اهلين بنات كيف الحال ؟؟؟
شماليه... والله معك قلب وقالب وادعيلك لاتضحكين علي قعدت اصيح وانا اقرى الخبر.. بس الحمدلله جت العواقب سليمه علينا وعليكم..
ميشو ... مشكوره على السؤال انا معكم علطول بس انشغلت بموضوع في زوجي ..
ام هنا... الصينيه من تي كي ماكس..ماشاء الله تبارك الله على بنتك القمر الله يحفظها ويخليها لكم..
شامه..كال نوف..ربوعه..ام حصه..رورو..حمامة بر.. كيف حالكم جميعاوحال الداخلين في هذا الموضوع
اشتاق لكم واطل على سواليفكم واضحك على شي واحزن على شي بس ياحبيلكم حبيلالالالالااه
المهم
بنات انا زوجي من كثر ماهو مهموم بعد نقل البيت ومرمطه المعاهد جاه خبر كسر ظهره تخيلو بكل وقاحه الجامعه ارسلت خطاب له قالت سكرنا قسمك تبع الماستر قال وش الحل؟ توكم تعلموني قالو تخلفو كثير اضطرينا نقفله وقالو دبر عمرك ومع ضيقة الصدر تخيلو جاه ورمه توه ورانياها تحت حنكه تحت اللسان بالضبط كأنها حجر قاسيه قمت اصيح وقالي لاتعلمين احد نعرفه يخاف ياصل لأهله الخبر امه وابوه فيهم سكر وضغط قلت مالي الا الله الكريم ثم انتم افضفض لكم تكفون خففو عني انا قلقانه مره عليه:( ورافض يروح للـGP قبل اسبوع ..

صباح الخير

سارونه ياعمري لايضيق صدرك وتوكلي على الله
اسأل الله العظيم رب العرش العظيم ان يفرجها على زوجك ويزيح همه ويشفيه ويطمنك عليه
ان شاءالله انها بسيطه ولاتحافين ياما وسوسنا باشياء زي كذا وتطلع عاديه
عقد الماس ياعمري وش فيك الله يشرح صدرك يارب ويشرح صدوركم كلكم يابنات

مدري وش فينا صرنا بس نتضايق ومهمومين وحالتنا حاله صارت تتنقل بيننا هالضيقه الله لايعيدها من ضيقه
ماأصاب عبداُ هم ولاحزن فقال : اللهم إني عبدك ابن عبدك ابن أمتك ناصيتي بيدك ماضِ في حكمك ، عدل في قضاؤك أسالك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي " . إلا أذهب الله حزنه وهمه وأبدله مكانه فرحا

قال صلى الله عليه وسلم دعاء المكروب : اللهم رحمتك أرجو فلا تكلني إلى نفسي طرفة عين ِ وأصلح لي شأني كله لاإله إلا أنت الله ، الله ربي لاأشرك به شيئاً

لاإله إلا الله العظيم الحليم ، لاإله إلا الله رب العرش العظيم ، لاإله إلا الله رب السموات ورب العرش الكريم

اللهم إني أعوذ بك من الهم والخزن ، والعجز والكسل والبخل والجبن ، وضلع الدين وغلبة الرجال ". كان رسول الله صلى الله عليه وسلم يكثر من هذا الدعاء

واقولكم على شئ بعد كل وحده تحط يدها اليمين على صدرها وتقرأ سورة الانشراح 7مرات
وتقولون بعدها "ربي اشرح لي صدري ويسر لي امر"7 مرات

هلا خواتي ماقصرتوا .... بس والله مادري شسم النوع الي نشتريه لان الموجود في السوبرماركت اخذه ...... ياليت تقولون لي احسن نوع .....:)

هلا والله بنات وش اخباركم ؟؟؟؟
سارونة .... ياقلبي عليك والله انهم حقيرين وش ذا الحركة الله يعينكم يارب طيب وش بتسوون الحين تعالو عندنا بمانشستر خخخخ
الله يشفية ويعينة واتوقع اللي طلع فية هاذا خاروج دايم يطلع في اختي ولاتخافين ولا يضيق صدرك انشالله مافية الا العافية والله يطمنكم ويريح بالكم يارب
عقد الماس .... ياحبيلك والله
ام حصة ... مبروك زواج بنت عمك وعطينا اخر اخبار العرس والفنتكات خخخخ
شمالية .. ام هنا .. نوف .. ميشو .. نوني 111 ... دواين ... وكل اللي يطل على الموضوع وش اخباركم ؟؟؟؟

انا زواج بنت عمتي اليوووم

وعازمه بنات بيجون عندي عشان مااتخيلهم وتعرفون وش يتبع التخيلات
<<<<<ناويه تسوي فيلم هندي
اللله يوفق الجميع