العضلات ما تطلع الا من الأشياء الثقيله مره انتي اهم شي ركزي على الحركه والمشي الأثقال خففي منها يعني خليها كشد للجسم فقط اهم شي المشي والحركه

والله كثير خمسه كيلو اكيد بيطلع لك عضل خفيف منها كيلوين حد اقصى او ثلاثه بالكثير
...........الماهرات

حبيبتي البنت مستحيل يطلعلها عضل, لانه العضل ليطلع بده هرمون التستوستيرون هو الي بيبني العضل وبكبره, البنت عندها هالهرمون بكميات قليلة بالتالي العضلة بتشد وبتكبر شوي بطريقة حلوة لتشد الجلد اما مستحيل تعضل, والبنات المصارعات الي بنشوفهم بالتلفزيون وعندهم عضل هدول بياخدوا هرمونات وستيرويدات.


بالنسبة للتمارين.. انت عم تتمرني على كيفك؟؟؟ ما في مدربة؟؟؟

لو في مدربة خليها هي تنصحك

اما لو لحالك الطريقة سهلة
بتجيبي ثقل وبلشي بـ 2 كيلو بتمسكيه وبتعملي تمرين الايد 12 مرة مع الشهيق والزفير المنتظم وببطء

لو قدرتي ترفعيه اكتر من 12 مرة معناها الوزن خفيف ولازم تزيديه

لو ما قدرتي تكملي الـ 12 معناها الاثقال هادي كبيرة ولازم تختاري وزن اصغر

اما لو قدرتي ترفعيها 12 وما قدرتي تكملي للـ 13 معناها هاد هو الوزن الصح


*** مقدار الثقل ما بأثر على كل البشر نفس الشي, يمكن انا تكون عضلتي قوية وبحتاج 4 كيلو مثلا لاشدها وانت عضلتك ضعيفة وبتحتاجي كيلو ونص لتشديها, مش بالضرورة يطلعلي عضل وانت ما يطلعلك>>> القصة بتعتمد على قوة العضلات بالاساس.

بعدين بنيجي للتمرين, طالما اخذنا رقم 12 هو الاساس واخترنا الاثقال بناء عليها
بنبلش التمرين على عدة فترات
اول فترة 12 مرة طبعا بشهيق وزفير و بطء نوعا ما.
بتوقفي التمرين من 30 ثانية لدقيقة
بعدين بتكرري التمرين كمان 12 مرة بنفس الشروط
وبتعيدي هالشي لحد 4 فترات لو قدرتي, يعني بصير مقدار التمرين ككل 48 مرة
لو ما قدرتي اعمليه على فترتين او 3 حسب مقدرتك

هيك بتضمني بناء العضلة بطريقة صحيحة, وبتضمني ما يصير معك تمزق وما تعملي ارهاق للعضلة. وبتبنيها بطريقة صحيحة.

**** اختبار الوزن الي اعتمدناه بالبداية بتعمليه لاي عضلة بالجسم

اهم شي بدك تعرفيه تمارين الاثقال بدها ممارسة مستمرة, يعني لو بنيتي جسمك وانشد وصار متل ما بدك وبعدين وقفتي هالتمارين رح يرجع جسمك اسوأ من اول, لانه العضلة ببطل عليها مقاومة بالتالي بيصغر حجمها ولما يصغر حجمها بتصير تبطل تحرق متل الاول وهالشي بيعني
بترجعي تكسبي وزن
ومكان العضلة الفاضية بعبي دهن
وهيك بتلاقي وزنك بعده متل ما هو لانه العضل الي خسرتيه عبى دهن مكانه يعني انت ما زدتي وزن لكن كشكل بتلاقي ملابسك كلها ما عادت تدخل فيكي لانه نسيج الدهن كتير متراخي عكس نسيج العضل.

اي سؤال انا حاضرة اجاوب عليه حسب معرفتي
بالتوفيق