اهلين ام همام

ان شاء الله انبسطتي :)


كوكيز

اي يا قلبي وصلني
الله يعطبك العافية :26:

شكرا ري م شكرا شمرية جعلكم سالمين والباقين اجمعين .الشهر علينا وعليكم مبارك الله يجعلنا من صوامه وقوامه.عــــــــــــــــــــــــــــــدنا
قصتنا عند مغادرة لندن في مطار هيثرو...........
طبعا أختكم المال المبارك حريصة مرة يعنى قبل الرحلة باربع ساعات على الاقل تصير مشخصة بالمطار وصافة فراختها بجنبها سواء مسافرة او راجعة.........رحلتنا على خطوط الاتحاد الاقلاع الساعة 9.20 شبيت على التاكسى يجى الساعة 6 رفض وقالي بدري الرحلة ماتفتح الا قبل ساعتين قلت امرنا لله أنت ابخص
وانا شارطة علية يجلس معنا الين ننهى كل اجراءات السفر .لمن وصلنا المطار كانت الساعة 7.45العفش كان كثير ومعنا فواتير التاكس والطابور طويل المهم وصلنا التفتيش الساعة 8.45
معنا شنطة كبيرة مليانة مشترواتنا القيمة ساعات وشنط وجزم ماركات وهيك شغلات المهم ان بنتى اشترت جل للشعر من الصيدلية وانا مادرى وحطتة فى الشنطه طبعا حجزو الشنطة للتفتيش والشنطه الثانية كلها العاب للولد الصغير بات مان وخرابيط ماهنا لعبة الاضفها وليدى وعبا الشنطة وقال ابلعبهن بالطيارة .وعلى اخر لحظة حط قارورة الموية بعد بدون علمى وحجزو الشنطة الثانية .جينا عند التفتيش والاقلاع بعد ثلث ساعة تخيلو ....ا للي تفتش كل ماطلعت لعبة قالت للولد هذى لمين وهو يقول فور مى فرحان وانا اتواقد والشنطة مليانة عيت تقضى اخاف اقولها الوقت وصل تنيجس علينا خاصة وانى طاقة العبات واللطمة .يوم بدت بالشنطة الثانية الا خلاص طق ضغطى واذانى قامت توش وش وماعاد اشوف الا غبار من المغثة تعوذت من الشيطان وقلت ابجزم واقولها وهي بعالم اخر تفرج على البضاعة وتفتح العلب مابقا الا تقوس الساعات والشناط وتسولف العمة موسعة الصدر قلت لوسمحتى موعد الرحلة وصل استعجلى ماجابت خبر الين لقت الجل وقعدت تقرا مكوناتة وقالت ابا خذ عينة وخربطت علينا يوم راحت تكشف عليه وكبتة بالزبالة.ضفينا عفشنا بسرعه وعفجنا قشنا وانطلقنا وكانت الساعة 9.15وتعالو اسمعوا عند الجهاز اللى تمررين عليه الجزم وش صار.يوم فصخنا جزمناكلنا ودخلت الجهاز سأل الموظف الملقوف بنتى الكبيرة باى رحلة انتم قالت بالاتحاد قالها مارح تلحقون عليها هو قال والا ماقال طارت طباقة راسى ونسيت عيالى تقولين يوم الحشر أخذت نعيلاتى بيدياتى وانطلقت اركض حافية وعيالى لقطو نعالهم مثلي ويركضون مايدرون وش السالفة واقول اسرعوا يقولون وراه أقول بس ووليدى الصغير خلا شنطة الالعاب اللى احولت عيونة والمرة تفتش يخاف تاخذ منهن شى . ولاعاد سألت انا عن شنط ولا اللاب توب ولاغيرة ابلحق على الرحلة حسبى الله عليهم قمنا نركض والطريق طويل حافين وكل ماقعد احد الجزمه يبى يلبس قلت شل نعالك مايمدينا.. يوم تلفت يمين شمال اعد عيالى ايلاهم ثلاثة وانا خابرتهم اربعه يوم خلاص تخوبلت قلت للبنت الكبيرة اسبقينا وشوفي الاوضاع رجعت ادور البنت الصغيرة صارت هى المفقودة والمشكلة انها ماتعرف شى لا البوابة كم ولا الخطوط وشى بعد عالم اخر هالبنت قمت اركض بس هلمره على ورا وتركت العيال مساكين مايدرون يروحون قدام ولا ورا يفحطون .يوم وصلت اللى ماسكين لوحات الاتحاد ويحرجون على خمسة ركاب مفقودين ماركبو الطيارة وشافو غلالتى عرفوا السالفة قالو انتى بالاتحاد قلت اية بنتى ضايعة قالو اوصفي شكلها عشان نبلغ عنها مع السرعة قلت غلاله مثلى بس منقطع نفسي من الجلد عرفوا على طول قالو شفناها راحت من هنا يقصدون الطيارة قلت فيه بعد الفردة الثانية قالو روحى الطيارة وحنا نجيبها قلت ماطارت قالو لا قاعدين ينتظرونكم رجعت اركض مرة ثانية الظاهر ذاك اليوم نزلت 5كيلو من شويطات ام اسماعيل .وعيالى الصغار يلهثون وجزمهم تسحب وراهم ياحياتى مايدرون وش اللى صاير رحنا للطيارة متأخرين ووقفونا ينتظرون المفقودة الا جانا الخبر انهم لقوها اخذو البوردنق حقها وقالولنا ادخلو الطيارة يوم ركبنا الى الناس تفرج علينا الطيارة مظلمة ورابطين الاحزمة ومستعدين .. جت البنت مرتاعة مأدرى اسمى عليها ولا اصارخ ماتمنيت ذاك الساعة الا عصفر يهدى روعتى يوم قلت لها وينك قالت يوم اخذتو نعاكم وتراكضتو مادرى وش القصة قلت اجلس اربط جزمتى والحقكم الا هذي شنطة الالعاب على الكرسى رجعت اخذها دورتكم ماعاد لكم اثر ماعرفت اتصرف شفت خليجيين يمشون قلت اكيد معنا ولحقتهم وبعدين يوم سألتهم انتم رايحين ابو ظبى قالو لا قلت انا ضايعة ومادري وين اهلي سألو عن البوابة ودلونى .قمت طلعت اذنى من ورا الحجاب وقلت هاه حلقن على اذنى ما اطلع الا بابوكم غير هالمرة التوبة .بس تبون الحق أحلى رحلة مليانة مواقف .

اقول ياريم يسرع حمال البطاطس ماشاء الله .متى حملت بطاطسه عشان تولد:icon28:وحده قاطة

هلا حريم وش اخباركم
بنات التسكو :06: يقول واحد بريطاني مسلم لزوجي انه يدعم الجيش الاسرائيلي يا خسارته كنت احبه بس الحين قاطعته :angry2:

بطاطسه مهروسه :ماولدتي الله بس يعينك ويهون عليك ويسهل لك وتقومين باالسلامه يارب.. وكل وحدة حامل.
ر ي م

:(:( عقبالك بس متى حملت الله يجزاك خير

هلا والله حيا الله من جانا
ايه كيذا وسعتي صدورنا
يحليلك
والله جلست اضحك من قلبي وانا اقراء قصتكم
بس تخيلتكم تراكضون هههههههههههه خخخخخخخخخخخخخخ هاهاهاهاهاها هيهيهيهي خلاص تعبت
الا تعالي انا اقصد بطاطسه مهروسه هي على وشك ولاده والله شككتيني.
ترا باقي قصه .... لاتنسين انتي قلتي عندي ثلاث:السوداني والمطار والثالثه مدري نسيت .
يعطيك الف عافيه.