اول شيئ انا طماعه ابغى دعوه منكم حلوه ان الله يرزقني الذريه الصالحه العيال على تعبهم حلويين
وبصلاح زوجي يارب ....
قصه حملي ....كل ما ادخل القسم تأخر الحمل وكيف كنت اتجول فيه بخفيه
وكل ما تذكرت اني استفدت من اعضاء فيه الله يرزقهم مثل مارزقني
قلت بتجرأ وبكتب القصه ولا تنسون تدعون لي ...
ادري طولت عليكم وكاني بكتب قصه حياتي
انا حالي من حال اي وحده متأخره بالحمل
والحمل مو سهل بالنسبه لي لان فيني تكيس مبايض
كرهت هذا الكلمه من كثر ما اسمع كذا دكتور ودكتوره تكيس مبايض
والله ما انكر يابنات اني صرت حقل تجارب بالاعشاب وبالادويه
لكن يارب يرزقنا الاجر ... معدتي تعرفون شلون هلكت ... الحمد لله على كل حال
عموما استخدمت الكلوميد لحاله ماجاب نتيجه
رغم ببنتي حملت عليه لحاله مع ابر تفجير
استخدمت كلوميد وابر ما جاب نتيجه
استخدمت مانع لمده شهرين عشان يخف التكيس ماجاب نتيجه والتكيس كما هو
تركت الادويه استخدمت خلطه العسل والجوز والحليب ومعهم المراميه
ماجاب نتيجه
استخدمت الرشاد والتمر وزيت الزيتون نظف رحمي ونزل الدوره عدل وما حملت
اخر شيئ استخدمت تدرون شنو خلطه اخذتها من هذا المنتدى الله يرزق صاحبتها الاجر والذريه الصالحه يارب
خلطه عيون وليد خلطه مشهوره بهالمنتدى
طبعا مع علاج كلوميد وابر والحمد لله كتب ربي لي الحمل
جمعت بين الاعشاب والادويه لاول مره
وتدرون وش استخدت ففي فتره التبويض بعد
اكلت خس كنت رايحه لاختي وانا احب سلطتها واكلت بجنون
والدكتوره قالت لي لما شافت التبويض مو مره قالت ماراح اعطيك ابر بس طلبتها طلبه واستخدمت ابره اخيره
واكلت خس والله اعلم من خلى البويضه تكبر بعد الله هل الابره والا الخس والا الخلطه
انا تعجبت يوم قرأت عن الخس بالنت انه مقوي
ووصلت البويضه الى مقاس 16 يعني مابعد توصل للمطلوب بس ثاني يوم اخذت ابره التفجير
والحمد لله ربي كتب لي الحمل
طبعا الرقيه الشرعيه والدعاء قبل الجماع
انتهت قصتي لعل وعسى تستفيدون واكسب اجركم
لاتنسون تدعون لي ويابختي بهالمنتدى ,...
نسيت اذكركم بنقطه مهمه وهي يوم حملت ما قلت الا لامي بس
حتى خواتي مايدرون على الاقل الاشهر الاولى احس تعقدت من حملتي الاولى
قلت لوحده بس من خواتي عشان تستخدم الخطله لان هي متأخره بعد تسقيطها 8 شهور
والله يابنات انها استخدمتها الشهر الا بعده طبعا مع الادويه وحملت ولله الحمد وقولو ماشاء الله حامل بتوأم
طبعا مع مقويات يعني الخلطه ومقويات ... والحمد لله على نعم ربي علينا .....
هره هند @hrh_hnd
عضوة فعالة
يلزم عليك تسجيل الدخول أولًا لكتابة تعليق.
seetah1
•
الحمدلله والف الف مببروك ماشا ء الله الله يفرح قلبك قلب اختك بشوفة ضناكم يارب
هره هند
•
seetah1 :
الحمدلله والف الف مببروك ماشا ء الله الله يفرح قلبك قلب اختك بشوفة ضناكم ياربالحمدلله والف الف مببروك ماشا ء الله الله يفرح قلبك قلب اختك بشوفة ضناكم يارب
ماشاء الله تبارك الله
الله بلغنا وولدنا ولله الحمد
انا جبت ولد والحمد لله وعندي قبل بنت
واختى والحمد لله ولدت ولاده مبكره بأول الثامن وجابت بنت وولد
الله بلغنا وولدنا ولله الحمد
انا جبت ولد والحمد لله وعندي قبل بنت
واختى والحمد لله ولدت ولاده مبكره بأول الثامن وجابت بنت وولد
الصفحة الأخيرة