صباح الورد ياحبايب ,,



ودي اسألكم يا أمهات ,,


ولدي مهبل فيني ماينام الا اذا هزيته لين يقول امين ,, والله تعبت
مرة ظهري تعبان من عقب الولادة ودي ارتاح , احيانا حتى لو مافيه
نوم يبيني اهزه ولا اسولف عليه ,, والله الحين اكتب لكم وحاطته
بعربيته واهزهزه مليت ,, وبعدين اذا طولت عليه وماعطيته وجه
ويبي ينام يقعد يصيح ويصيح لين ينبح حلقه واحسه بدا شوي شوي
يخف الصوت اروح له الاقيه يغمض عيونه ويفتح شوي ويبكي ويرجع ينام
مدري وش الحل معه وليش يبكي اذا جاء ينام ؟


بعدين لما يكون نايم الاحظ كم مرة انه يفزفز يعني كأنه خايف كأن احد
مخوفه ويقعد يشاهق كأنه يحلم ويبوز ويبكي يووون بس بدون دموع
وصدره ينتفض بقوووة كأنه مشبوك على 220 واقعد اسمي عليه
واحاول اصحيه ومستمر في حلمه ويووون وبالاخير يقوم يبكي بكاء
مرير مدري ليش ..


مع انا مانخوفه ولا نضحكه كثير لأن الضحك مو زين للطفل
اصلا باقي مايضحك بس يبتسم ..

كل الاطفال كذا اذا ناموا يجيبهم خوف واحلام مرعبة ولا شلون ؟

بنات ليش الموضوع بااااااااارد ,,,


خلونا ننزل صور ونستانس تكفون والله طفشانة مررررة



هذي صورة من الشباك قبل كم يوم ,, بعد المطر ,,




هذي صورة مطبخي ثاني يوم لنا بالبيت صورته بعده فاضي اما الحين
الدولاب عليه خلاط وفلتر وخرابيط واجده :35:





استروا ماواجهتوووااا




يالله تفاعلوا تكفووون

هيه رهوفة عندك زي المنظف اللي عندي<< هذا اللي شافته من كل المطبخ
انتبهي على يدك منه بس تراه حرق يدي قوي مرة
وولدك جيبيه عندي امسكه الجادة يبيله فركة اذن ويتسنع
اقول رهوفة اذا صار الجو بكرة زين بنزل للداون تاون يصلح احط ولدي عندك:22: عشان ولدي يأدب ولدك؟؟ الا صحيح شغلي عنده قران طول الوقت مريح جدا انا كذا كنت اسوي من ولدي ومازلت كل مانام شغلت عنده سورة البقرة والا جزء عم منها يرتاح ومنها سبحان الله يرسخ بالدماغ بعدين تلقينه حفظها بسرعة اذا بدا يتكلم،،
وبجي لهوف بعد بكرة بنشتري لحمة ودجاج عندكم محل تحفة مافي لحمته ريحة
اما القهوة بالقدر:eek:
ايه على فكرة طاح فيسي احسب اني اسومة ههههههههههههههههههههههههههه مهوية صدق
انا ع المسنجر رهف الان انتظرك اذا فاضية
____________________________________________________________
حبيبة متى بترجعين وبترجعين لبرايتون والا غير مدينة،،خبرك برايتون ادفى مدينة لاتبعدون عنها،،(ادور على مصالحي)

هلا رهوفه بالنسبه لولدك شكل انتي الي عودتيه على الهزهزه ..
اما الاحلام وفزته غريبه .. اذا كنتي تحصنينه قبل ما ينام وتقرين ورده ..
وصادقه اسماء انا كنت اشغل له قران وهو صغير والحمد لله يرتاح في نومته .
بالنسبه لرجعتي يا اسماء مدري .. يمكن نغير المدينة .. للمدينة الي بيدرس فيها زوجي الماستر ..
لانه حاليا باقي له شهرين الى 3 في برايتون .

هذي صور بيتي سابقا في برايتون :
الصورة الاولى من شباك غرفه النوم
والثانيه مطبخي

مطبخك يارهوفه ذكرني بمطبخ واحده من البنات ..
لا تصيرون بس انتم الي اخذتم شقتهم مابعد ما رجعوا ..:)
الي قبلكم كانوا سعوديين ؟