بنات بريطانيا تعرفون عجينة الفطاير

حياك الله اختي ام ملوكه

انا اشتري عجينه البف بستري من تسكو و تقدري تحشيها باي شئ تحبيه سواء مالح او حلو

ان شاء الله اول ما اشتريها انزلك صوره لها


واذا تبغي عجينه ناجحه 100 % ان شاء الله انا تحت امرك وما تاخذ وقت في التخمير ابدا
يعني اعجني احشي دخلي الفرن وبالعافيه>> انا مخذتها من المنتدى ومجربتها كثيييييييير

مشكورة اختي اذكري الله على الرد شلون ساير شكل عجينة البف باستري اللي بتسكو تكفين ,والحقيني بمقادير عجينتك بس تكفين ابي المقادير وبالذات الدقيق يكون بكاسة الجبن البوك خبرك اختك عليمية مع العلم اني استخدم دقيق تسكو العادي وانا اضيف الخميرة ,والله منحرجة من زوجي كل شوي اقول بسوي فطاير واذا خربت العجينة اقول هونت بس ولدي شيسكتة طول الوقت يصيح ويقول ابي بيتزاااااااا.
ناطرتكي يالغالية

هلا اختي ام ملوكا

هذا رابط لعجينة "شمس"الله يجزاها خيرر رائعه مررة وطريييه ومااسوي الا هي

المقدار 4 كاسات ان حبيتي حطي النص كاسين

ان شاءالله تضبط معك

http://forum.hawaaworld.com/showthread.php?t=21197

هلا ام ملوكه

بالنسبه للبيتزا جربي عجينتي الي كاتبتها في موضوع حرم الدكتور وان شاء الله تعجبك وتدعيلي >> والمقاس المستخدم كاس جبن البوك

***************


شوفي هذي العجينه حلوه وسريعه وتصلح لكل شئ

في الخلاط ضعي:

- بيالة زيت ..البيالة :يعني استكانة (فنجان) الشاي -
+ ثلاث ملاعق اكل حليب بودر
+ثلاث ملاعق سكر
+2 ملعقه خميره فوريه (بيكنج باودر)
+واحد كاس طحين (دقيق)

+1ونص كاس ماء ويفضل دافئ

هذا كله في الخلاط (أو يمكن ضربه بالمضرب الكهربائي) يخلط من 7 الى 10 دقائق وهنا السر يعني يجب من 7 دقائق وفوق وليس اقل
ثم اذا خلط طلعيه من الخلاط وضعي عليه 2 كاس دقيق واعجنيها حتى تتكون لك عجينة فطاير وفورا وبدون تخمير احشيها وادخليها بالفرن


هذي الطريقه تنقذني في اوقات الطوارئ لانها ما تحتاج تخمير بس اقلل كمية المويه شويه




انتي تستخدمي دقيق تسكو الي بكته لونه زهري وابيض اذا هو ممكن المويه كميتها كويسه لان الدقيق ثقيل شويه

بس صراحه انصحك بدقيق من البقالات التركيه راااااااااائع خفيف وابييييييض حتى بعد العجن تكون العجينه لونها ابيض وخفيفه بعكس دقيق تسكو
انا اشتري 5 كيلو ب 4 ونص باوند تقريبا



شوفي كمان هذي العجينه

أفضل عجينة للمعجنات والسينمون والخبز والساندويشات مثل المخابز الفخمة


المقادير:

3كاسات طحين (اي طحين ماتفرق اهم شي الطريقة ) -
1كاس حليب سائل -
ربع كاس سكر -
2ملعقة شاي خميرة -
ملعقة شاي بيكنغ بودرة -
ملعقة شاي ملح -
3ملاعق طعام زيت -
3ملاعق طعام زبادي (روب) .


الطريقة:

نضع الحليب+الزيت+الزبادي على النار حتى يسخن >>> يس انتبهي لا يفرط معاك اللبن تقدري تدفي الحليب والزيت وحطي بعد الكذا اللبن واطفي النار
نخلط 1 كاس طحين +الخميرة +السكر+الملح+البيكنغ بودرة جيدا ثم نضيف خليط الحليب ونخفقه بالخلاط الكهربائي تبع الكيك لمدة 12 دقيقة هذا مهم جدا ثم نطفي الخلاط ونضيف بقية الطحين بتدريج ونعجن حتى نحصل على عجينة لينة وتترك تتخمر لمدة ساعة ثم تستعمل لاي شي من المعجنات او السنيمون او الخبز او الساندويتش او التوست وبعد التشكيل تترك تتخمر لمدة ساعة او ساعتين وهذا نقطة اخرى مهم حتى تتضاعف وتصبح مثل القطنة ثم تخبز في فرن ساخن لمدة 10 دقائق

كمان هذي مجربتها وحلوه ماشاء الله


اتمنى تعجبك الوصفات

:39: مرحبا اختي ام ملوكه
انا اول مره اشارك في منتدى واللي شدني اكثر ان منتدى عالم حواء خاص بالمرأة فقررت ولاول مرة اني اشارك وفيد غيري من معلومات وخصوصن اللي في الغربة ....
بصراحه شدتني معاناتك بالعجينه لاني كنت اعاني مثلك لكن عندي طريقة عجينه حلوه ولا تحتاج لوقت وهذي العجينه هي عجينة السينمون موجوده في نفس المنتدى وكاتبتها الاخت
ام عزيزان وتصلح لاي شي غير السينمون مثل الفطائر او خلية النحل اوالبيتزا ولا تبي الا عشر دقائق فقط ...
وهذي هي المقادير:
( فنجال قهوة سكر ـ 2م ك خميرة ـ 2كأس دقيق ـ2كأس ماء دافئ ـ ذرةملح
تخلط هذي المقادير مع بعض وتترك لمدة 10 دقائق
بعدها يضاف إليها :
( 3 كاسات دقيق + نصف كأس زيت )
وتعجن جيدا وتشكلينها حسب الرغبة ..
ملاحظة : الدقيق المستعمل موجود بالتسكو اسمهHOVIS
Premium White
وانشاالله تضبط معك
وفيه طريقة ثانية لعجينة بس هذي يبيله ساعه تخمر تقريبا
المقادير:
2كأس دقيق+نصف فنجال شاهي زيت+1م ك خميرة+ربع ملعقة ك بكنج بودر+فنجال قهوة سكر+كأس ماء
تعجن المقادير مع بعض وتترك تخمر لمدة ساعة في مكان دافئ

وانشاالله تضبط معك كل الطريقتين بس بشرط اذا ضبطت اوما ضبطت تكفين ادعيلي ان ربي يسهل لي ولادتي وتكون عند أهلي بدال هالغربة اللي تضيق الخلق . :icon33:
تحياتي لك يام ملوكه وعلى القوة مع العجينه .............