هي حووووووول الرياض بس مدري وين

موقع شقراء عاصمة اقليم الوشم

تقع عاصمة اقليم الوشم مدينة شقراء في وسط المملكة العربية السعودية تقريباً عند تقاطع خطوط العرض 15 - 25 شمالاً وخطوط الطول 15 - 45 شرقاً.
حيث تبعد عن المنطقة الغربية بحوالي 700 كم وكذلك بنفس المسافة عن المنطقة الشرقية.
كما أنها تبعد عن مدينة الرياض حوالي 180 كلم وبهذا الموقع المتوسط في المملكة أكسبها مكانة تجارية وعلمية، إضافة إلى موقعها على طريق الرياض الطائف باتجاه الأماكن المقدسة حيث كانت محطاً للزوار والمعتمرين وكذلك الحجاج من مختلف مناطق المملكة وخصوصا دول الخليج العربي حيث تقع مدينة شقراء على طريق الكويت مروراً بحفر الباطن والمجمعة ثم إلى شقراء.

" أمــثــال شــقــراويــة "

× طاب خواكم وزان ملفاكم.
× مايجيش قدير الحليب وعنده شقراوي.
× لاتقوم من مكانك وعندك شقراوي.
× لولا البقرا مارحت أقرا عند مطيويع أهل شقرا.
× جفرة طاحوس ماطاح فيها ماظهر.
× من وفا مع الناس شاركهم في حلالهم.
× قال حك العلم قال أخاف احكِّه يقاوع.
× إنطق ياجربوع .
× كل كِرْهْ واشرب كره ولاتعاشر كره.

" قيــل في شقــراء "

وجدي على اللي فــــات طقَّ الملاحيق .. وافكــارها لـلـمســتـحــيـل ارمعلِّـــي
سلام ياجوٍ عليك القدم سيـــق .. فيك المنازل شوفها وجعتلِّــــي
ياذكريات أهل القلوب المشافيـــق .. منك الجروح اللي لحالي تِسلِّــي
المزمنة بين الضلوع المغاليـــق .. منها فؤادي والجوارح شكــلِّــــي
هذا محل البيت قبل التفاريـــق .. بيت الشَعَرْ من مجلسة مانِمِــلِّــي
فيه الدلال اللي سوات الغرانيــق .. هذي تفوح وذي لجارك تْزَلِّـــي
وجارك يجيلك بالمساء والمشاريــق .. وأنته لجارك بالمحبَّة تهـــلِّــي
عليه ونَّاتـي تِحِشّ المعاليــــق .. وعبرات عيني من خنيني تِهِــلِّـــي
وعليه شوقي شقَّقْ الجوف تشقيــــق .. والقلـب من بين الضلوع متخــلِّــي
وحالي كما غصنٍ نبت فالصعافيــــق .. من وين ماتذرى الهبايب يولِّـــي
تلعب به الأرياح غربٍ وتشريــــق .. من فوق حيلٍ تلَّت الغصن تلِّـــي
وش عاد لو أطلع بشمّ الشواهيـــق .. وأصيح صيحت من تعثَّر وخِلِّـــي
ذا قول من باله بعيد المراميــق .. وعينه نظرها للنجوم امتعلِّــــي
في جود دارٍ جيت به ساعة الضيــق .. وأخطر فؤادٍ شلَّه الشوق شلِّـي
ديرة هل الطولة رجالٍ مطاليـــق .. روس الرجال اللي شجرهم يِظلِّــي
ثقال العقول وفالمواقف مطافيق .. طنَّايةٍ رجَّالهم مايِــذلِّــــي
يفرح بهم يوم القسى يابس الريــق .. وعلى القصِيْرْ أقدامهم ماتِزلِّــي
ودِّي لهم مثل العهد بالمواثيــق .. وشوقي عل رجمٍ عليهم يِطلِّــي


" كلمــات شــقــراويــه "

طـَـرْمـَه : فتحة في جدار السقف بارزة للخارج (للشارع)مغطاة لمعرفة الطارق
بنات ورقان : كناية عن الكذب
مَـا فيه توفيه : أي مافية زود يميزه عن غيرة ـ وتقولها المرأة
مْـغـَلـْدم : غضبان ولا يتكلم
شـَـالوْع : دعاء تقولة المرأة اذا لم يعجبها الشئ
حِـِزشْ : كلمه تقولها المرأة للأستهزاء عندما تسمع شئيا كانت تتوقع عدم حدوثة
جَـِزرْ : دعوة بالموت على الصغار
هيش ، هو نحد : نداء من الزوج لزوجته
يالابو : نداء من الزوجه لزوجها
ماش : تقال عند اليأس من تحقيق المطلوب
هقوه : ظن وتوقع
طس : تقال عند الغضب وتعنى أذهب بعيدا
صنان : رائحة كريهه تخرج من الابطين و الرقبة والكتفين
انكس : إرجع <-- ( لاتحتك يالزيرو )
هاك : خذ
دنق أو طمن : أي طأطئ رأسك
صخيفه : ليست عريضة

شماليه وام حنان2
الف الف الف شكر لكم والله يقدركم وشكرااااااااااااااااااااااااااا
الله لايحرمنا منكم^^ وقريبا باذن الله اسئلتي

وتين نت


أحلى ياشقراويـــــــــــــــــــــــــــــه :)


والله حلو عرفت موقعه ماشاءالله قريبه من الرياض



هيش ، هو نحد : نداء من الزوج لزوجته :42:

والله لكم كلمات خاصه ؟؟؟؟ بعضها عندنا والبعض لا والله
:
لاتقوم من مكانك وعندك شقراوي

ليه وش يعني مايقوم يعني هل الشقراوي حرك وقرم ولا وش ؟؟؟؟؟؟

فهمينا الامثله يالله :)