ياحبيلك ياعاشقة كيد مشكورة ياقلبي على سرعة ردك

والله ما دامك قريبة عند بورموث ودايم فيها اجل الله يعينك على اسئلتي

اولا وشلون الامان فيها هذا اهم شي

وهل فيها نادي سعودي ومدرسة سعودية لان بنتي بتكون اولى ابتدائي وحريصة اني اسجلها

هل فيها اماكن حلوة نتمشى فيها لان من الي قريت يقولون انها ما فيها اماكن سياحية زينة هل هذا صحيح

وهل تعتبر من المدن الغالية والا وسط والا رخيصة

تتوقعين السكن فيها سهل نلاقيه والا صعب يعني نجي مع زوجي على طول والا اخليه يسبقنا يرتب الوضع

ومشكووووووووووووووورة ياعمري ان متاكدة انك بتطير عيونك من كثر الاسئلة وبتقولين هذي والله الي ما تنعطا وجه ابد

بس الخوف من الغربة وما يسوي ومثلكم مجربين اكيد وعارفين الله ييسر لنا ولكم يارب

شكراً لكل من حاولت تساعدني :)

اهلا اخت شهد لا حبيبتي انا موجوده هنا لاي استفسار^^
بالنسبه للامان الحمدلله ماعليها ^^أمنه لكن في الليل احب اوضح لك انها ماتكون أمنه حتى للرجال لان تشتغل البارات ويطلعون
السكارى عشان كذا انصحك بالنهار وعموما النهار هنا طوييييييييييييل مايأذن العصر الا الساعه 6 والمغرب 7 وعليها بس المشكله
هنا معظم المحلات تسكر الساعه 5 ^^ والله يعين
وبالنسبه لبنتك بسم الله عليها والله ماعندي معلومه لاني انا ماعندي الا بنت توها سنه ولاتدرس لكن فيه قروبات بس مارحت لها
وبعدين من قال ان بورمث مافيها اماكن سياحيه ليش الظلم هذا انا قبل فتره منزله تقرير كامل عنها لو تراجعي ردودي بتلقينه
شوفي حبيبتي لو اسرد عليك القائمه بتتعبين وانتي تقرين فأنا اقترح عليك اذا جيتي ذيك الحزه يصير خير^^
تعتبر بورمث من المدن اللي وسط سعرها مقارنه بلندن يعني موب غاليه ولاهيب رخيصه مرررررره لا نص نص ^^
وطبعا كل سوبر ماركت هنا له اسعاره وفي نفس الوقت ايضا كل سكن وله سعره ومييزاته
والله شوفي ماانصحك تجين انتي وزوجك لانها صعبه تخيلي لو جيتي مع زوجك بتسكنيين في فندق الى متى لالا
انتبهي تغلطين خليه يجي اول وعموما انا اشوف رجلي عنده رقم راعي عقار لكنه في بول مو في بورمث ^^ يمكن يفيدكم
لو تبغينه
لاحبيبتي رديت لك قبل وقلت لك مافي اي ازعاج بالعكس افرح كثير لما اخدم احد



فتاه بورمث
يالدبه زعلانه عليك عندكم حديقه ولاقلتي لي عنها حديقه القرود ليش ماقلتي انا زعلانه منك

السلام عليكم ورحمة الله وبركاته
ام الحلوات
الله يحفظك يالغلا والحمدلله على سلامتك
نبي نفقدك مررررررررره بس لاتخلينا زورينا دايم
برونزيه دلع
شوفي فيه محل بالسيتي سنتر بالبورينغ جنب كاري حق الادوا ت الكهربائيه عهده اشياء تهبل وعربات وكل شي بالدور الثالث اتوقع
جوجو ماذر
ايه في اجتماع بالنادي
الرجال كل جمعه والحريم اسبوع ورى اسبوع الاسبوع اللي فات فيه يعني الجاي مافيه
وبالنسبه للعوائل الرجال كثير بس الحريم مايجي الا تقريبا اربع عوائل وان كثرو ا خمس
تعالي الله يحييك خلينا نتعرف عليك
عشوقه
شهيتيني بالكورما تصدقين شريتها وركنتها في الدولاب بس شكلي ان شاءالله ابسويها
اللي تسال عن ورق العنب
لايضيق صدرك ياعمري اكثر ماكثر الله هو تلقينه في بقالات الحلال
اللي تسال عن الشحن
فيه شركات شحن تغلف وتوصله للبيت وان شاءالله ماينكسر شي منها من ضمنها الجهات الاربع
والباقين وش اخباركم

ام الحلوات الحمد الله على سلامتك ياعسل

هاااااه بنات فيه احد