا عليك تكفين
وان شاالله بيمسكونه وين بيروح
الله يفرج كربكم يارب العاالمين

السلام عليكم اخواتي كيف حالكم في الغربه اعانكم الله عليها انا عندي كم سوال وابغاكم تردون علي في اسرع وقت كم ايجارت البيوت هناك وكيف طريقه دراسه الاولاد هناك وجزاكم الله خير

الله يسلم كل من سأل عني..اعذروني اغطس بسبب الدراسه..و ما عندي شي جديد:09:
ابي افرر في السوق ادوري فستان لزواج..بس ما لي خلق:06: رحت المحلات الكبيره ما لقيت شي لفت نظري..و الي عجبني..فوق الخمس الاف باوند:23: و ما يستاهل..الله يعين يبلي افر على البوتيكات و اروح و انا رايقه يمكن شي يطلعلي..اااه ابي اخلص

خوخه يوسف بالنسبه لسؤالك..الايجارات تعتمد على المدينه..يعني لندن..ما تلقين شي اقل من الف جنيه في الشهر و هذا غرفه نوم واحده و صغيره و بعد يعتمد وين في لندن يعني السنتر نار..و كل ما بعدتي ارخص شوي..بينما في مدن في الشمال يمكن تلقين بيت و حلو بخمسميه في الشهر..يعني يعتمد وين بتروحين و كم بتقعدين..و المدارس ما عندي خبره كثيره بس المدارس الحكوميه ببلاش و يقدر اي طفل ساكن في بريطانيا ان يدرس فيها بل هو الزامي ان يكون في مدرسه من عمر خمس سنين...و في مدارس خاصه و عربيه و اسلاميه بس ما اعرف نظامهم