بنات بطفش من اهل زوجي ( بفضفض)

اهل الزوج و ما ادراك ما اهل الزوج

لا تدخل وحده تقول اتقى الله فيهم و انت ما تخافين الله

الحمد الله لا عمري غلطت عليهم و لا سمعتهم كلمه تسم البدن و لا حتى اشتكيت عليهم

لا عند اهلي ولا عند ولدهم كله في نفسي وساكته و ما اتكلم الا في هذا المنتدى عشان افضفض و بس


من يومين كان عندنا اجازه و المهم الظاهر انهم كانو متوقعين انه نتغدى عندهم مع انه نحن ما قلنا لهم بنتغدى عندكم

المهم مرينا عليهم العصر الا الكل زعلان طابخين لكم و لاجيتو و لا عبرتوا و ما ادري ايش

انا بحسن نيه قلت والله خالتي ما كان عندي خبر انكم عازمينا لاني طابخه في البيت و بعدين كنتو اتصلتو علينا تتاكدون..

انا بس قلت اتصلتو علينا تتاكدون قامت القيامه كيف اتجرا و اقول تتصلون علينا

وسمعت اخته تقول هذا الي ناقص نحن نتنزل و نتصل عليهم ( طيب ليش كل هذا انا شو قلت )

والله العظيم انه لما قلتها ما قلتها بتشره بس سالوني ليش ما جيت قلت و الله ماعندي خبر انكم تنتطروني

قالو طبخنا كثير قلت الله يهديكم كنتو اتصلتو تسالونا (اذا فيها شي علموني )

لاني خلاص بطق مرات بخاطري اروح لاهلي و اكر الي صاير كله بس بعدين اقول يا بنت اعقلي

خليه في نفسج و اسكتي ومافي داعي تقليلن من احترامهم عند اهلج

حتى زوجي ما اشتكي له شو بسوي لي يعني تراهم اهله ما يقدر يتبرى منهم و انا اصلا ما ارضى انه يغلط على امه و خواته مهما كان

بس فضفضت وريحت خاطري :09:

وسلامتكم