حياكم الله جميع ..


ومشكورين كل من ساعدوني ,
وتراني كتبت رد طووووووووووويل عريض امس وبالاخير انمسح
ضاق صدري وقفلت الجهاز ,, اتصالنا حق النت مابعد يجي وعايشين
على رحمة ههالكفرة الي حوالينا الله يهدهم , طلعت لنا شبكة لاسلكية
تشبك شوي وتفصل ساعات طفشنا مرة ,,


الحمدلله اوضاعنا تمام بس للحين مالقينا ثلاجة وتلفزيون وجلسة
ياعالسرير جالسين او على الارض او على كرسي موجود بالشقة والله طفش ,,

رجليني صارت منفخة كأني حامل اعوذ بالله مدري وش السبب ...


بنات قبل امس رحنا الصبح بريمارك ,, ماشاء الله روووعة
بضاعته حلوة واسعاره معقولة ,, حتى الجنزات والله بالهرم على 70 ريال وفوق
وهم عندهم ماتتعدى 50 ريال وزينة بعد ماهي شينة ,,

الله يخلف علينا ,,


عموما انا شريت لي شباصات >> ماحبيت شباصاتهم بس شسوي مضطرة حقتي انكسرت
وشريت طوق مطاطي مرة حلو ,, والمشابك الي تجيك كبيرة الي تطقطق عندنا بالسعودية
بس صغار هالمرة لقيت كبار حجم عائلي اربع بباوند ..

وشريت جزمة للبرد بس احسها مو مريحة لو هي كاملة على الرجل افضل,,

وشريت لي شال صوف بس مو ثقيل مرة احطه فوق العباية البسه لبس بس المشكلة
لونه رمادي قهر لو هو اسود ياسلام ,,

اما ولدي حبة عيني مالقينا له شيء ,, كل الي عندهم للي عمرهم سنة وفوق ,,

مدري وين نحصل الافرول الي يجيك منفخ وكامل بقبوعه وقفازه وشرابه قبل يجي البرد


نسيت اقولكم ,, لقيت عندهم جاكيتات عجبتني بس مع الاسف اكبر مقاس 18 وانا
سمنانة مع الحمل والولادة ماحصلت ابد عشرين ؟؟ وين مقاساتهم الكبيرة ؟




وبسأل للمرة الثانية عن الطاحونة حقة القهوة فيه شيء زين هنا وصاحي وكبير افضل
من مولينكس البرتقالية ؟ ولا اطلب اهلي يشحنون لي واحدة ابرك ؟ ترى الشحن
بيتحرك هاليومين ان شاء الله تكفون افزعوووا لي

ياعمري شمالية ,,


للحين ماتعرفت على احد بس فيه اجتماع للمسلمين في المسجد
يوم الخميس اظن ,, ومحتارة اروح ولا لا .. ومدري وش البس ؟
هل تفسخون عباياتكم ولا تقعدون بها ؟ وولدي صياح مررررة وش اسوي
به وكيف اتعامل معه وشلون نتعرف على بعض ماني عارفة ,,
شايلة هم هالشيء ,,

هلا بنات بريطانيا الغاليات ولو اني زعلانة منكم:(

دخلت قبل كدة والله ولا ولا ولا وحدة عبرتني صرت خلاص اتابعكم بصمت:angry2:

لكن رجعت ومالي غنى عنكم لاني والله باستفيد منكم كتير الله يعطيكم العافية جميعاً


عاد عبروني دي المررررررررة لاني خلاص جايتكم رسمي من بنات البعثة الدفعة الرابعة

شمالية
ثقلت وبسسسسسسسس؟!
الله يعين بس هذا وانا توني بنص الثامن الله يعين ان شاءالله اولد بدري:09:

رهوفة
فيه الاوفر ال الشتوي فيه ازدا(جورج) وفيه في نكست اشكال تهبببببببل مره ومذركير

miss lids
افا عليك امري وتدللي بسس والله اكيد ما انتبهنا ولا كل وحده تقول انا ماعرف اكيد الي بعدي بتررد
بس ولا يهمك اسعلي وحياك الله معنا

هلا فيكم جميعا حبايبي

صار لي زمان ما كتبت معكم بس شو اعمل لاب توبي خرررف :(


اخباركم ان شاء الله منااااح


اخبارك ام هنو والحمد لله على السلامه حبابه

اخبار الحمل معاك والله قلبي معك حاسه فيك بس شكلك بتسبقيني بالولاده

انا لساتي داخله الثامن الله يهون علينا جميعا


وكنت بسألكم عن حاجه
احنا كلمنا النيرسري لبنوتي وقالوا لنا يحق لها 15 ساعه بالاسبوع وممكن اضيف عليها من حسابي
قالوا فيه حضانه وفيه تعليم مبكر طبعا احنا نبي التعليم المبكر

ادا فيه احد عنده خلفيه ينورني


وكمان ابي اسأل عن الخدامات العربيات اللي يجون للبيت بالساعات ادا احد يعرف ارقام ياليت يرسل لي


شو شو كمان ادا تدكرت اسئله برجع لكم مالي غنى عنكم