رهوفة :

ام ابراهيم الله يفرج عليكم وتلاقون سكن مناسب مثل ماتحبون واحسن .. بنات الله يجزاكم خير ويعافيكم ,, على دعواتكم ومساعدتكم امس ضغط زوجي في العداد في المطبخ شيء كبير مثل الثلاجة الصغيرة فيها ازرار ومكتوب عليها بريتيش قاز المهم انه ضغط وشوي والحمدلله بدت اصوات موية تطلع وتسخنت الدفايات ودفينا وفرحنا مرة وتونا بننام الله لا يوريكم الا نحس ببرد المشكلة اننا نايمين بدون بطاينات ولا مخدات ولا شيء على الارض اللهم شرشف جايبته معي للسرير لو شرينا :( ونمنا عليه والبرد يقرصنا لقينا الدفايات طفيت من حالها والموية الحارة معد تشتغل ماتتخيلون شلون مرت علينا ليلة امس والله ليلة مانتمناها لمسلم ,, الله لا يوريكم برررررررررررد فضيع والله اني اتنافض خفت على نفسي وزوجي وولدي شيء مو طبيعي درجة الحرارة برا 7 - والمشكلة ملابسنا مو ذاك الثقل لبسنا الي بالشنطة كله ومع ذلك نتنافض ولا نمنا وصاحب النت الي كان مشغله طفاه امس ونام نامت عليه طوفة اذا كان كافر .. وانتظر الصبح يطلع عشان الشمس تطلع وندفى شوي وطلع الصبح ومافيه شمس ياربي لك الحمد على كل حال ,, نبغى نكلم صاحبة البيت نقولها على هالمشكلة ندق عليها ماترد يامال البلا الي ياخذها والله الفرش حق البيت يجيب البلا توقعناها غيرته تقول بنظفه تدرون وش سوت ؟ كنست الاماكن الي وسط الغفر اما الزوايا والاطراف مليانة وسخ الله يرحمنا برحمته والله ضايق صدري مرة ,, راح زوجي يدور لنا بطانية ومخدة ودفاية مابنقعد بهالبرد كذا ,, ودي ارجع السعودية خلاص مليت ,, مافيه احد حولنا يساعد الله اكبر عليهم الي هنا ,,حقققققققققد وحسسسسسسسسد اعوذ بالله واسوني يابنات ,, على فكرة بصور لكم هالجهاز الي بالمطبخ وقولوا لي الي عندها مثله تعلمني كيف نشغل الدفايات بشكل دائم ,,, وهذي صورة غسالتي الي سألت عنها الظاهر احاسيس يارب تكون مثل غسالتك تعلميني عليها عجزت افهم عليها تقعد ساعتين او ساعة ونص عشان تغسل والمشكلة ماتعبي موية كثير اشوف مويتها شوي يعني الملابس ماظنتي بتنظف ,, الظاهر كل الغسالات الي تعبأ من الامام كذا ,, الله يرضى على غسالتي في الرياض

ام ابراهيم الله يفرج عليكم وتلاقون سكن مناسب مثل ماتحبون واحسن .. بنات الله يجزاكم خير...

لعبة الكريستال :

اهلين بنات... اخباركم؟؟واخبار الغربة معاكم؟؟ رجعت قبل امس من السعودية رحت اتعيد هناك... مليت من بورمث:44: ومليت من الغربة:icon33: اخباركم مع البرد؟؟؟ جايبة فروة معي ههههههههههه:42: بسالكم بنات هل فية اجتماع بالمسجد ببورمث؟؟؟ابغى اتعرف على احد مليت...

اهلين بنات... اخباركم؟؟واخبار الغربة معاكم؟؟ رجعت قبل امس من السعودية رحت اتعيد هناك... مليت...