ليدي الامورة :

السلام عليكم ورحمة الله كيفكم صبايا ان شاء الله امنيح حالكم>>>>>>>صايره شاميه:27: حوريه الحمد لله انه يمزح والله بعض الرجال قوي عين يسويها :mad: ميمو الله يسلمك يارب فعلا انا كنت مضيعه وقتي ب:icon33:والحزن والوقوق على الاطلال ويوم سافرت ارتحت شوي وعدت بروح رياضيه الحمد لله صرت استغل وقتي في الي يفيدني لان اعمارنا ايام فلانقصرها بالهم والحزن ليه مايكون بكائنا من خشية الله وحزننا على حال الامه والمسلمين في كل مكان :44:وترى حلو يابنات نتواصى ونذكر بعضنا لاننا كلنا مالنا غنى بعد الله عن هذا التجمع الله يجعله مبارك olf تسلمين ياغاليه على هالابداع والله روووووووووعه ماشاء الله عليك وكنت بكتب تعليق بس ولدي اشغلني الله يصلحه وبصراحه ماقصرتي شغل تمااااام وترى حفظت الصور عندي لانها معجبتني مرررره الله يعطيك الف عافيه

السلام عليكم ورحمة الله كيفكم صبايا ان شاء الله امنيح حالكم>>>>>>>صايره...

up2me :

السلامعليكم مانى متعوده انزل ردين بيوم واحد بس فرصه ولدي نايم كل يوم بنظام حوريه على الارض كيفك وكيف الحمل معاكي انا شعوري عادي مااخاف اذا مثلا زوجي ينام بره بس يكون بعزر ظروف طارئه الغربه تجمد القلب وتخلى الواحد شجاع ماشفتينى اول ماجيت البلد كنت زي الدجاجه اتافض .............بكبكوك بكبكوك وكانت بيتنا دورين ولسه مانى متعوده على الدور الى اسفل وفيه ناس دقوا الباب وانا اطبخ وطلعت لزوجي اتنافض ماسكه البصل وسكينه وطالعه ارتعش لانه البابقزاز بس مو شفاف وباين خيلهم ومره كنت بسوي المواعين ويدي فيري طلعت خايفه صحيته من النوم نزلنا قفلنا المويه ............لول مواقف تذكر وماتنعاد جنيه الحبوبه حقك من اليوم ورايح الحبوبه بس وشكله اسم علىمسمىمن جنيه طبعا:) حكتب قصه ولادتى بس مااحد يشوفها غيرك ..البقيه يشوفوها بنص عين.................امزح:27: بنات دخلت اشيك بعد مانام ولدي دحين تبدا جلسه الرواقه ظلال الانوثه كنت بقراء معاكي ومتخيله الاحدات حلو جاتك مصريه الحمد الله على سلامتك الله يسهل لجمع حوامل المسلمين زي ماسهلك ولادتك قولي امين بس ماقلتيلى فى اي مدينه ولدتى يالله بسم الله ابداء انا بقصه ولادتى كان يامكان فى قديم الزمان,,,,,,,,,,,,,,,,,,,,,,,,يوه انتى بتحكى حكايه اخصلى شوفوا يابنات انا حتكلم......................زاتكلمى اتطفى الجوهره لا والله من جد عن المزح انا حكيكي اش صرلى وفي اشياء حذكرها وتفاصيل للفايده انا ياما قريت قصص ولاده فى قسم الحمل والولاده بس تعرفوا فى البدايه اش كان يصير فيه كنت ابكي واخاف وزجي يقلى ليش تقري خصوصا انى فى غربه وامى فيها تجى وماتجي عشان اخويا صغير لو جات من يمسك اخويا المهم كان الوضع صعب .................فحذكر قصتى مو مجرد سرد عادي حتكلم عن نقاط تستفيدوا منها ماشاء الله فى ناس يقولوا مايحسوا بالم الولاده وناس نص ونص وناس مساكين اكثر معاناه...................هادي النقطه مهمه حطيها في بالك التياسير من عند الله فتوكلوا على الله وفوضوا امركم اليه ونعمه الله ايوه الاشياء المهمه حكتوبها بالون الاحمر والقصه عادي نقاط يجب انتوضع فى الحسبان تهيئه النفس: هادىمن النقاط المهمه,كيف تهيئنن نفسك حبيباتى الحوامل انى عارفهانك بغربه فئيهي نفسك انك حتكونى لحالك وهيئى نفسك انو الولاده لازم يكون فيها الم (على قلتهم زي الم الدوره بس ازود شويه)يعنى ممكن يكون 3 اضعاف 4 اضعاف 5 اضعاف الشئ التانى الى لازم تسويه تجيبى الاذكار حقت الحمل والولاده وقرئيها على مويه وعسل وكل يوم بعد الصلاه تقرئي على نفسك ماشاء الله مرةحلوه كانوا البنات منلينها بقسم الحمل والولاده اطبعيها واقري منها كل يوم لسه ماخلصنا من تهيئه النفس فيه كمان طريقه تنفس تسويها خلال عمليه الطلق برضه مادري فين الروابطاذا نبغوها ادورلكم عليها شوفى كل ماتقولى انه الولاده فيها الم لازم وانا اقدر اتحمله مخك يتبرمج على كدا ماحد يولد بالساهل والله ماخوفكم بس لازم تتبرمجوا مخكم علىكدا عشان البكريه ما تخاف لانى انابكريه وكنت زى الاطرش بالزفه تري البرمجه مهمه ماشفتوا ناس مشيوا على جمر من غير مايصرلهم شئ وبرمجى مخيك انك جالسه لحالك مو معاكي احد الشئ التانى نظام الولاده البريطانى غرفتك مو لحالك والحمام الله يكرمكم بره فلازم تجيبوا اشيائكم معاكم يعنى لبس روب ولا بيجاما وطرحه واشياء النفاس بعتبار الى جالسين لحلهم وماحيجهم احد دحين حبداء قصتى انا يابنات كنتحامل بعدين وليت,,,,,,,,,,,,ههههههههه امزح واللهمادري اشبى بخفف دمى استحملوا بس عبال ماتستوي الكلمات بالمخيخ اهى استوت كان يجنى طلق من بدايه التاسع وماكنت اقدر امشي وماما فيها تجي وفيها لا عشان اخويا صغير زي ماقلتكم وجاه الفرج وعرفت انه خالتينى الاتنين حيجوا معاهم بت عمتهم كان دفع معنوي كبيرليه رغم الحزنالذي كان باعماقي لان امى لم تاتى هى وابى خصوصا انه كان الحفيد الاول ليهم كيف مايجوا:44: المهم اتاخرت موعد ولادتى عن الموعد المحدد ............بكريه ونستنا الولد يجى مو راضى يجى وكنا دايما فى الليل نلعب كونكان وساعات يجى الم خفيف امسك يدى على بطنى والكل يقوم يقول هاه ولاده واهلى فى السعوديه يتصلوا يطمنواعليها والافندي جالس مكيف في بطني مبسوط............زالافندي ولدي يعنى وكل مانبغى نطلع الحديقه نشوي يكون الجو سيئ امطار وانانفسي اطلع مع خالاتى نشوي رحت للدكتوره فى الجي بي على الفحص حقهم الى باليد واتسمع الصوت من السماعات بس .........عنى مو زي عندنا بالسعوديه تخطيط وتصوير...............حتى ماما تفلى ماعملك تصوير ولا تخطيط لا تقلى اش النظام البريطانى حقهم دا كانو كشف دايه ايام زمان...........ذكرت النقطه هادى عشان تعرفوا النظام لبريطانى مو زي السعودي واخر الاسبوع 41 من الحمل اتكرمت الجي بيه وحولتنى لدكتوره في المستشفى رحنا الساعه 10 صباحا مستشفى تبعد 20 دقيقه عن البت موفى مانشستر وصحيت خالتى وجات معايا لعلىوعسي يحجزونى في المستفى ويقولولى ولاده مادري اش الواحد يصير عليه رحت و النفسيه على وباه الاستعاد والمخ مهيئ وكل شئ عال العال شافتى الدكتوره كشفت على بطنى قالت انو الاسبوع الجى عيحطوا جل يوم اللاربعاء الساعه 9 الا ربع يناسبكم الموعد قلها زوجي اوكي وانامنتظره الترجمه اش قالت عدلى زوجى لكلام قلتله جل اش راح سائلها جل اش قالت يتحط على المنطقه الاسفل انا قلت ليش خالتى قالت عشان يكشفوا يشوفوا الرحم مفتوح ولالا قلت طيب ومشيناا موقف صار مره من المرات اجبرتنى خالتى على المشى وقالتلىاكيد اتاخرت ولادتك عشان مابتمشى ومشينا رحنا الحديقه والطلق حقالشهر التاسع يروح ويجي وجايبن معناعيش تاكل البط وخالتى فتحت الكيس ولا يتحجم علينا كلب يجيعان وانا اموت رعبه من الكلاب كنت حشخ على نفسي خلاص كانت مره قريبه ومن بعدها ماصار يجي الطلق شكله الرعبه لى اكلتها اخرتلى ولادتى المهم رحنا الحديقه يوم الثلاثاء وشوينا وتانى يوم الموعد وفىالليل جلسه كونكان وشاي وقهوه ايوه خالتى جابت شربه من الصيدليه والتلى خدي منها قلتاها مابغى ماماكانت تكلمنى وفى التلفون وتقلى خدي خروع ليه كم يوممادخلت الحماموخالتى التانيه قالتلى هم يسولك حقنه شرجيه كدا سولها وحتى لمن بنتها ولدك سولها الحقنه الشرجيه المهم انا ماانام الا الساعه1 الظهر عشان الله يكرمكم دخول الحمام والتقلبات اثاء النوم والله عيونى صارت توجعنى ماقدر اكمل ماكنت ابغى يكون فيه جزء تانى معليش بكره اكمل بالمناسبه الفجر صار يادن الساعه44و2 وزوجي يقول مره بدري فبنصليه 30و3 انتو كمبيادن عندكم لانه احسالمودن بيخرف

السلامعليكم مانى متعوده انزل ردين بيوم واحد بس فرصه ولدي نايم كل يوم بنظام حوريه على...

حوريه على الارض :

ياحبيلكم هو يمزح بس ابغى ارائكم اذا قالها وحده زوجها كذا وش ردة فعلها وتعرفون مزح الرجال ثقيل ميمو ياليت كان كل يوم عند وحده منكم وناااسه

ياحبيلكم هو يمزح بس ابغى ارائكم اذا قالها وحده زوجها كذا وش ردة فعلها وتعرفون مزح الرجال ثقيل...