ا م هنو ور ى م تاصلون بالسلامة ان شاء الله :) تسلمين ياعمرى ياشمالية والله القلوب شواهد عشان خاطرك انتى وبطاطسة والباقين ابقولكم قصة الاندر قراوند.........أسلمى
بعد ماجينا من برايتون الى لندن قررت أقوم كل يوم بدرى وأطلع استكشف أماكن حلوه واتعرف على طريقها وارجع الظهر اخذ العيال ونروح اذا كان المكان يصلح لهم .قامت أختكم في الله من العجلة الظاهر ماغسلت وجهها لبست الغلاله واللطمة كالعادة وانطلقت وين تروحين يالمال وين تروحين جت على بالى بستر فليج .رحت لفكتوريا وصفيت طابور مع الناس وقصيت التكت بس قالت كلام كثير حوسة وابا على بالى مثل اشفيلد قص التكت واركب واوصل بيسر وسهولة اثر الشغله غير ...المهم قالو لى تروحين اول لاوستن وبعدين مارلبورن وبعدين مادرى وين الين تاصلين .جيت فاتنة وخر عن طريقى الجو كان حار والشمس قوية كنت حرانه ومضايقة وافكر عسا مايبتل هالحر طلعنا من حر وجينا حر. ونزلت للاندر قراوند وسألتهم تحت كيف اروح لاوستن علمونى وركبت القطار وكانت رابع محطة اوصل نزلت مع الناس عاد ابروح لمارلبورن قالو لي من محطة ثانية الله يبلشهم قلبو خريطة دماغي .ومادري الا العالم تفرقوا ماعاد فيه الا انا وقفت اهوجس يالله ان الشكوا لك وش السواة يالمال قلت تحزمى وكملى المشوار وانا امشى ابطلع فوق ادور خبر الا والله هالهندى معه صديقتة يتغزلون ببعض قلت هلا والله جاك يامهنا ماتمنى ماامدانى اقول اكسكيوزمى الا تطامرو يوم شافو الغلالة واللطمه قالو ارهابيه اكيد ابتبسم عشان مايخافون الا والله الخشة متغبيه قلت اصر ررررعيونى كنى اضحك كود يدلونى يوم اهبطو ,, قلت لهم السالفة قالو تعالى معنا وندلك المحطة الثانية يوم طلعنا برا المحطة الا والله الامطار والخضره والبرادات وين يوم اجى الشموس والحراير يالله من فضلك قلت بنفسى يازين هالديره ليش ما اجيب عيالي هنيا نتمشى ونتفرج بلا بستر فلج بلا وجع راس كل هالهواجيس وحنا بالمحطة الثانية وافكر اسألهم وش عندكم اسواق ومحلات زينة قلت مايحتاج اكيد ذى ديرة زينه سيماهم في وجوههم امطار وسنع ... اشرولى على المكان وقالولى روحى من هنا قلت اقووووول ابرجع للندن رجعونى لمحطتى الاولى هونت وكل متكلمو قلت ابرجع للندن وانشب بحلوقهم الا يوم تناظرو مادرى وشالسالفة احسبهم مستغربين ليش غيرت رايي ... يوسع وجهى بعد اخذونى ورجعونى وركبت القطار ورجعت لفكتوريا قلت هلحين وشلون ابدخل اذا حطيت الكرت دخل جوا وراحت دراهمى وبس .رحت للسيكيورتى اللى يوقف على الجنب وقلت انا مادليت وابرجع التذكرة ممكن قالي روحى لنفس اللي قصيتى منها التكت رحت والله ورجعت فليساتى باوند ينطح باوند .وجيتك طايره للبيت كنى جايبة خبر العيد دخلت على عيالى يالله يالله عندى لكم مكان يهبل تتمشون فية البسو عجلوا يالله يمدينا على بال مالبسو وتلحلحو الا والله العصر وصل يوم طلعنا قالت بنتى متأخرين ياماما خليه بكرى علشان نطلع بدرى قلت احسن عشان يمدينا نتهنا ونتمشى بالديرة كلها .رحنا للاكسفورد وجينا راجعين الاغلطنا برقم بالباص اللى يرجعنا عند بيتنا ولحسن الحظ وانا اكبس بعيونى مختلف على الطريق الاهذى لوحة مكتوب عليها اوستن واتلفت يمين شمال الا والله هذى المنطقه اللى احوس فيها اليوم واتعجب واثرها الحارة اللى جنب البيت ماهنا بعد يوم شافونى عيالى اتلفت ابترمت رقبتى واقوال هو هو هوووو قالو وشو قلت هذى الديرة اللى ابمشيكم فيها وش جابها للندن الله يخلف انطلقنا ضحك وكركره قالت بتى صادقة ياماما قلت الله الله وتذكرت يوم اقول ابرجع للندن ويتناظرون اثارينا بوسط حارات لندن وانا احسبنا بحدا هالدير ناشف ريقى ومنغثة واقول كنى ابعدت عن عيالي الله يستر عساى اصلهم قبل الليل .استروا ماواجهتو ياجماعة الخير هذا الاكتشاف الله يكفى شره؟؟؟؟؟؟؟؟؟؟؟؟؟؟
ا م هنو ور ى م تاصلون بالسلامة ان شاء الله :) تسلمين ياعمرى ياشمالية والله القلوب شواهد عشان...
بعد ماجينا من برايتون الى لندن قررت أقوم كل يوم بدرى وأطلع استكشف أماكن حلوه واتعرف على طريقها وارجع الظهر اخذ العيال ونروح اذا كان المكان يصلح لهم .قامت أختكم في الله من العجلة الظاهر ماغسلت وجهها لبست الغلاله واللطمة كالعادة وانطلقت وين تروحين يالمال وين تروحين جت على بالى بستر فليج .رحت لفكتوريا وصفيت طابور مع الناس وقصيت التكت بس قالت كلام كثير حوسة وابا على بالى مثل اشفيلد قص التكت واركب واوصل بيسر وسهولة اثر الشغله غير ...المهم قالو لى تروحين اول لاوستن وبعدين مارلبورن وبعدين مادرى وين الين تاصلين .جيت فاتنة وخر عن طريقى الجو كان حار والشمس قوية كنت حرانه ومضايقة وافكر عسا مايبتل هالحر طلعنا من حر وجينا حر. ونزلت للاندر قراوند وسألتهم تحت كيف اروح لاوستن علمونى وركبت القطار وكانت رابع محطة اوصل نزلت مع الناس عاد ابروح لمارلبورن قالو لي من محطة ثانية الله يبلشهم قلبو خريطة دماغي .ومادري الا العالم تفرقوا ماعاد فيه الا انا وقفت اهوجس يالله ان الشكوا لك وش السواة يالمال قلت تحزمى وكملى المشوار وانا امشى ابطلع فوق ادور خبر الا والله هالهندى معه صديقتة يتغزلون ببعض قلت هلا والله جاك يامهنا ماتمنى ماامدانى اقول اكسكيوزمى الا تطامرو يوم شافو الغلالة واللطمه قالو ارهابيه اكيد ابتبسم عشان مايخافون الا والله الخشة متغبيه قلت اصر ررررعيونى كنى اضحك كود يدلونى يوم اهبطو ,, قلت لهم السالفة قالو تعالى معنا وندلك المحطة الثانية يوم طلعنا برا المحطة الا والله الامطار والخضره والبرادات وين يوم اجى الشموس والحراير يالله من فضلك قلت بنفسى يازين هالديره ليش ما اجيب عيالي هنيا نتمشى ونتفرج بلا بستر فلج بلا وجع راس كل هالهواجيس وحنا بالمحطة الثانية وافكر اسألهم وش عندكم اسواق ومحلات زينة قلت مايحتاج اكيد ذى ديرة زينه سيماهم في وجوههم امطار وسنع ... اشرولى على المكان وقالولى روحى من هنا قلت اقووووول ابرجع للندن رجعونى لمحطتى الاولى هونت وكل متكلمو قلت ابرجع للندن وانشب بحلوقهم الا يوم تناظرو مادرى وشالسالفة احسبهم مستغربين ليش غيرت رايي ... يوسع وجهى بعد اخذونى ورجعونى وركبت القطار ورجعت لفكتوريا قلت هلحين وشلون ابدخل اذا حطيت الكرت دخل جوا وراحت دراهمى وبس .رحت للسيكيورتى اللى يوقف على الجنب وقلت انا مادليت وابرجع التذكرة ممكن قالي روحى لنفس اللي قصيتى منها التكت رحت والله ورجعت فليساتى باوند ينطح باوند .وجيتك طايره للبيت كنى جايبة خبر العيد دخلت على عيالى يالله يالله عندى لكم مكان يهبل تتمشون فية البسو عجلوا يالله يمدينا على بال مالبسو وتلحلحو الا والله العصر وصل يوم طلعنا قالت بنتى متأخرين ياماما خليه بكرى علشان نطلع بدرى قلت احسن عشان يمدينا نتهنا ونتمشى بالديرة كلها .رحنا للاكسفورد وجينا راجعين الاغلطنا برقم بالباص اللى يرجعنا عند بيتنا ولحسن الحظ وانا اكبس بعيونى مختلف على الطريق الاهذى لوحة مكتوب عليها اوستن واتلفت يمين شمال الا والله هذى المنطقه اللى احوس فيها اليوم واتعجب واثرها الحارة اللى جنب البيت ماهنا بعد يوم شافونى عيالى اتلفت ابترمت رقبتى واقوال هو هو هوووو قالو وشو قلت هذى الديرة اللى ابمشيكم فيها وش جابها للندن الله يخلف انطلقنا ضحك وكركره قالت بتى صادقة ياماما قلت الله الله وتذكرت يوم اقول ابرجع للندن ويتناظرون اثارينا بوسط حارات لندن وانا احسبنا بحدا هالدير ناشف ريقى ومنغثة واقول كنى ابعدت عن عيالي الله يستر عساى اصلهم قبل الليل .استروا ماواجهتو ياجماعة الخير هذا الاكتشاف الله يكفى شره؟؟؟؟؟؟؟؟؟؟؟؟؟؟