اللهم ردها اليك ردا جميلا
توكلي على الله فهو حسبك

انا كنت فتره مهمله بس غصب عني لاني كنت مريضه وبيتي تركته للخادمه تسوي فيه الي تبي وكل يوم شي مكسور والاجهزه كل يوم مخترب شي وانا اشوف واتحسر علي اغراضي والحين الحمد لله تعافيت فقمت لبيتي قومه اسد اول شي احط الراديو علي محطه القرآن إذا كنت في المطبخ واسمي ثلاث مرات واقول يا معين ربي اشرح لي صدري ويسر لي امري قبل اي شي اسويه والله والله والله ما احس بالوقت والشغل يخلص علي اكمل وجه وكل يوم اخصص مكان في البيت والاغراض المكدسه والملابس الزايده جمعتها باكياس ودقيت علي اللجنه وخذوها والمطبخ اخذت افكار وايد من المنتدي ما شاء الله استفدت وايد ونظفت بيتي وعطيت كل شي حقه بس اهم شي تكوني قريبه من ربك وكل شي يتيسر سبحان الله جاهدي نفسك وتعوذي من الشيطان وخلي القران علي طول شغال في كل البيت حطي التلفزيون علي قناة القرآن ما راح تتعبين وكل ربع ساعه ريحي وبعدها كملي شغلك اذا حاولتي تنظفي كل البيت ما راح تكملي يهد حيلك التعب وتوقفي اما اذا خصصتي كل يوم مكان اريح

اختي مفتاح السعادة هو القرب من الله
-اول شي الصلاة في وقتها بدون تاخير
-قراءة جزء من القران يوميا لو قسمتيها بعد كل فرض صفحتين
-الصدقة لو بمبلغ بسيط يوميا
-تنظيم مواعيد النوووووم اهم شي النوم بدري
-الاهتمام بالنظافة الشخصية وانصحك تروحي صالون وتسوي تغيير كامل لمظهرك يعني قصي شعرك واصبغي واعملي تنظيف بشرة وبدي كير
-نظفي بيتك اول باول وجددي من بعض الاشياء وغيري اماكن الاثاث وصدقيني راح تحسي بالتجديد والحماس
-ابتسمي واشعري بالتفاؤل وخلي نظرتك للحياة حلوة
-نومي اطفالك بدري والبسي وتشيكي لزوجك وخليه يحس انك كل يوم عروس
-عودي اطفالك على النظافة والترتيب
-ولاتنسي الاذكار المعينة على الشغل قبل النوم
وباذن الله راح تتحسن نفسيتك وتتجدد وراح ترجعي زي اول واحسن وراح تسعدي زوجك واطفالك الي ما عندك بالدنيا اغلى منهم

اول شي كويس انك بديتي بهالموضوع

وهذي بداية الصح


ثاني شي

حافظي على صلاتك


اول ماتسمعين الاذان فززززززي لو بأيدك مليون شغله


وصلي واكثري من الدعاااااااااااء في سجودك ان ربي يقويك على طاعته وعلى طاعة زوجك والاهتمام باطفالك وبيتك


اكثري من الاستغفار وقت الشغل


يخلص الشغل وماتحسين فيه


وهذي عن تجربه

شغلي قران في البيت اثناء التنظيف


ابدئي حبه حبه


اول شي نظفي الاشياء الرئيسيه

وبعدين العميقه


حاولي تجيبن شغاله بالساعه


عشان تبدئين تنظفين البيت وتتعودين


لان يبيله شغل كثييييييييير من اول مره وبعدين يصير سهل عليك








اهتمي بزوجك وعيالك






خليه يلاحظ التغير وينبهر فيك ويرجع يحبك من جديد ويهتم فيكم ومايفارقكم



ويلا الحين فززززززي ياعسل نظفي البيت خلي زوجك يرجع والبيت فله شمعه منوره :)

الله يهديك ان شاء الله
وانتي فيكي خير ولا ماكان كتبتي هذا الموضوع


ادعي واستغفري داااااايم والصلاه او ما يأذن قومي صلي على طووووول اتركي كل شي وصلي وصدقيني بتداومي عليها

والنوم بدري ترى صحه للبدن و النفس

حاولي تنامي عالساعه 11 بالكثير و زوجك وبناتك واصحوا بدري و افطري و اجلسي عالنت شويا الين تفكي و قومي سوي شغل بيتك

الله يساعدك ياقلبي :)