أهلين يابنات والله إنى بطيئه بالكتابة عشان كذا ازمل عند الكتابة ودى اعلمكم عن مغامراتى بلندن انا وبناتى فعلا مثيرة لا يمكن ننساها أحيانا الحساير ذكراها جدا ممتعة .رحلة لندن غير كل الرحلات بالعادة معنا ابونا يضبط الامور وكل شى لازم غالي وزين وانظمة بالسكن والنوم والاكل ومواعيد الخروج والدخول والمواصلات لازم التاكسى اذا وصل عند الهوتيل تطلعون بنظام والرحلة يقول علمونى قبل بيومين حتى تكون مريحة ومنظمه وخر عن طريقنا.لكن رحلتنا هذى فيها من الحوسة اللين قلنا بس لان طويل العمر مهوب معنا .عندكم 3قصص لا يمكن ننساها (الكلب)و(المطار)(وأوستن)طبعاأسرتنا عبارة عن حضرتى وبنتين وولدين …..البنات أم18 وأم14 والعيال ابو12 وابو8 زين الولد الكبير دخل معسكر داخلي اعمينا ديار الوليد لا يعلم ابوه بخمالنا .والصغير طبي طبك العافيه يدربي راسة مايدرى عن شى حطيه عند السونى وانسيه يومين .بقا البنات وانا اصحاب المغامرات .
1-قصتي مع الكلب والسوداني وش تقول………
طبعا احنا جلسنا ببرايتون اسبوعين وملينا قلنا بس نبى نروح للندن وندور سكن خاصة ان اللي وعدتنا تاجرنا بيتها بلندن غيرت رايها لقت مبلغ اكثر وجحدتنا. قلت للبنت الكبيرة
خلينا نرو الصبح بدرى للندن نستأجر بيت وندفع عربون ونرجع والباقين نايمين لا يدرون
كنت اتعرفت على سودانى مره كويس بلندن وعنده تاكسي اتصلت عليه اساله عن شقة مرتبة وموقعها حلو قال عندى وين القاكم عشان تروحون تشوفونها تواعدنا بنفس الحديقة اللى شفته اول مرة فيها,اخذنا العفش الزايد من شقة برايتون وتوجهنا للحديقة اتصلنا عليه وجاء فرحان بالرزق وما يدري وش يبى يجيه من غثا.الضعيف يوم شافنا انا وبنتى وقف وقال عنكم عنكم انا اشيل الشنط استريحو فتح شنطة السيارة وبدا يركب الشنط كان جسمه نحيف وقليل مرة وماهو طويل يعنى بالفصيح خفيف مره ولابس بدلة الظاهر مقاسها لارج راهية مرة ومشخص بالكرفته ومتظبط الرجال مايحتاج تقولين رايح يخطب بس كان جدا مؤدب وشايفنى على عباية سوداء ومتلثمة بطرحه لونها بنى ببيج مبقعة كنى قطوة وبنتى متحجبة صــــــــــــــــــــــــــــــدفة الله لايعيدها من صدفه جانا ذاك الكلب اللي تحلفين ان احد قايله رح لذيك القطوة لاتعداها ابد جاء منطلق علي انا وترك بنتى والسودانى واشمخ على يبى راسى وانا ما اطيق الكلابة واخاف منهم طبعا كنت جنب السيارةيوم صرخت ابفتح باب السيارة مقفلة جاء الرجال بزعمه يحمينى من الكلب وقف قدامى بيبعد الكلب انا ماابغا المس الكلب ولا ابغا المس الرجال وش سويت مسكت الجكيت من خلف الرجال عاد كبير وراهي بأقوى ماعندي الى جا الكلب على يمين الرجال يدورنى مسكت الجكيتوحيل دزيت الضعيف يمين والى راح الكلب يسار لفيت الجكيت يسار اللين ابترم راس السودانى وانا يمين يسار وعاد خفيف اشيل واحط بالسودانى وهو يقول هوا فاكرك تلعبي معاه اهدائى شكلة ضايع وانا قول ابن الكلب مالقا الا انا وأنا ماأحس بنفسى خليت السودانى درع يبغانى مسكين اطلق الجكيت عشان يوديه وانا اشيل واصبخ من حر ما بقلبي يوم اطلقت السودانى لحقنى الكلب يبى راسي ماادري وش الحكمه واركض حولين السيارة واقول افتح السيارة وهو مبترم راسه وعيونه تدور عجز يطلع المفتاح وكل ماقال أهدئى لا تركضى يلعب معاكى قلت هـــووووــــــو اسكت له يشامخ علي والله عـما مايدري وش اقول وتوي ابحط ايدى على راسى افك الغلاله المنقطة يمكن السر بجلد القطو الاهو يفتح السيارة ويقول اركبي وهذى بنتى مغشى عليها جنب السيارة احسب بنيتى خايفة علي توي عاد ابزعق بلا ستر بلا حيا جانا عاد العلم اللى ماينصبر عليه واثار البنت تضحك مغشية ومبوبزة عند السيارة ومرطبه(شاخة)من الضحك قلت اقول اركبى عجلى مهوب وقته فتحت باب السياره وطاحت تشوفين الدموع تقولين ترغى غرقانه وتقول ماما ما اصدق وش سويتى بالرجال وتضحك لانها كانت قدام السودانى وتشوفه يروح ويجي ويرقا وينزل تقل اله مشبوك على كهرب 220 ……..وانا اقول اص تراه يفهم والرجال قدام دايخ ما يدري هي تبكى والا تضحك .وتقول ياربيه ياليتى جبت الكميرا ياماما الموقف خطير وانا اضحك بس مع روعه يوم هدينا نطق السودانى الظاهر توه يفوق من الصدمه قال يالله ضحكنا بنتك شويه خليناها تنبسط ومايدري ان السيارة الملمعة ترطبت وتقول وش اسوى ياما ما قلت سواة الله الشكوى على الله .رحنا وشفنا الشقه وانا مع الفشيله قلت بقلبى الله يذكرك بالخير يالغطوة كنا نتغطى ولا يدرا وش تحت هالغطاء ماحد يشوفك ولا يعرفك وهذا كل ما شافني ذكر البلاوى .ودى الارض تنشق وتبلعنى والله مادري وش شكلها ولا وين مكانها على طول قلت زينة خذ الفلوس بس وتوكل على الله .رجعنا لديرتنا وطول الوقت بالقطار نضحك وبنتى مسخسخة الناس تفرج عليها تقل مهبوله تضحك لحالهاوانا اقول يسد أص أص مره اضحك ومره الغاها.وسلامتــــــــــــــــــــــــــــــــــكم
أهلين يابنات والله إنى بطيئه بالكتابة عشان كذا ازمل عند الكتابة ودى اعلمكم عن مغامراتى بلندن انا...
1-قصتي مع الكلب والسوداني وش تقول………
طبعا احنا جلسنا ببرايتون اسبوعين وملينا قلنا بس نبى نروح للندن وندور سكن خاصة ان اللي وعدتنا تاجرنا بيتها بلندن غيرت رايها لقت مبلغ اكثر وجحدتنا. قلت للبنت الكبيرة
خلينا نرو الصبح بدرى للندن نستأجر بيت وندفع عربون ونرجع والباقين نايمين لا يدرون
كنت اتعرفت على سودانى مره كويس بلندن وعنده تاكسي اتصلت عليه اساله عن شقة مرتبة وموقعها حلو قال عندى وين القاكم عشان تروحون تشوفونها تواعدنا بنفس الحديقة اللى شفته اول مرة فيها,اخذنا العفش الزايد من شقة برايتون وتوجهنا للحديقة اتصلنا عليه وجاء فرحان بالرزق وما يدري وش يبى يجيه من غثا.الضعيف يوم شافنا انا وبنتى وقف وقال عنكم عنكم انا اشيل الشنط استريحو فتح شنطة السيارة وبدا يركب الشنط كان جسمه نحيف وقليل مرة وماهو طويل يعنى بالفصيح خفيف مره ولابس بدلة الظاهر مقاسها لارج راهية مرة ومشخص بالكرفته ومتظبط الرجال مايحتاج تقولين رايح يخطب بس كان جدا مؤدب وشايفنى على عباية سوداء ومتلثمة بطرحه لونها بنى ببيج مبقعة كنى قطوة وبنتى متحجبة صــــــــــــــــــــــــــــــدفة الله لايعيدها من صدفه جانا ذاك الكلب اللي تحلفين ان احد قايله رح لذيك القطوة لاتعداها ابد جاء منطلق علي انا وترك بنتى والسودانى واشمخ على يبى راسى وانا ما اطيق الكلابة واخاف منهم طبعا كنت جنب السيارةيوم صرخت ابفتح باب السيارة مقفلة جاء الرجال بزعمه يحمينى من الكلب وقف قدامى بيبعد الكلب انا ماابغا المس الكلب ولا ابغا المس الرجال وش سويت مسكت الجكيت من خلف الرجال عاد كبير وراهي بأقوى ماعندي الى جا الكلب على يمين الرجال يدورنى مسكت الجكيتوحيل دزيت الضعيف يمين والى راح الكلب يسار لفيت الجكيت يسار اللين ابترم راس السودانى وانا يمين يسار وعاد خفيف اشيل واحط بالسودانى وهو يقول هوا فاكرك تلعبي معاه اهدائى شكلة ضايع وانا قول ابن الكلب مالقا الا انا وأنا ماأحس بنفسى خليت السودانى درع يبغانى مسكين اطلق الجكيت عشان يوديه وانا اشيل واصبخ من حر ما بقلبي يوم اطلقت السودانى لحقنى الكلب يبى راسي ماادري وش الحكمه واركض حولين السيارة واقول افتح السيارة وهو مبترم راسه وعيونه تدور عجز يطلع المفتاح وكل ماقال أهدئى لا تركضى يلعب معاكى قلت هـــووووــــــو اسكت له يشامخ علي والله عـما مايدري وش اقول وتوي ابحط ايدى على راسى افك الغلاله المنقطة يمكن السر بجلد القطو الاهو يفتح السيارة ويقول اركبي وهذى بنتى مغشى عليها جنب السيارة احسب بنيتى خايفة علي توي عاد ابزعق بلا ستر بلا حيا جانا عاد العلم اللى ماينصبر عليه واثار البنت تضحك مغشية ومبوبزة عند السيارة ومرطبه(شاخة)من الضحك قلت اقول اركبى عجلى مهوب وقته فتحت باب السياره وطاحت تشوفين الدموع تقولين ترغى غرقانه وتقول ماما ما اصدق وش سويتى بالرجال وتضحك لانها كانت قدام السودانى وتشوفه يروح ويجي ويرقا وينزل تقل اله مشبوك على كهرب 220 ……..وانا اقول اص تراه يفهم والرجال قدام دايخ ما يدري هي تبكى والا تضحك .وتقول ياربيه ياليتى جبت الكميرا ياماما الموقف خطير وانا اضحك بس مع روعه يوم هدينا نطق السودانى الظاهر توه يفوق من الصدمه قال يالله ضحكنا بنتك شويه خليناها تنبسط ومايدري ان السيارة الملمعة ترطبت وتقول وش اسوى ياما ما قلت سواة الله الشكوى على الله .رحنا وشفنا الشقه وانا مع الفشيله قلت بقلبى الله يذكرك بالخير يالغطوة كنا نتغطى ولا يدرا وش تحت هالغطاء ماحد يشوفك ولا يعرفك وهذا كل ما شافني ذكر البلاوى .ودى الارض تنشق وتبلعنى والله مادري وش شكلها ولا وين مكانها على طول قلت زينة خذ الفلوس بس وتوكل على الله .رجعنا لديرتنا وطول الوقت بالقطار نضحك وبنتى مسخسخة الناس تفرج عليها تقل مهبوله تضحك لحالهاوانا اقول يسد أص أص مره اضحك ومره الغاها.وسلامتــــــــــــــــــــــــــــــــــكم