بالنسبة للبف باستري يارورو
فيه في ازدا وتيسكو يجي كرتون احمر طويل
تكون البف باستري زي الروله تفكينها وتقطعينها على كيفك ماتحتاج فرد ولاشي يعني زي السعوديه
بعد فيه قوالب من البف باستري بمقاسين كبيره وصغيره تدخلينها الفرن مباشرة ماتحتاج لافرد ولاتقطيع مره سهله وتجنن وتفك ازمة

ودي احط صورتها بس للاسف مااعرف انزل صور
عقبال مااتعلم واوريك صورتها

قولي مين هي والله شوقتينا قلبي في الرياض
والبنات البقايات ليه مايدخلو ام همام و شامه عالخدود وايثارلي
يلا ادخولو نبي نسمع سواليفكم

خخخخخخ لا والله ما نمت ولا شيء بس كل يوم اطل من الشباك وشوف افتحوا الباب والا لا وهذي صورة باب المدرسة خخخخخخ شفوها

بريطانية الله يخذهم ما خلصوا من الحديقة الا الان وهذي صورتها
خخخخخخخ بصير مراقبة بس عشان شقتي رابع دور اشوف كل شيء حولي وانا جالسة بصالة

هاااااااااااااااااااااااااااااااااااااااي

وش اخباركم ؟

اه يالله من فضلك كني اشم ريحة شقرا

شمالية ... لاتقوم وجنبك شقراوي << يعني ترا اذا قمت بياخذ مكانك على طول هع هع هع
تلدد ... يعني تصدد
صاق علي .... عصب علي وقام يهوش
بس ترا الامثال اللي حاطتهم وتين قديمة من زمن الغابرين يعني نادر ماتلقين احد يقولها ؟؟؟
انا اروح لشقرا دايم اهل زوجي هناك يروحون كل بين فترة وفترة ونروح لهم
× لولا البقرا مارحت أقرا عند مطيويع أهل شقرا.<<< البقرا نوع من انواع العشب وهو على شكل اليد يجي مع الربيع ويحبون ياكلونة الاولين وهذا كان يروح للمطوع يدرس عشان ياكل البقرا
× هذي عييناتي يوم أدَيِّنك. هذا المثل يعجبني وقصتة ان واحد عطى شخص فلوس وراح يطالبة فيها يوم فتح الباب قال بسم الله من هالعيون قام رد علية هاذي عييناتي يوم ادينك هههههههههه



× مايجيش قدير الحليب وعنده شقراوي <<<< مايفيض القدر وعنده شقراوي
وشقرا تبعد ساعتين عن الرياض يعني 190 كيلو




القرب من بعض المخاليق يغنـــيك *** والقرب من بعض المخاليق فقـــرا

واللِّي عطا صاحبك بالخير يعطيك *** وإلى اهتوى يعطيك ميلان شقـــــرا

مالك ومالْ أعلامْ تبغي تعنِّيــــــك *** وإن كنت شاطر في معانيك تقـــرا

***************************************************************************

هاذي قصيدة واحد من اهل شقرا كان يحب وحدة اسمها سارة وخطبها من ابوها وعيا علية قام كتب فيها هالشعر وانتشرت بين الناس انه يحب سارة


ولّعتني بالهوى والحبّ ساره
………………..........دلّهتني عن غنادير البناتي
ياحسايف بنت بن سلوم ساره
………………..........عند ابوها تدّرج مثل المهاتي
ريق ساره مثل سكر في غضاره
………………..........أو حليب ابكار عرب مسمناتي
والثنايا قحويانٍ في زباره
………………..........زاهي نبته على كل النباتي
راس ساره ذيل شقراً وسط غاره
………………..........والجدايل بالرشوش مجدلاتي
ماذكر جارٍ ذبح بالحبّ جاره
………………..........بالمبيسم والثنايا المرهفاتي
حالفٍ بالله ما أنسى حبّ ساره *
………………..........كود أهل شقراء يخلون الصلاتي
لايمي يعطي حنيشٍ في خباره
………………..........سمّها يشظى العظام الصالباتي.


الشاعر / محمد بن فهاد القحطاني ( بن حصيص ) الله يرحمة كتب هالشعر وانحاش لعنيزة يخاف من الثار ههههههههههههههه

طبعا القصيدة كبيرة بس انها فيها بعض البيوت مخربها فيها الشاعر الله يصلحة :42:


يالله واي سؤال انا حاضرة