مرحبا بنات انا صيفت سنتين في بريطانيا والأماكن اللي زرتها :

ليك دسترك خياليه مررررررررررررره لعشاق الطبيعه ورحت لها بالسياره لانه افضل حنا اذا رحنا هناك يستاجر زوجي سياره لاتفوتك يا شامه
بلاك بول روعه في الصيف تشوفين محلات الشوبس الصغيرررررررره مرصصه على بعض قدام الشاطئ ،،، فيه طبعا التور اللي في بلاك بول تطلعين له حلو المنظر من فوق وتحت التاور لايفوتكم السيرك مررررررررررره يوسع الصدر فيه بعد الملاهي الكبيره اللي في بلاك بول وقطارات الموت خياليه فيه اكبر قطار شفته مره يخرع ،،، وفيه بعد الألعاب المائيه هي مغلقه وكل شي في المويه زحاليق والعاب حلوه للمبزره بس يا حرام ماتنفع لنا المحجبات بس رهيبه للي عندها عيال
ملتن كينز مدينه شمال لندن حليوه ما عليها فيها مركز تسوق كبير وفيه مركز كله مطاعم وفيه جبل الثلج تخيلوا بانين جبل كبير من الثلج في مركز مغلق ويتزحلقون وداخل المركز فيه محلات شوبس صغيره وفيه بعد في هالمدينه او جنبها السفاري وهي حديقة حيوانات بالسياره مره حلوه
طبعا رحت لديرتك يا شامه مانشستر بس اروح عشان ترافورد سنتر ورحت للسينما اللي فيه
اما لندن ماعليها كلاااااااااااااااااااااام واتوقع الكل يعرف اماكن السياحه في لندن
واذا ذكرت شي برجع لكم
بس يا ليت تخدموني انا افكر اجي الصيف في لندن بس ودي هالمره اخذ كوخ في الريف ونسكن فيه مليت من فنادقهم وشققهم الحسرررررررررررره ولانا ماشالله كثرت العائله يا ليت تفيدوني
بارك الله فيكم

هلا بنات بريطانيا...

أنتم مثلي او لا أحس ان مدن بريطانيا تتشابه مافيها فرق كثير البيوت نفسها والشوارع التخطيط نفس الشي عشان كذا معاد صرت اهتم ازور مدنها ...زرت المدن الكبيره مثل جلاسكو..نيوكاسل..لندن..ليدز ..مانشستر..شيفيلد..يورك..ساوثهامبتون برايتون....الخ وماشفت شي

يستاهل اني اكرر الزياره لها

بس انا احب مدن الملاهي عشان عيالي وجبت لكم موقع لكل مدن الملاهي في بريطانيا..

http://www.themeparkcity.com/EURO_UK.htm

يله كل وحده تفتح الموقع وتشوف المدن اللي حولها وتروح لها..ولاتنسون ادعوا لي نخلص ونرجع بسرعه لاهلنا (تراني حايمة كبدي من بريطانيا واللي فيها)

السلام عليكم اخواتي
ارجو التقديم على الدراسات العليا في احدى الجامعات البرطانيا ارجو منكم المساعده في اعطائي الروابط التي تخدمني في هذا الغرض

joore

هلا وغلا ومسهلا نورتي الموضوع يعطيك العافية على هالمعلومات بصراحة شوقتيني اروح لبلاك بول
حمامة بر ..
يعطيك العافية .. الله يرجعكم سالمين غانمين يارب

ساندي82

انشاء الله البنات يفيدونك لاني ما اعرف بالجامعات بس ادخلي على هالرابط وانشالله بيفيدك
http://www.saudistudents.org/

السلام عليكم
شكلنا يا أخت شامه كلنا راح نهجهج خاصه وان الوقت بدأ يطول والقعده في البيت يضيق الصدر:( ما نصدق ان الويكند يجي علشان أدور مكان أروح له وأكثر هذه الاماكن الاسواق الله يكفانا شرها
توي رحت للآوت ليت اللي شمال ويلز وكان رائع وأسعاره خياليه يعني اللي قربت رجعتها لبلدها تبدأ من الحين المقاضي علشان ما تتراكم عليها معظم الماركات فيه ما يتفوت وله فروع كثيره أنا بعطيكم الموقع وانتوا شوفوا أقرب مدينه لكم وروحوا له
طبعا اللي في شمال ويلز أكبر واحد
وسلامي للجميع
http://www.mcarthurglen.com/cp_c10_york.asp?id=York